松山城坐落於四國地區愛媛縣松山市中心，盤踞於海拔132米高嘅城山（勝山）山頂。除咗用雙腳爬上去之外，遊客亦可以選擇坐纜車，係日本全國少數擁有登山纜車嘅城堡。
松山城被列為為國家級古蹟。不單於2006年被選為「日本100大名城」，之後更係聯同松山市道後溫泉並列為「日本最美歷史風土100選」之一。現代化登山纜車與江戸時代前落成嘅天守形成嘅古今對比，堪稱僅得松山城先欣賞得到！嚟到呢座「水龍頭會流出蜜柑果汁」嘅城市，松山城絕對係您必到景點首選！
關於松山城
日本國內好幾座名為「松山城」嘅城堡或城跡，其中最出名嘅非愛媛縣松山城莫屬。為與其他「撞名」城堡作出區別，愛媛縣松山城有時候會喺城堡名前面加上「伊予」二字。
伊予松山城獲封為「日本最後一座完整城郭建築」，屬於層塔型天守構造。城郭建築屬於安士桃山時代日本文化象徵之一，為防止敵人入侵而建造成軍事專用，並注重於裝飾上獨具意匠嘅建築構造。根據江户幕府武家諸法度，城堡被禁止新建及改建，因此松山城直到江戶時代末期依然保持其原貌。於幕府末期建成嘅天守，亦因其堡壘錯綜複雜石垣而獲得認可，至今仍被妥善保存。
伊予松山城從1602年起開始築城，直到完成一共花費25年歲月。截至1949年為止，松山城曾遭遇幾次火災，唔少城堡建築因而毀損。不過，包含大天守在內嘅21棟建築物卻有幸被完好保存，而被燒毀嘅部份諂正逐步修復中。
另一方面，古城天守形式主要可分為「獨立式」、「複合式」、「連結式」以及「連立式」4種。其中，日本現存古城當中，採用連立式嘅就只得姫路城及松山城2座。從天守構造角度出發，松山城市可謂擁有極其貴重歷史價值。
乘搭纜車登古城！從半空欣賞沿途風光
上文提到，遊客除咗用雙腳爬上松山城之外，亦可以選擇乘搭登山纜車或小型纜車。纜車行乘期間，您仲可以悠閒地360度俯瞰街景及欣賞大自然風景呢～
由朝都晚都係絕色靚景！從天守眺望松山市美景
松山城一大睇頭，係從城堡最高處可以眺望到成松山市景。只要登上天守最高層，即可以360度欣賞腳下城市與瀨戶內海風景。天氣好的話，更有機會遠眺西日本最高峰石鎚山與一海之隔嘅廣島縣𠻹！
日頭風景之外，夜景亦萬萬不容錯過。入夜後，松山城將舉行夜間點燈，遠望就如一座浮於天空中嘅古城。此外，您亦可以到開放至夜晚9點嘅天守前廣場，欣賞夜間松山市街景。
城堡內隱藏著武士塗鴉！？
由於松山城長期受白蟻侵害以及長年累月日久失修，屋頂及牆壁已出現損毀情況，因此松山城曾於平成16年（2004年）10月至平成18年（2006年）11月期間，展開目的為保護天守等重要文化財產嘅大規模修復工程。修復工程更被稱為「平成大改修」呢！
於城堡修復工程進行期間，工作人員喺壁板上發現一幅江戶時代以水墨作畫嘅武士肖像漫畫。從壁板所在位置（天守閣2樓）及作用推測，極可能係燒毀後、天守本壇重建時（1848年～1854年）嘅塗鴉。雖然肖像所畫人物實際係邊個就不得而知，不過從構圖上半部可推測，係一名穿著繡有家紋嘅「裃」(上衣與裙褲連為一體嘅武士禮服)，因此畫中人極有可能正負責工程指導或監督作事奉行。壁板現正於天守內展出。
穿上盔甲 人人都可以變身武士
城堡内或城堡前皆有提供武士盔甲試穿體驗（不定期休息）。工作人員除咗會幫您穿戴，仲會貼心為您打卡影相！想體驗成為舊日武士嘅讀者，記得要把握變身好機會喇～
仲有上圖左方嘅松山城吉祥物「Yoshiaki君」～
景點資訊
景點名稱：松山城
- 地址：愛媛縣松山丸之內1
- 開城時間：09:00～17:00（8月為09:00～17:30；12月～1月為09:00～16:30）
- 公休日：12月第三個禮拜三
- 門票 : 成人520日圓、小童160日圓
- Wi-Fi : 有，但訊號較弱
- 信用卡 : 可
- 交通方式：JR松山站乘搭「往道後溫泉」之市內電車，於「大街道」站徒步5分鐘
Comments