毫無疑問，日本係世界上最現代化嘅國家之一。但其實日本，同時都擁有好多傳統文化。好多旅客去日本嘅其中一個原因，就係希望可以探索下日呢個國家入面嘅傳統文化同活動。但日本有咁多傳統文化事物，咁多選擇應該點揀？就等我地嚟睇下8樣唔可以錯過，必睇嘅日本傳統文化事物啦。
若用戶經由文中連結購買或預約內文所介紹之商品，FUN! JAPAN將有機會收取部分收益。
1. 日本傳統服裝：和服
和服可能係日本最受外國認知嘅服裝之一，因其精緻設計同埋細節而聞名。雖然而家日本人通常只會穿著和服參加啲禮儀或者節日，又或者喺婚禮穿著作為慶祝嘅一部分，但過去和服曾經係日本人生活中嘅一部份。和服本身上係一件長袍，腰部會綁腰帶，稱為「Obi」。
和服有唔同種類，有啲隆重著幾層嘅，分分鐘要成幾個鐘先至裝備完畢，仲要有人幫手先著到。如果您有機會試著和服，絕對係一個不容錯過嘅體驗！
▶日本東京淺草｜傳統和服體驗／浴衣租借＆彩妝攝影服務預約（江戶和裝工房雅 淺草站前店）
相關文章
2. 日本料理（和食）
日本料理聞名世界，好多食物都係咁多個世紀以嚟都依然如一，用返古代流傳嘅烹飪傳統煮成。如果您去日本旅行，就會發現有數之不盡嘅選擇。當然，要講最出名嘅就要先數壽司。其特點係將魚或者其他海鮮放於白飯上，之所以有咁嘅做法，係因為日本作為一個島國，新鮮海鮮係日本內好多地方都可以捕獲到，順理成章地令壽司成為名副其實嘅首席著名料理。
其他受歡迎嘅日本料理仲有「刺身」（日語發音為「Sashimi」），包含生魚片或是係其他生肉片，例如生馬肉薄切片；另外，「串燒」（Yakitori）係將肉類同蔬菜串埋一齊燒嘅料理；麵類美食就有烏冬同蕎麥麵，可以熱食或者冷食；「天婦羅」就係將魚、蝦同蔬菜類封等食材，包左衣之後炸；而「鐵板燒」（Teppanyaki），係喺加熱左嘅鐵板烤盤上煎肉或者蔬菜。另外仲有壽喜燒、御好燒、鰻魚丼飯、和菓子.....日本嘅美食當然唔止呢啲，仲有好多寫唔哂。
清酒係由優質大米、米麴菌、酵母同清澈嘅水製成。您可以係日本餐聽、居酒屋同酒吧裡點到清酒。亦都有專門只提供清酒嘅日本酒酒吧，可以品嚐到來自日本唔同地區嘅各種清酒。去日本旅遊時，旅程中如果安排埋參觀清酒釀造廠，應該會係個好有趣嘅體驗。
▶預約百年壽司老舖：參加東京壽司課程（byFood)👉請按此
🍣與主辦方 Kazuki 一起前往新宿區擁有 100 年歷史的壽司店，學習壽司製作工藝！
相關文章
- 日本餐廳預約、點餐、付款教學。給你完整的日本用餐攻略！
- 【日本東京】好玩又好食！去東京淺草「藏壽司」全球旗艦店體驗日本祭典氛圍啦～
- 【日本東京】和牛放題＆流出檸檬沙瓦嘅水龍頭！？極具話題性嘅4大必食東京燒肉店
3. 季節活動：賞櫻花、賞紅葉、夏日祭典等
日本四季分明，一整年當中都會有喺特定時期和季節舉辦嘅活動。當中，賞櫻花、賞紅葉、夏日祭典等活動，喺海外遊客中亦擁有高知名度，深受歡迎。
賞櫻花 （花見）
日文嘅「花見」（Hanami）基本上就係賞櫻。2月底到3月初左右，由日本最南嘅沖繩開始櫻花綻放，隨著天氣逐漸暖和，櫻花前線往北走，日本各地嘅櫻花就會到逐個到盛開嘅花期。東京嘅櫻花季節通常係3月嘅最後一個星期，而到北面嘅青森弘前城就要等到5月初先會見到櫻花嘅楚楚可人姿態。
夏日祭典
夏天時日本各地都會舉行夏日祭典。 除咗參觀神轎巡行之外，仲可以享受路邊攤位嘅美食和遊戲。另外，亦有祭典會喺晚上發放美麗動人嘅煙花，相當熱鬧。當中，喺東北地區舉辦規模盛大嘅「東北六祭※」更吸引大量遊客前往，喺日本國內亦享負盛名。8月頭前往嘅話，仲可以喺1星期內參加多個東北夏日祭典添！
※青森睡魔祭、秋田竿燈祭、盛岡三颯舞祭、山形花笠祭、仙台七夕祭、福島草鞋祭
賞紅葉（紅葉狩）
被稱為「紅葉狩」，喺秋天觀賞紅葉嘅活動亦相當受歡迎。除咗可以欣賞到日本庭園、公園、山林湖泊等被紅葉染紅嘅景致，仲可以遇到金黃色嘅銀杏葉散落時形成一片猶如黃色地氈嘅林蔭大道絕景。紅葉觀賞時期，由9月中起從北方嘅北海道開始南下，10月至11月左右到南方嘅東京、大阪、九州等地，相繼地迎來紅葉季節。
相關文章
- 【遊日懶人包】港人遊日不失禮！出發賞櫻前必知禮儀與必備物品
- 日本無論係夏天定冬天都可以欣賞到煙花！「日本三大煙花大會」&「日本之最」煙花大會3選
- 【日本文化】出發去日本賞紅葉前不可不知！紅葉基礎知識全攻略
- 東京秋季賞紅葉去邊好？公園？日本庭園？神社？東京必去紅葉景點大集合！
4. 日本傳統建築
日本係一個擁有超過2000年歷史嘅國家。因此，有唔少庭園、寺廟神社、城堡、舊宅邸等古老建築物仍然保留著昔日模樣，係可以感受到過去嘅日本文化和歷史嘅旅遊勝地。例如，具代表性嘅有東京嘅六義園（庭園）、京都嘅清水寺（神社佛閣）、大阪嘅大阪城（城堡）等。喺寺廟神社可以接觸到日本嘅神道和佛教思想，喺城堡則可以了解日本歷史和文化。另外，亦推薦參觀四季群花盛開嘅日本庭園。
喺日本，庭園唔單只係「一個庭園」咁簡單，實際上園藝喺呢個國家擁有悠久而且輝煌嘅歷史。喺古代，庭園係根據佛教哲學設計而成，所以好多寺院或者廟宇建築至今都仍然保留住舊時留下嘅佛教元素。日本庭園嘅意境係要以和諧之心做設計，所以每個元素都一定經過精心挑選，要同其他元素配合同平衡，呢個原因亦係點解您會喺日本花園內欣賞到植物、水、石頭與木橋等唔同特色嘅擺設。
相關文章
5. 日本傳統藝能
傳統藝能係日本自古以來就傳承下來嘅戲劇、音樂、舞蹈等演出。主要分為演劇、演藝、舞蹈和音樂等領域。
演劇
「演劇」係於現場演戲，演出故事內容嘅舞台表演。當中，除咗有揚名海外並代表著日本傳統藝能嘅「歌舞伎」之外，仲有帶著面具並以超自然事物為題材嘅歌舞劇「能樂」，以及喺三味線伴奏和操縱人偶演出來演說嘅「文樂（人形淨琉璃）」等，日本傳統藝能可謂豐富多彩。
演藝
「寄席」係指向觀眾展示日本藝能嘅大眾表演場所。「演藝」係指運用說話技巧、歌唱、奇術等，向觀眾披露大眾藝能嘅總稱。例如，一人分演幾個角色去講有趣故事嘅「落語」，講談師一邊利用扇子發出聲響、一邊講述歷史嘅「講談」，藝人兩人一組互相攀談，令觀眾開懷大笑嘅「漫才」等都相當著名。
舞蹈
「日本舞蹈」以歌舞伎舞蹈嘅技法為基礎，繼而發展出來的。日本舞蹈家身穿和服，一邊華麗地揮動扇子和手掌一邊跳舞。利用美麗嘅身體動作，重現對風景嘅描寫，或各種不同角色嘅姿態。
6. 日本嘅藝術三道
日本係一個重視歷史、傳統以及待客之道嘅國家，有著被稱為三道嘅傳統藝術。以茶道、書道、花道、香道為主，主要以茶道、花道、香道稱為「三道」，有時亦會將書道列入三道之一。
茶道
日本茶道係日本傳統中最著名嘅一項。對於好多去日本嘅遊客嚟講，體驗茶道絕對係旅行亮點之一。茶道能夠修身養性，增進文化素養。招待嚟品茶嘅客人聚集，寧靜心神，好好地品嘗茶嘅美味。茶道仲包含左冥想等佛教元素，如果有機會的話，一定要試下飲抹茶，好好研究下茶道文化！
書道
日本另一個歷史悠久嘅傳統就係書道（書法）。想要精通前首先要學返多年書法藝術，咁先可以一出手就自然可以畫出優雅嘅墨跡筆觸。與此同時，書道本身亦係一種放鬆同埋冥想嘅方式、同時係對創造性嘅追求，唔係剩係寫毛筆字咁簡單。喺日本旅行期間，都不妨學一下關於日本書道基本知識，又或者買返套傳統水墨作為旅行紀念品吖！
花道
花道（日文為華道）基本上係指古典花藝設計，其宗旨係將唔同元素嘅平衡，透過日本嘅獨特美學展現出賞心悅目嘅配置。花道可以分成好多方面，例如和諧、平衡、人同自然結合等等。同日本大部份其他傳統一樣，花道亦係有源自佛教嘅文化之一。好多時會係公園或寺廟裡可以見到花道嘅作品，如果住宿喺傳統嘅日式旅館，就好可能係房入面嘅壁龕已經有花道作品嘅裝飾。
7. 日本傳統相關職業
相撲手
相撲係日本嘅國技，亦係最傳統嘅運動之一。兩名力士喺被稱為土俵嘅神聖擂台上，穿著以絲綢製作嘅兜襠布「廻し」（Mawashi），進行一對一對決。有關比賽前後，從力士登場，登上相撲擂台，到對決後退場，各種儀式和行動都係有所規定。相撲嘅誕生源自於日本自古以來嘅宗教、神道嘅祭神儀式，而喺比賽前會為咗淨化場地，會於土俵上撒鹽，亦屬其中之一。 另外，排名最高嘅相撲力士被稱為「橫綱」，其語源為當時只有特別强嘅力士先至可以將以白麻編織而成嘅特別稻草繩綁喺腰上。
▶相撲選手挑戰賽和東京午餐（byFood）👉請按此
藝妓與舞妓
「藝妓」係著和服、臉上塗白化妝嘅女性，佢地係以表演傳統藝術、舞蹈同歌唱來招待客人。「舞妓」係喺係京都同西日本地區對藝妓學徒嘅稱呼。佢地都會為為客人唱歌、跳舞同演奏日本傳統樂器。如果想一睹藝妓或舞妓嘅風采，您可以前往京都或者東京嘅神樂坂同淺草。
歌舞伎演員
歌舞伎係由17世紀開始，屬於日本古老傳統啲舞台表演。最初歌舞伎係由女性同男性一齊演出，但到左17世紀中期歌舞伎變成左一個男人專屬嘅世界。由嗰時開始，無輪男性定女性嘅角色都係由男性演員扮演。歌舞伎嘅傳統技藝通常代代相傳，子承父業。所以日本有好多著名嘅「歌舞伎世家」，世代相傳，係好有悠久歷史嘅舞台表演傳統。
8. 日本傳統工藝品
日本傳統工藝品係以傳承自古至今超過100年嘅傳統技術及技法，主要手工製作嘅工藝品。當中，需要符合經濟產業大臣指定5大條件嘅工藝品，先至可以被國家定為「傳統工藝品」。而至今有240種被登錄為「傳統工藝品」（截止2023年1月）。
正因為有長年傳承下來嘅精神和職人技術與講究，先至可以製作出優秀嘅工藝品。從日常用品，到具藝術價值嘅物品等，有著多種不同嘅工藝品。
例如，喺玻璃表面上切割磨刻來表現出各種細膩圖案嘅「江戶切子」，昔日嘅鄉土玩具「木芥子等人偶」，以各地區特有技法生產出觸感既優良且結實耐用嘅「織物」，藝術作品中亦會使用嘅「和紙」和「金澤箔」，繪畫上多彩圖案嘅「陶瓷器」等等。如果有機會嘅話，不妨將工藝品當做當地特色手信買返香港留念啦！
和紙
和紙是一種根深蒂固於日本美學和傳統文化的材料，其起源據說是從中國傳到日本的。在平安時代（794年～1185年），和紙受到貴族喜愛，而到了鎌倉時代（1185年～1333年），政治中心從貴族轉移到武士，和紙的使用也在武士的世界中擴大。之後到了江戶時代（1603年～1868年），和紙也在百姓之間普及。和傘、日式拉門「障子」等都是由和紙製成的。
進入近代以來，由於洋紙的普及，和紙一度衰退，但由於傳統文化的重新評價，和紙得以復興，現在甚至產生了融合新技術和設計的產品。此外，日本的手漉和紙技術也在2014年列入為聯合國教科文組織的無形文化遺產，得到了國際的認可。
相關文章
※而家喺FUN! JAPAN Select Shop都可以買得到日本傳統工藝品啦。即刻去睇吓有咩可以買～詳情請按此
Comments