日本傳統藝術「書道」 以筆墨書寫優美字體

書道係同漢字一齊，由中國傳入日本，係使用筆同墨，寫出優美字體嘅日本傳統藝術之一。傳入日本嘅初期係受到中國影響，但隨著日文嘅「假名」誕生，逐漸發展成日本自己獨有嘅文字字體。本文將為大家介紹書道嘅歷史以及現代嘅日本書道。

日本書道歷史及發展

中國嘅書法大約喺公元6世紀傳入日本。而喺同一時期，佛教亦傳入日本，當時貴族之間好流行抄寫經文。所以，學習用毛筆書寫由中國傳來嘅漢字，係貴族唔可以欠缺嘅教育。但係，之後隨住日本慢慢發展出獨嘅文化，書道亦發展出日本獨自嘅特色。大約到12世紀，書道隨住禪宗由中國再次傳入日本，而喺日本就分成中國風同日本風兩種書體。喺唔同時代寫嘅書法字體都有被保存落嚟，收藏係美術館、博物館入面。經歷咗多個時代嘅發展，書道進化成日本嘅傳統藝術。

日本書道使用嘅字體

日本書道目前有5種主要字體。「篆書」係歷史最悠久嘅字體。之後有將篆書省略演變而成嘅「隸書」，而將隸書用好快嘅速度書寫，就形成咗「草書」。跟住將草書寫得比較清楚嘅就係「行書」。最後係一筆一畫都寫得工整正確嘅「楷書」，同草書或者行書唔同，楷書字體，為了將草書寫得比較端正，又發展出了「行書」。最後是一筆一畫端正書寫、維持字形平衡的「楷書」。與草書或行書不同，楷書字係為咗避免誤讀而創，合約等重要文件會用到楷書。

日本書道表演

日本書道唔單止可以安靜咁喺枱上寫好，仲可以用好似掃把一樣嘅大毛筆，喺巨大嘅紙張上，配合音樂一邊跳舞一邊寫。呢種叫「書道表演」嘅寫法，係由2008年時，愛媛縣嘅高中書道部首次以用呢種方法而開始。由於當時表演獲得咗好好嘅評價，自此之後，每年都會舉行「書道表演甲子園大會」（書道パフォーマンス甲子園），決定邊間高中嘅書道表演喺日本第一。而家，唔只高中生，專業書道家或者其他社團都會進行書道表演，成為日本書道一種新形式，備受矚目。

推薦要去可以輕鬆體驗日本書道嘅地方

目前喺東京同京都，有越嚟越多地方可以體驗受到世界注目嘅書道。亦有一啲書道教室提供為海外遊客而設嘅課程。喺老師嘅悉心教導下完成嘅作品，仲可以拎返屋企做紀念。自己製作一件世界上獨一無二嘅作品，拎返屋企做裝飾都唔錯啊。