戴住般若面具嚟表演嘅「能」，被列為聯合國教科文組織非物質文化遺產，同歌舞伎以及狂言，並列為日本傳統表演藝術。能劇嘅要素由「人聲」(謡)、「舞蹈」(舞)、「奏樂」(囃子)構成，奏樂由笛、小鼓、大鼓同太鼓，共四種樂器演奏。FUN! JAPAN將為大家介紹能嘅歷史同埋欣賞方式。
關於日本傳統表演藝術「能」，同歌舞伎或狂言有咩分別呢？
「能」係一種喺音樂伴奏中，戴住能面（面具）進行嘅表演。戴面具嘅演員扮演主角或第二主角，扮演真實人同配角嘅狂言演員，就唔會戴面具。狂言係使用能樂嘅角色進行嘅喜劇表演，既被視為能樂嘅一部分，又被視為獨立表演藝術。同有好多神話故事同民間故事嘅「能劇」唔同，「狂言」大多數係喜劇，透過笑聲表達人們日常生活以及幽默。
另一方面，歌舞伎係另一種表演藝術，用音樂、舞蹈描繪故事，係江戶時代先發展出嚟，普羅大眾嘅一項種娛樂活動，比起「能」同「狂言」，足足遲咗250年之後先出現。同神秘感重嘅「能」相比，歌舞伎就有比較多戲劇元素。
日本傳統表演藝術「能」嘅歷史、欣賞「幽玄」之美
有個日文詞語用嚟表達「能」嘅美學魅力，就係「幽玄」。有啲劇本非常有戲劇性，但有啲故事就好平淡，有始終如一嘅寧靜感同埋深層感。「能」劇嘅成功要數觀阿彌同世阿彌父子。觀阿彌係猿樂大師，佢希望通過添加其他表演藝術，嚟改善藝術風格，佢同佢個仔世阿彌，隨後將「能」確立為更加優雅嘅表演藝術。
即使經過600多年，由觀阿彌同世阿彌創建嘅「能」劇院，仍然可以好似佢地當年一樣做法，精確表演。但係，能嘅發展唔可以講得上係一帆風順。喺江戶幕府結束時，同埋戰爭期間，經得起長久歷史嘅「能劇」，亦曾經面對過存亡危機。但係，呢個傳統嘅表演藝術，係歷史上每次都可以克服到危機，至今已經發展成為源自日本嘅世界級傳統文化。
點樣欣賞「能」劇？「能」使用乜嘢語言？
由「能」劇創立以嚟，已有600多年嘅歷史，所以能劇嘅內容亦使用咗同現代日語唔同嘅舊詞。有部份「能」劇場，同埋部份能劇劇目，可以提供多種語言嘅語音指南。建議睇能劇之前，事先閱讀導覽。但「能」係一門超越語言嘅藝術。就算唔明白能劇嘅語言，「能」嘅神秘世界亦可以打動人心。
Comments