位於兵庫縣姬路市嘅「姬路城」係世界文化遺產之一，因極具歷史價值嘅木造建築而備受全世界注目，每年都吸引大量觀光客到訪。2015年，姬路城結束被稱為「「平成大修理」」嘅大規模裝修工程，遊客現時能夠欣賞其莊嚴潔白外觀，仲可以走入天守內部參觀，係兵庫縣相當值得一睇嘅觀光景點。而家，就同大家介紹一下呢個吸引咁多城堡迷造訪嘅「姬路城」啦！
姬路城必睇之處
姬路城嘅腹地面積相當廣闊，其中一部分腹地被整頓成公園，遊客可以免費進場，而以天守閣為中心嘅區域則需要支付入城費。從入城口開始行上斜坡後，您首先會經過幾道城門。每道城門都有各自風味，厚大建築相當值得欣賞。城門以外，沿路上仲會有為咗迎擊入侵敵人而設置嘅多座「櫓（城內高樓建築）」以及石牆，處處都極具歷史價值，最適合一邊散步、一邊欣賞城內風景好好參觀。
遊客唔單只從外頭參觀姬路城，仲可以實際走入入天守同西之丸等建築物內。當中一大睇頭，就係天守內部。天守內展出咗與姬路城相關嘅珍貴展示，遊客仲可以登上天守上方嘅大天守最上層，從大天守展望台將姬路嘅街道一覽無遺。另外，西之丸則係一座位於城堡西側嘅廣大日本庭園。西之丸建築物內四處都設有保護城堡嘅機關，參觀各種有趣嘅展示嘅同時，不妨都可以搵吓隱藏於建築物內嘅機關吖～
姬路城歷史
姬路城係一座於海拔46米嘅姬山同鷺山為中心嘅平地小丘上堆起石牆、架上天守與櫓而成嘅城堡。建喺姬山嘅「天守」同鷺山嘅「西之丸」聯同城下町（以城堡為中心嘅街道）呈現出外圍護城河被城牆包圍嘅結構。姬路城白色外牆與全景經常被喻為係白鷺羽毛翩翩起舞嘅形象，因而亦有「白鷺城」嘅別稱。
姬路城起源
相傳姬路城係喺1346年嘅時候，由赤松貞範喺姬山建起嘅小小城堡。經過歷代城主們不斷改裝與修建後，就成為姬路城現時嘅原型（由第4代城主池田政輝於1609年建造）。其後再到咗1618年西之丸擴建，就幾乎成為目前所見嘅姬路城。1945年姬路市受到空襲時，造成城下町燒失殆盡，唯獨姬路城卻奇蹟地逃過戰火攻擊。二戰結束後，城堡曾進行數次修復工程，更喺建城第400年時，展開大規模改裝工程。姬路城嘅天守閣群等被指定為國寶，其他周邊建築物亦被指定係重要文化財產。直到1933年，姬路城終被列為聯合國教科文組織嘅世界文化遺產。
景點資訊
- 景點名稱：姬路城
- 地址：兵庫縣姬路市本町68番地
- 交通方式：從JR「姬路」站北口搭乘神姬巴士在「大手門前」下車後步行5分鐘，或JR「姬路」站、「山陽姬路」站步行20分鐘
如何從京都前往姬路城
從JR「京都」站到姬路城乘搭新幹線約44分鐘，乘搭一般JR電車則唔使轉車，約1小時38分就可直達姬路。雖然乘搭新幹線會比較快，但選擇一般電車價錢就會比較平。從京都站前往姬路嘅交通相當方便，所以都可以考慮當天來回姬路城。
如何從大阪前往姬路城
從大阪站到姬路站，乘搭JR一般電車約1小時5分鐘。若選擇乘搭新幹線的話，則需要從新大阪站出發，乘車時間約50分鐘。雖然新幹線亦可以抵達，不過乘搭JR嘅時間同新幹線差唔多，所以選擇在來線(既有路線)去姬路亦係一項選擇。從大阪前往姬路交通方便，所以喺姬路城關門前，不愁唔夠時間好好地參觀！
Comments