日本傳統料理「壽喜燒」（Sukiyaki）可謂與壽司、天婦羅齊驅並駕，同為著名當地料理之一。今次為大家介紹「壽喜燒」嘅歷史、製作方法、食法，以及壽喜燒餐廳和其價錢等，為大家作重點介紹！
「壽喜燒」是什麼？日式美食壽喜燒的歷史及名稱的由來
「壽喜燒」（Sukiyaki）係將牛肉片、白蔥段、白菜、春菊（茼蒿）、菇類等食材放入淺型嘅鐵鍋中入面用壽喜燒嘅醬汁煮，煮熟後，再沾生雞蛋食嘅一種鍋物料理。同壽司、炸天婦羅等並列，都係大家耳熟能詳嘅日本傳統料理。喺日本普通家庭入面，特別係寒冬夜裡，都會一齊圍埋食壽喜燒，又或者去壽喜燒嘅專門餐廳食。
事實上，眾人圍著鐵煲嘅舉動，亦有象徴家族團圓之意。關東煮法為用醬油、砂糖、味醂等加牛肉以及其他食材一齊放入鐵煲煮；而關西煮法則係先用火烤熟牛肉後，再落醬油及砂糖等一齊煮。
名稱由來係因為用叫「鍬(Suki)」嘅容器將肉煮熟嚟食？
壽喜燒嘅歷史可追溯至江戶時代。日本自古以嚟受佛教影響，民間被禁止食用肉類。但據說喺一 般平民百姓之中，亦有偷偷食野豬肉、鹿肉、鴨肉嘅情況。而「壽喜燒」（Sukiyaki）嘅名稱由來，係喺未有鍋同煲嘅時代，一般百姓喺用嚟放置農具嘅茅草屋或者室外，以「鍬」（suki）、或者鋤頭等用具嘅金屬部分，將食物燒(yaki)熟嚟食。就係呢個風俗開始演變而嚟。
明治維新開始解禁、推廣食肉 壽喜燒開始流行
到咗明治維新（公元1860年代末到1880年代）隨住文化開放，天皇開始鼓勵食肉，仲宣傳食肉 嘅營養同重要，壽喜燒亦開始逐漸被推廣。發祥地據說係喺橫濱一間叫「伊勢熊（いせくま，ISEKUMA）」嘅居酒屋（有多種唔同傳說），到1862年，呢間店分成兩邊，其中一邊專食牛肉鍋物嘅舖頭，就係最初嘅壽喜燒。最初推廣食嘅時候，一般百姓仲係好抗拒食牛肉，所以唔會喺廚房煮，而係會喺戶外或者屋前嘅庭院食壽喜燒。亦有講法話會喺食牛肉嘅時候，係自己屋企嘅廳堂同佛堂貼上「遮掩紙」以掩人耳目。
壽喜燒的做法介紹：秘訣係唔好煮太耐太爛！
牛肉會隨住煮嘅時間越長，就會漸漸地變硬，所以唔好煮太耐係重點。當肉嘅顏色介於變色同未變色之間，就可以沾雞蛋直接食。為咗唔好煮得太爛，火候好重要，唔好畀個鍋「卟卟」滾，保持喺65～75度，有冒煙嘅程度就可以。喺餐廳食嘅時候，就會有店員為客人服務；亦會有舖頭準備好鍋同食材，畀客人自己煮嚟食。
壽喜燒的食法：點解要沾生雞蛋食呢？
點解要沾生雞蛋食嘅說法有好幾種，有人話係要將熱食冷卻、為免將肉味蓋過；另一說法為壽喜燒大為興起之時亦係雞蛋價格高企之時，因此用上雞蛋就會畀人高級感。無論係邊一種說法，蛋同肉嘅配搭都堪稱絕配，所以日本人喺食壽喜燒時大部分都習慣連同生雞蛋一齊食。
在日本吃壽喜燒的店舖推介及價錢
日本有眾多壽喜燒專門店，當日本人同公司同事遇上忘年或春酒宴席、接待公司客戶等等場合時，都會經常選擇於壽喜燒餐廳舉行聚會。東京的話，「人形町今半」（在日本橋、銀座等都有分店）或「伊勢重」（日本橋）等餐廳都係從明治時代就開業嘅老店，一直以嚟繼承傳統口味至 今。順帶一提，最近亦甚至有店舖推出一人份壽喜燒𠻹！
壽喜燒專門店的預算
壽喜燒專門店由高檔到一般價位都有。高級餐廳的話，午餐約為5,000日圓左右、晚餐則係一萬日圓上下；一般餐廳的話，午餐約為3,000日圓，而晚餐則大約為5,000日圓左右。但係高檔餐廳內又會將牛肉等級分為「上等」或「特級」等唔同等級，價格亦會依唔同等級而有唔同定價。
日本店內食用壽喜燒須知
每間店規定都有所不同，當中亦有需要喺門口先除鞋嘅榻榻米式座位餐廳。有餐廳會要求店員喺各枱整好壽喜燒後分發碗碟畀客人，當然亦有等客人自己動手嘅食肆。遇上後者的話，就請記住要先將比較慢熟嘅食材先放落煲，同埋注意牛肉唔好煮得太老喇！
Comments