日本城堡係日本眾多引以為傲嘅文化之一。如果您自問對日本文化及歷史感興趣，咁您下次去關西地區旅行時，就千祈唔可以錯過滋賀縣彥根城！彥根市位於京都與岐阜市中間，乘搭電車即可輕鬆到達，因此係一個非常熱門嘅半天遊景點；而彥根城則係日本國寶，亦係日本少數城堡之一，其歷史悠久、保存良好嘅建築至今仍屹立不倒，完整保留著昔日日本武士時代氛圍。
關於日本國寶彥根城
云云日本城堡當中，高聳嘅彥根城特別令人印象深刻。彥根城建於一座小丘上，城堡佔地內嘅樓梯與橋樑方便遊客從高處俯瞰城堡基底及彥根市市景。前往城堡嘅途中陣陣微風輕拂，令人感到舒適放鬆，一路上仲有好多值得影相打卡嘅景點𠻹！
彥根城非常適合野餐，有唔少當地人都會喺城內野餐或舉辦活動，與家人朋友一齊度過歡樂時光，因此您都不妨自己準備野餐墊與食物飲品嚟呢到享受野餐樂趣吖！春天嘅時候，您更可以欣賞到護城河沿岸盛開櫻花，甚至可以乘搭小船遊覽彥根城護城河。
彥根城必睇特色
城堡本身嘅結構令人印象深刻。當您走向位於山頂嘅城堡時，高聳城牆將會營造一種有如走進日本戰國時期嘅歷史氛圍；而城堡內則至今一切都保持原貌，遊客可以一嚐化身古代武士嘅滋味參觀內部建築。有別於日本其他城堡規劃方式，彥根城歷史相關展覽設置設於旁邊博物館個別展出，令城堡內可以完整保存歷史氛圍，細心規劃可謂別出心裁！
城堡內部嘅陡峭樓梯與踩喺上面時會吱吱作響嘅地板都突顯出城堡悠久歷史，同場您亦可以見到數百年前以來一直支撐著呢座城堡嘅每一根柱子。從城堡頂部，您可以眺望到360度彥根市全景以及日本最大湖泊「琵琶湖」。湖泊與彥根城僅距離短短20分鐘步程，因此離開彥根市之前，不妨再到琵琶湖畔享受一趟寧靜散步之旅，將遼闊如大海般嘅湖光山色一同收盡眼底。
壯觀且令人印象深刻嘅彥根城遺跡係滋賀縣一大推介旅遊景點。如果您喜愛並且渴望體驗日本武士文化的話，咁彥根城一定就唔會令您失望！
彥根城參觀費用與開放時間
彥根城博物館參觀費用為500日圓；包含彥根城與博物館嘅套票則為1,200日圓。
開放時間為早上8時30分到下午5時。全年無休（特定休館日除外）
前往彥根城嘅交通方式
從JR彥根站步行15分鐘可抵達彥根城。當您逐步走近城堡，相信您嘅目光都會被其宏偉外觀與圍繞城堡而建廣闊公園所吸引！
景點資訊
- 名稱：彥根城
- 地址：〒522-0061 滋賀縣彥根市金龜町1-1
- 交通方式：JR彥根站...步行約15分鐘
- Wi-Fi：有
- 語言：中文、英文、韓文
- 購票方式：現場購票
- 信用卡：不可使用
Comments