【日本愛知】日本最古老城堡之一！愛知縣「犬山城」

犬山城由著名戰國武將織田信長嘅叔叔ー織田信泰建造，亦係著名小牧、長久手之戰嘅戰場之一（1584年豐臣秀吉與德川家康、織田信雄之間嘅一場大規模戰爭）。犬山城於1440年完工，為日本最古老城堡之一，更於1935年被指定為國寶！

關於犬山城

城如其名，犬山城位於日本愛知縣內一處叫「犬山」嘅地方。從城堡向外眺望，遊客可以欣賞到愛知縣與岐阜縣交界嘅木曾川景色。木曾川為昔日運輸砍伐木材嘅重要途徑，而古老犬山城主要由木頭和石頭建造，並非大多數現代城堡所用嘅混凝土，城主當然亦受益於經過木曾川嘅船隻們！

城堡內展出物品包括，江戶時代古老武士盔甲、劍、瓷磚及其他多款極具歷史價值嘅物品。如果係日本戰國時代嘅忠實歷史粉絲，咁呢個地方對你嚟講絕對係必到朝聖地！

犬山城長期以來都屬私人所有。云云日本國寶當中，佢亦係唯一一座屬於私人所有財產，為成瀬氏個人所有。後來成瀬家族於犬山市設立財團法人管理城堡，目前持有者為犬山城白帝文庫。相當推薦各位可以從城堡頂部俯瞰河景，親身體驗過去城堡主人從自家城堡宏觀城市景觀時嘅感受喔！