試食當地食物係旅行中一件非常有趣嘅事，到日本旅行當然亦一樣，有啲人甚至會話日本料理係全世界最好嘅料理之一𠻹！據講日本料理同時亦係最難掌握嘅料理之一，尤其係如果您唔識日文的話......
好多人都會以為日本食物就等同壽司，但實際您會發現日本其實仲有多款料理，而其中一種名為「天婦羅」嘅主要食物，您又知唔知應該點樣食呢？
以下就係您食天婦羅時需要知道嘅二三事......
咩係天婦羅 (Tempura)？
天婦羅即係將食材沾上麵衣後油炸而成之料理。天婦羅類近油炸料理，不過麵衣更為薄脆。
日本天婦羅之由來
天婦羅雖然被認為係經典日本料理，但有趣嘅係「天婦羅」一詞起源並非日文。一般認為天婦羅原為由萄萄牙人傳入日本，最初係一款被稱為”tempero”、由傳教士們引進嘅料理。
天婦羅食材包括？
天婦羅麵衣係由水、麵粉、雞蛋製成，而用嚟裹上麵衣嘅食材則有非常多種。日本各地嘅天婦羅食材都會因為地區或季節而有不同，通常會有蔬菜類、花枝或蝦等海鮮類，仲會有魚等等。比較典型嘅食材包括：
茄子 (Nasu)
蝦 (Ebi)
南瓜 (Kabocha)
花枝 (Ika)
天婦羅通常要點樣食用？
天婦羅沾醬一般會被稱為’ten-tsuyu’，係一種用高湯、醬油、味醂調製嘅調味料，而且經常仲會加入薑末或蘿蔔泥，以清除口腔內嘅餘味。
有時候，薑末或蘿蔔泥會分開提供，此時只需要自己將兩者放入醬汁內輕輕調勻，然後再用嚟沾上天婦羅即可。
天婦羅仲有無其他食法？
您可以單純只食天婦羅，亦可以配搭其他食材一同食物。例如天丼就係用碗裝飯後擺上天婦羅、然後淋上醬汁而成嘅料理。另外一種食法則為天婦羅蕎麥麵，喺麵條上放上數塊天婦羅即成，有人亦會以烏冬代替蕎麥麵。
食天婦羅都有順序？
您或許會以為只要將天婦羅夾起食就得，但實際上食天婦羅都有順序。喺大多數天婦羅餐廳內，店員都會按照順序上菜。擺喺最靠近您面前嘅一道菜就代表要最先食，然後再一道接著一道按照順序如此類推。
通常前面幾道菜都會比較清淡，例如蔬菜類，然後比較有份量、如海鮮或魚類等就會擺喺後面。您唔一定要按照上菜順序起筷，但係建議按照上述先後，先能夠享受到食材嘅最佳味道。
仲有，享用天婦羅時亦要注意時間。麵衣放太耐會變軟，所以最好就要做好起筷準備，先點選您要嘅天婦羅，如此就能夠確保天婦羅酥脆又可口。
食天婦羅時有特殊禮儀嗎？
唔一定要一口就將天婦羅KO，但係仍然有注意禮儀需要注意。如果唔能夠一口將天婦羅食完，我哋會建議您至少都要咬一半，然後記住唔好放返喺碟上，而係要用筷子夾著，等食完一塊之後先再食下一塊。
Comments