電影《藝伎回憶錄》中出現嘅傳統藝者
藝妓化上傳統妝容，梳起傳統日本髮髻，身穿和服嚟接待客人。喺電影《藝伎回憶錄》嘅主角—藝妓，係日本引以為傲嘅文化之一。下面將會為大家詳細介紹藝妓嘅工作內容、學習過程，同埋介紹可以見到藝妓嘅地方。
日本藝妓實際係？
藝妓主要係女性從事嘅職業，佢地喺被稱為「料亭」嘅傳統日式高級餐廳、日式旅館等地方工作，為客人表演長曲 、三味線以及日本舞蹈等，係日本傳統文化之一。她們喺京都會被稱為「藝子（Geiko）」，而金澤就會稱為「藝妓」。要成為藝妓，必須學習眾多嘅技藝，包括日本舞、長曲、三味線、茶道、花道等，要全部都修行好先算係藝妓。京都嘅藝妓學徒被稱為「舞妓」，而關東就會稱為「半玉」。
藝妓(文化)係點樣養成？
藝妓嘅歷史可追溯至江戶時代。起源於京都八坂神社附近嘅茶屋，被稱為「舞子」嘅女生們表演唱歌、三味線同舞蹈等。呢個文化傳到江戶，擅長表演藝術嘅舞子受到大家歡迎，於是利用佢地嘅人氣，舞子被安排到日本傳統嘅遊樂場所「茶屋」，或者江戶時代官方認可嘅「遊郭」工作，漸漸發展成現代嘅藝伎。
而家可以喺日本邊度見到藝妓？
日本將有聚集藝妓所屬嘅「置屋」、請藝伎來表演嘅「茶屋」，同「料亭」嘅地區，稱為「花街」。日本各地都有花街，去到傍晚就經常可見到要出發工作嘅藝妓。而傍晚時分亦係藝妓最忙碌嘅時間，所以呢個時候應該避免同藝妓交談，唔好阻住佢地嘅路。如果想慢慢細心欣賞藝妓，可以前往參觀喺花街舉行嘅藝妓舞蹈公演等。
可以遇見藝妓嘅地方：保留規範，延續傳統嘅京都五花街
京都最大嘅花街「祇園甲部」，同祇園東、先斗町、上七軒、宮川町並稱為「五花街」。 呢啲花街都保留咗傳統習俗。「拒絕一見客（一見さんお断り）」，指嘅係，店舖會拒絕客人入店，只招待有人介紹嘅客人。
請注意，京都、祇園周邊嘅私有道路，未經許可，係禁止攝影。
可以遇見藝妓嘅地方：淺草、神樂坂等地，合稱東京六花街
東京最有代表性嘅花街係新橋、赤坂、芳町、神樂坂、淺草同向島，合稱為「六花街」。喺著名觀光地—淺草，最高齡嘅藝伎「優子姐（ゆう子姐さん）」一直繼續藝伎嘅工作至2017年左右（於2019年2月逝世，享年96歳）。淺草呢個花街，充滿咗致力於藝妓藝術傳承，好似優子姐咁樣嘅精神。
淺草藝妓日本舞蹈
喺淺草，一年會有幾次免費嘅藝妓傳統舞蹈表演次。影片當中嘅歌手係一位94歲嘅女性長者！！
- 日程：不定期
- 時間：第一部分13：00〜13：30，第二部分14：30〜15：00
- 地點：淺草文化觀光中心6樓多用途空間 ※位於淺草寺雷門前
- 容納人數：85個座位／最多可容納30人的站立空間
- 費用：免費
- 需於表演當日10點喺觀光該中心一樓索取門票
2020年免費藝妓表演日程：
- 6月6日、13日、20日、27日
- 9月5日、12日
- 10月3日、10日、17日、31日
- 11月7日、14日、21日
可以遇見藝妓嘅地方：金澤藝妓表演嘅茶屋街
金澤市有「東」、「西」和「主計町」共三條茶屋街。金澤嘅藝伎保留咗由江戶時代延續至今嘅藝妓傳統，持續活躍喺呢幾條茶屋街入面。基本上舖頭都唔會接受自己第一次嚟嘅客人。但係某啲情況下，喺酒店或者旅館嘅宴會上，可以請藝妓嚟表演。所以揀住宿時，可以問一下。
Comments