去日本旅行嘅時候，應該有唔少人都會將城堡列入行程吧？既可以欣賞日本特有建築美之外，仲可以順便欣賞周邊風景並感受日本歷史文化風情，一舉多得！雖然日本國土面積唔算非常遼闊（小編按：總比香港闊…），不過城堡數目就相當多，例如以下FUN! JAPAN編輯部要為大家介紹嘅12座日本歷史古城，就更加係遊日必到！
關於現存天守
喺細數特色城堡之前，先要為大家簡介何謂「天守」。「天守」即具有瞭望、指揮功能嘅軍事設施，亦係各城郭重要象徵。「現存天守」則係指江戶時代（1603年～1868年）或更之前建造，至今仍保存完整嘅天守。目前日本全國共有12座城擁有「現存天守」，稱之為「現存天守12城（現存十二天守）」，名單包括「弘前城」、「松本城」、「丸岡城」、「犬山城」、「彥根城」、「姫路城」、「松江城」、「備中松山城」、「丸龜城」、「伊予松山城」、「宇和島城」與「高知城」。作為珍貴歷史文化遺產，上述城堡皆已獲國家列為「國寶」或「重要文化財」。
青森縣・弘前城
位於青森縣弘前市嘅「弘前城」係一座屬於「梯郭式」嘅平山城（※註1）。城堡於1611年築成，原本包含本丸西南處嘅五重六階天守及8座「櫓」（小型天守」與多座櫓門，不過舊天守已於1627年遭雷擊燒毀。目前天守為1810年改建隅櫓時重建而成，屬三層三階構造。因築城所在地為鷹岡，因此也被稱為「鷹岡城」。
※註1：建於平原中獨立山體或丘陵地上嘅城堡
- 更多弘前城介紹→【日本青森】東北地區唯一現存天守！青森縣賞櫻賞楓名勝「弘前城」
長野縣・松本城（國寶）
座落於長野縣松本市嘅「松本城」，因天守閣各層外牆上塗石灰，下以黑漆板覆蓋，故有「烏城」之稱。城堡於1504年左右建造。目前日本國內現存天守多為如同兵庫縣姫路城般嘅白色天守，黑色天守多數為1600年「關原之戰」前建造，而目前仍保有黑色天守嘅就僅得松本城！松本城同時亦係日本最古老五重六階天守。
- 更多松本城介紹→【日本長野】松本必遊日本最古老五重天守閣！黑色古城「松本城」
福井縣・丸岡城
「丸岡城」係現存天守中建築樣式最古老嘅平山城，建於1576年。丸岡城石牆採用一種名為「野面堆積法 (野づら積み)」嘅古老建造方法，石牆由未加工過、大小不一嘅石頭直接堆砌成。雖然以上述方法建造嘅石牆會留有多條縫隙，但排水功能卻因此大大提高！丸岡城同時亦被稱作「霞城」，因為每逢春天時，城堡都會有如飄浮於盛開櫻花中，景色夢幻迷人。
- 更多丸岡城介紹→【日本福井】日本現存最古老天守閣—福井縣「丸岡城」
愛知縣・犬山城（國寶）
「犬山城」位於愛知縣犬山市，於1537年建造，屬「望樓型（※註2）」天守當中日本現存最古老嘅一座，又名「白帝城」。犬山城歷史最大特徵為長期以來都屬私人所有，亦係云云國寶中唯一一座私人所有財產，目前持有者為犬山城白帝文庫。
※註2：於雙層高度建築物上方加蓋2至3層高瞭望塔之天守初期樣式
- 更多犬山城介紹→【日本愛知】日本最古老城堡之一！愛知縣「犬山城」
滋賀縣・彥根城（國寶）
「彥根城」位於滋賀縣彥根市，因建於「金龜山」別名嘅彥根山上，因此又被稱為「金龜城」。城堡於1604年開始築城，於1622年完工，特徵在於色彩繽紛嘅博風板（※註3）及細部精緻設計。城內仍留存昔日財藩主以前飼養馬匹專用嘅「馬廄」，屬日本全國城堡中僅剩彥根城獨有嘅珍貴象徵。
※註3：為防風雪及裝飾用而於屋坡外加置之木板
- 更多彥根城介紹→【日本滋賀】武士迷必到朝聖地！日本國寶「彥根城」
兵庫縣・姫路城（國寶）
位於兵庫縣姬路市嘅「姫路城」，係「國寶五城」中唯一被聯合國教科文組織（UNESCO）列為世界文化遺產嘅城堡。城堡於1346年築成，並擁有日本城堡中最大型現存天守。迷人白色外牆與城堡外觀全景有如白鷺羽毛翩翩起舞，因此又被稱為「白鷺城」。
- 更多姬路城介紹→【日本兵庫】400年歷史國寶級建築—兵庫縣世界遺產「姬路城」
島根縣・松江城（國寶）
「松江城」位處島根縣松江市，建於1611年，屬山陰地區唯一名城及目前現存唯一「正統天守」。所謂「正統天守」，即係指從天守可以遠望360度景色嘅望樓型天守。由於松江城天守屋簷形狀類似飛鳥展翅，所以又名「千鳥城」。
- 更多松江城介紹→【日本島根】山陰地方唯一現存天守閣！日本國寶名城「松江城」
岡山縣・備中松山城
位於海拔430m高峰嘅「備中松山城」，係日本唯一至今仍保有天守嘅山城。由於秋冬季節更有機會可以欣賞到雲海圍繞山城嘅夢幻景致，因此經常作為「天空山城」於IG上洗版！於1240年築城嘅備中松山城坐落於岡山縣高粱市，別名為「高粱城」；天守為二重二階建築，高度約11米，屬現存天守12城當中最細嘅一座。
- 更多備中松山城介紹→【日本岡山】日本唯一一座天守閣僅存至今嘅山城！岡山縣「備中松山城」
香川縣・丸龜城
位在香川縣丸龜市嘅「丸龜城」，係一座建於海拔約66m追嘅「龜山」嘅平山城，又名「龜山城」。石牆一路從護城河開始堆疊到天守，完美呈現「扇形斜坡」優美曲線，高度號稱日本第一，作為「石牆名城」聞名國內外。城堡於1660年建造，遊客可從內裡眺望到瀨戶大橋一帶。三重三階木造天守更被國家列為重要文化財！。
愛媛縣・（伊予）松山城
伊予松山城位於愛媛縣松山市中心，係一座建於勝山山頂嘅名城，又名「勝山城」。一般大家提起松山城，十居其九都係指伊予松山城。為與岡山縣備中松山城作出區別，因此有人會喺前面多加「伊予」二字。伊予松山城從1602年開始築城，一共花費超過20年時間先完工！
- 更多(伊予)松山城介紹→【日本愛媛】搭纜車登古城兼瘋狂打卡！隱世四國愛媛「松山城」
愛媛縣・宇和島城
「宇和島城」座落於愛媛縣宇和島市中心位置，係一座建造於80m高丘陵上嘅平山城。城堡建築期間為1596年到1601年，又名「鶴島城」、「板島城」或「丸串城」。宇和島城博風板與窗戶配置呈左右對稱，外觀相當方正。從高空俯瞰時，城郭會呈不等邊五角形，整體散發著一股優雅古城氛圍。城堡周邊大約種有400種植物，其中不乏巨樹及罕見植物！
高知縣・高知城
約有400多年歷史嘅高知城，別名又稱「鷹城」，從1601年開始築城，經歷接二連三水災後終於喺1611年完工。高知城最大特色為其至今依然完整保留嘅天守跟御殿，現存天守12城中唯一完整保存本丸嘅就只有高知城。所謂本丸，即係指天守跟御殿等建築組成嘅區域，為城堡中最重要部份。高知城同時亦係日本全國少數可以拍出「追手門」與「天守」同框嘅的景點，可謂相當出名嘅珍貴城堡。
日本城堡迷旅遊計畫之中，「現存天守12城」一定係必到之地。春天有櫻花，夏天有翠綠，秋天有紅葉，冬天有白雪，無論幾時造訪都有四季靚景等梗您！對日本歷史與文化有興趣的話，下次遊日推薦您可以規劃一趟日本城堡之旅喔！
Comments