你知道「文樂」係乜嘢嗎？喺日本，你可以到「國立文樂劇場」等劇院中觀賞「文樂」，係喺江戶時代初期確立風格嘅日本傳統木偶劇。「文樂」係操縱著和服嘅木偶，搭配音樂一齊講故仔嘅一種表演藝術。於2009年被列入聯合國教科文組織嘅無形文化遺產。今次我地會以淺顯易懂嘅方式為大家介紹「文樂」。
江戶時代嘅木偶戲「文樂」？文樂嘅起源及發展歷史
「文樂」係日本傳統木偶戲「人形淨琉璃」嘅其中一種類型，17世紀嘅一位演唱名家「竹本義太夫」以「義太夫節」唱腔嘅淨琉璃為木偶操作伴奏，確立咗文樂嘅表演形式。「義太夫節」係竹本義太夫所創立嘅「淨琉璃」中嘅一個流派，喺三味線伴奏之下，演唱者會做出獨特嘅聲音變化。人形淨琉璃嘅人氣曾經比歌舞伎更高，經歷劇團反覆興衰更迭，至江戶幕府末年，「植村文樂軒」係當時最有影響力嘅劇團。所以，文樂成為人形淨琉璃嘅代名詞。經歷咗盛衰起伏之後，文樂而家已經建立咗世界一流傳統表演藝術嘅地位。
三位一體構成嘅木偶戲「文樂」
文樂係由演唱表演者「太夫」、三味線演奏者以及木偶操作者嘅三位一體表演，稱為「三業」(さんぎょう)。「太夫」以「義太夫節」嘅表演形式，負責扮演所有角色嘅聲音。透過太夫生動嘅講說同唱詠，令故事場景、角色嘅男女老少心情，可以深入觸動觀眾嘅心靈。同太夫一齊將故事情感表現出嚟嘅樂器，就係三味線。文樂表演通常使用嘅琴把較粗，被稱為「太棹」三味線，其深沉嘅琴韻聲，喺編織場景同角色情感變化嘅詮釋，發揮好大作用。
最後係操縱木偶嘅「木偶師」(人形遣い, にんぎょうつかい)。負責木偶頭部同右手動作嘅係「主要操作者」(主遣い, おもづかい)，而負責操縱左手嘅係「第一助手」(左遣い, ひだりづかい) 、操縱腳嘅係「第二助手」(足遣い, あしづかい)。喺木偶師團隊純熟技術下，木偶就好似有生命咁，可以靈活做出各種動作。
文樂表演使用嘅木偶
木偶構造可以分為頭部、四肢、軀幹、服裝同假髮。所以，除咗可以更換木偶嘅假髮、服裝打扮等，同一個木偶嘅頭部，仲可以透過臉部化妝嚟演釋完全唔同嘅角色。木偶著嘅和服後面都會有個洞，木偶師就係喺呢個洞到插入手嚟操縱木偶。文樂嘅特色就係透過各種機關同技巧，令木偶好似有生命咁生動靈活。
喺「國立文樂劇場」等劇院觀賞嘅「文樂」，有邊啲主要劇目？
文樂劇嘅表演劇目，大部分都係江戶時代創作。文樂作品大致可分為「時代物」以及「世話物」兩種。「時代物」主要係描寫奈良時代到戰國時代嘅歷史故事；而「世話物」就係現代生活嘅故事。《菅原傳授手難習鑑》、《義經千本櫻》、《假名手本忠臣藏》呢三套戲，被稱為文樂三大名作。
Comments