【2020年】秋葉原：日本嘅次文化聖地詳盡旅遊資訊

秋葉原位於東京都內東面，被稱為日本數一數二嘅電器街，街上賣電子產品嘅店比比皆是。另外，秋葉原亦係遊戲同動漫嘅次文化聖地，有好多相關產品商店、女僕咖啡店等各種店。

有關秋葉原的資料

秋葉原雖然發展為電器用品街，但隨著時代嘅變遷，逐漸成為電腦、3C產品，同次文化嘅聖地。隨時都有最先進嘅電器用品同相關資訊，而家依然係獨特文化嘅發信地。

秋葉原夜晚安全嗎？

秋葉原嘅犯罪數量逐年減少中。但係，偶發犯罪大多發生喺夜晚6點到8點之間，所以傍晚時分最好要提高警覺。另一方面，喺呢啲時間之外，犯罪率大幅降低，夜晚嘅治安可以講話都唔差嘅。

「日本第一電器街」

秋葉原有日本第一電器街之稱。秋葉原之所以發展成而家咁樣，可以追溯到二戰後嘅重建時期。當時，有好多學生去秋葉原啲賣收音機零件嘅店買商品。之後，隨著收音機零件店鋪嘅生意日益繁榮，開始出現埋電子產品批發店、舊貨專賣店等等，為電器街嘅發展奠定基礎。

今日，任何電器相關產品都可以喺秋葉原搵得到。唔只有電腦、大型家電等產品，仲有電腦零件同小型電子零件等等。另外，亦有專門經營二手貨嘅舊貨店（JUNK SHOP）。

秋葉原係動漫聖地

秋葉原亦係知名嘅動漫聖地。雖然當時直到19,0,0年代都仲係一個電器街，但因為生活家電用品嘅消量低迷，加上個人電腦嘅普同，對遊戲同動漫軟體嘅需求大咗，所以經營動漫用品嘅商店逐漸增加。

到咗今日，仲會有專門經營動漫產品嘅商店，賣中古動漫產品、公仔等收藏品嘅店，亦有動漫主題嘅咖啡店。

秋葉原可以寄存行李嘅地方

秋葉原站共有7個投幣式寄物櫃嘅地方。尺寸有小型、中型同大型，小型嘅費用為30,0到4,0,0日圓，中型為5,0,0日圓，大型為6,0,0到7,0,0日圓。

以下係秋葉原站投幣式寄物櫃位置一覽表。

秋葉原嘅主要觀光區

秋葉原嘅主要觀光區大致分為以下三個。

中央通：秋葉原嘅主要街道

「中央通」有好多大型家電專賣店，好多商店都有提供免稅服務。另外，亦有好多外幣兌換專門店，喺往東京地鐵末廣町站嘅方向，有好多觀光資訊中心。

JUNK通：中央通後側嘅街道

舊電腦拆出嚟嘅零件即係所謂叫做「JUNK品」，而喺「JUNK通」就有好多賣呢類產品嘅小型店。街道兩旁亦有好多賣二手電腦零件、智慧手機、電子零件商品嘅店。另外，呢度亦有女僕咖啡店、以宅男為主嘅雜貨店等。 另外，仲可以品嚐土耳其燒肉串或咖哩等所謂嘅B級美食。

電器街口：秋葉原站的主要出口

電器街口係從秋葉原站通往中央通或JUNK通嘅出口。從閘口出嚟，往中央通向北面行，右手邊有外地兌換店同觀光資訊中心。喺南面街上有好多大型免稅店。

喺秋葉原可以體驗啲咩呢？

喺秋葉原可以享受購物樂趣之餘，仲可以嘗試好多體驗。以下係推薦大家去到秋葉原觀光可以去體驗嘅活動。

• 喺女僕咖啡店體驗秋葉原嘅流行文化
• 扭蛋機扭出又平又得意嘅玩具
• 用自動販賣機買不可思議嘅物品
• 購買動漫周邊同公仔商品
• 喺大型電器用品店購買家電或3C產品

秋葉原景點地點～電器用品篇～

如果想去秋葉原買電器用品，可以去JR秋葉原站前或中央通大街。有啲商店唔只經營電器用品，仲販售雜貨、嗜好用品等等。以下為大家介紹幾間特別推薦嘅商店。

Bic Camera 秋葉原

「BIC CAMERA秋葉原」係面向中央通大街嘅大型家電用品商，有7層賣相機、家庭電器、藥品等等商品。另外，仲有專賣角色扮演同收藏品嘅商品。例如彩妝隱形眼鏡、公仔等等。

店鋪資訊

• 名稱：Bic Camera 秋葉原
• 地址：東京都千代田區外神田4-1-1
• 交通方式：JR秋葉原站電器街口（北側）…步行約2分鐘
• Wi-Fi：有 （Bic_Wi2_WiFi）
• 語言：中文、英文
• 信用卡：可以使用VISA， Master Card， JCB， AMERICAN EXPRESS， Diners Club， DISCOVER

Yodobashi 秋葉原

「Yodobashi 秋葉原」係一間位於JR秋葉原站昭同通口正面嘅大型商店，地庫1樓至地上8樓共9層。1至6樓賣家電用品、玩具同樂器；地庫1樓同7樓係賣書籍同衣物，而8樓係秋葉原數量數一數二嘅美食樓層。另外，喺1樓設有外幣兌換店同觀光資訊中心。

店鋪資訊

• 名稱：友都八喜Multimedia 秋葉原
• 地址：東京都千代田區神田花岡町1-1
• 交通方式：JR秋葉原站昭同通出口…步行約1分鐘
• Wi-Fi：有 （Yodobashi_Free_Wi-Fi）
• 語言：中文、英文、韓文
• 信用卡：可以使用VISA， MasterCard， JCB， AMERICAN EXPRESS， Diners Club， UnionPay

Sofmap AKIBA 1號店文化通訊館

「Sofmap AKIBA 1號店文化通訊館」面向中央通大街。販售從軟體、公仔到塑膠模型等等新品同中古品商品都有。8樓有一個劇場，每日都會舉行現場音樂會或其他活動。嚟到秋葉原購物時都可以順道嚟呢度睇吓呀！

店鋪資訊

• 名稱：Sofmap AKIBA 1號店文化通訊館
• 地址：東京都千代田區外神田3-13-12
• 交通方式：JR秋葉原站電器街口（北側）…步行約5分鐘
• Wi-Fi：無
• 語言：僅限日文
• 信用卡：可以使用

秋葉原購物景點～潮流服飾篇～

秋葉原有好多女僕服裝、Cosplay（角色扮演）服裝等服飾店。以下為大家介紹嘅係，除咗秋葉原獨特嘅時尚之外，另外一啲以年輕人或成人為對象嘅購物設施。

匯集以年輕人品牌嘅購物中心

如果喺秋葉原想搵以年輕人為主嘅時尚商品，請去例如「Atre秋葉原（アトレ秋葉原）」等有專門賣T恤、充滿手作感嘅時尚雜貨等店嘅購物中心。

另外，從JR秋葉原站中央口出嚟後，右手邊就有一個名為「AKIBA TOLIM（アキバ・トリム）」嘅購物中心。呢度有「MUJI無印良品」同「UNIQLO」，提供好多設計簡潔又舒適嘅服裝，任君選擇。

匯集以成年人為主高級百貨公司

秋葉原無專門經營高級品牌嘅百貨公司。如果想搵幾萬日圓價位嘅時尚商品，請去距離JR秋葉原站步行約15分鐘嘅「松坂屋上野店」。除咗以成年人為對象嘅時尚品牌，店內仲提供免費Wi-Fi（matsuzakaya-wifi），同手機充電器租借服務。

另外，仲有好多針對外國旅客嘅服務，例如常駐店內嘅中文傳譯店員、免稅櫃台、行李寄存服務等。

女僕服裝及Cosplay商品

如果你想買秋葉原嘅獨特時尚商品，可以去女僕服裝同Cosplay商品嘅店，例如「CANDY FRUIT（キャンディフルーツ）」經營各種類型嘅原創女僕服裝同飾品。

另外，如果想買Cosplay相關商品，推薦「ACOS 秋葉原」、「Swallowtail秋葉原店（スワローテイル秋葉原店）」。 「ACOS 秋葉原」有賣彩妝隱形眼鏡、cosplay用化妝品、假髮等；而「Swallowtail秋葉原店」則有賣假髮同其他服裝等商品。

秋葉原購物景點～動漫周邊及公仔篇～

秋葉原係動漫迷嘅聖地，所以有非常多賣動漫、公仔等商品嘅店鋪。嚟到秋葉原，一定試試去四圍尋吓寶啊！

秋葉原扭蛋會館

秋葉原扭蛋會館係擁有大約430部扭蛋機嘅扭蛋聖地。只要入銀仔落扭蛋機，轉一轉把手，就可以隨機得到一個裝有公仔之類小玩具嘅扭蛋。唔知會抽到邊個玩具先係最有趣嘅地方！（截至2,019年12月資訊）

店鋪資訊

• 名稱：秋葉原扭蛋會館
• 地址：東京都千代田區外神田3-15-5
• 交通方式：JR秋葉原站電器街口（北側）…步行約6分鐘
• Wi-Fi：無
• 語言：僅限日文
• 信用卡：不可使用

秋葉原RADIO會館

秋葉原RADIO會館位於JR秋葉原站電器街口南面前方嘅商業大廈。有好多賣書籍、人偶、公仔等專賣店。推薦俾想一次過睇哂各種類型動漫周邊商品嘅人。

店鋪資訊

• 名稱：秋葉原RADIO會館
• 地址：東京都千代田區外神田1-15-16
• 交通方式：JR秋葉原站電器街口（南側）…步行即達
• Wi-Fi：有 （依店家而異）
• 語言：中文、英文、韓文（依店家而異）
• 信用卡：可以使用 （依店家而異）

Animate秋葉原本店

Animate秋葉原本店專賣動漫同遊戲周邊商品。商品種類眾多，涵蓋書籍、角色商品、公仔、遊戲軟件等等。另外仲有各類Cosplay等相關商品。

店鋪資訊

• 名稱：Animate秋葉原本店
• 地址：東京都千代田區外神田4-3-2
• 交通方式：JR秋葉原站電器街口（北側）…步行約4分鐘
• Wi-Fi：無
• 語言：中文、英文
• 信用卡：可以使用VISA， Master， Diners Club， Discover， TS CUBIC， Union Pay， JCB， AMERICAN EXPRESS

秋葉原購物景點～生活雜貨篇～

秋葉原嘅生活雜貨用品店亦係必逛嘅，例如設計簡潔俐落嘅時尚雜貨、職人製作嘅高品質雜貨等等都有。

2k540 Aki-Oka Artisan

2k540 Aki-Oka Artisan係一個以「手作」為主題嘅商店街，位於JR秋葉原站同JR御徒町站之間嘅高架鐵路下面。呢度聚集咗好多店賣皮革製品、家具同傳統工藝品等由職人親手製作嘅優質商品。

其中推薦嘅店有注染手巾專賣店「注染手巾Nijiyura」（染めこうば にじゆら）、賣織品同其他雜貨嘅「Megurite」（めぐりて）等等。

店鋪資訊

• 名稱：2k540 Aki-Oka Artisan
• 地址：東京都台東區上野5-9
• 交通方式：JR秋葉原站電器街口（北側）…步行約6分鐘
• Wi-Fi：有
• 語言：英文
• 信用卡：可以使用 （依店家而異）

秋葉原嘅百元商店

如果喺秋葉原想搵價格實惠嘅雜貨商品，可以去百元商店。距離車站最近嘅百元商店係「Can★Do（きゃんどぅ）」。因為呢間百元店面向JUNK通，行完動漫周邊或電腦零件專賣店可以順便去埋。

另外，「DAISO（ダイソー）」位於JR上野站，從秋葉原站搭電車約4分鐘就可以達。如果想買食物同生活雜貨，建議去「Can★Do」；如果想搵玩具等小物，推薦去「DAISO」。

Mandarake Complex 秋葉原

Mandarake Complex係位於Junk通大街上嘅一家大型二手書店。雖然係二手書店，但亦有賣其他物品，例如中古遊戲、公仔同Cosplay商品等。

另外，喺專門經營軟膠公仔嘅「Mandarake COCCO店」，可以買到以PVC等柔軟材料製成嘅公仔。

店鋪資訊

• 名稱：Mandarake Complex 秋葉原
• 地址：東京都千代田區外神田3-11-12
• 交通方式：JR秋葉原電器街口（北側）…步行約4分鐘
• Wi-Fi：無
• 語言：英文
• 信用卡：可以使用VISA， Master Card， JCB， Diners Club

秋葉原購物景點～免稅店篇～

秋葉原有好多免稅店，尤其係中央通大街上特別多。以下係幾間提供免稅服務嘅主要大型商業設施。

LAOX秋葉原本店

LAOX秋葉原本店係一間免稅嘅綜合型批賣市場，販售嘅產品由家電用品到珠寶都有。提供大約20種外語支援，仲有外幣兌換機同行李寄存服務。另外，亦提供海外購物保障，付費就有可能將買完嘅商品配送到海外。

另外，店內設有伊斯蘭教徒嘅祈禱室。呢間店係日本政府觀光局認定嘅外國人觀光資訊中心。

店鋪資訊

• 名稱：LAOX秋葉原本店
• 地址：東京都千代田區外神田1-2-9 / 東京都千代田區外神田1-2-14（南館）
• 交通方式：JR秋葉原站電器街口（南側）...步行約2分鐘
• Wi-Fi：有
• 語言：中文、英文、韓文
• 信用卡：可以使用VISA， Master Card， JCB， Diners Club

Akky One秋葉原店

秋葉原車站附近嘅Akky One秋葉原店係一間大型免稅店。有賣以外國旅客為主嘅料理電器、化妝品同日本嘅特產等等。

外國旅客嚟到呢度可以安心消費，店入面會有多個唔同語言嘅店員，為你提供產品選購方面嘅建議。二樓仲有一個外幣兌換機，提供12種貨幣兌換。

店鋪資訊

• 名稱：Akky One秋葉原店
• 地址：東京都千代田區外神田1-15-3
• 交通方式：JR秋葉原站（南側）…步行約1分鐘
• Wi-fi：店鋪前有免費Wi-Fi
• 語言：中文、英文、韓文
• 信用卡：可以使用VISA， MasterCard， JCB， AMERICAN EXPRESS， Diners Club， UnionPay

Jungle秋葉原店

Jungle秋葉原店，主要經營小公仔、模型等玩具。產品種類豐富，從復古嘅獨特商品到最新商品都有。

有Jungle秋葉原1號店同2號店兩間分店。一號店位於JUNK通大街、二號店位於秋葉原RADIO會館。兩間店賣嘅商品都係一樣，所以揀比較容易去嘅分店就得，唔使兩間都去哂。

店鋪資訊

• 名稱：Jungle 秋葉原1號店 / 2號店
• 地址：東京都千代田區外神田3-9-2 / 東京都千代田區外神田1-15-16 秋葉原RADIO會館7F
• 交通方式：JR秋葉原站電器街口（北側）…步行約5分鐘 / JR秋葉原站電器街口（南側）…步行即達
• Wi-Fi：無
• 語言：英文
• 信用卡：可以使用VISA， Master Card， JCB， AMERICAN EXPRESS， Diners Club， Discover， UnionPay

秋葉原嘅娛樂設施景點

嚟到秋葉原唔只購物，仲有好多娛樂設施。喺秋葉原獨有嘅設施留下美好嘅回憶啦！

喺秋葉原體驗Cosplay

秋葉原有可以體驗Cosplay（角色扮演）嘅商店。大部分店家提供服裝出租、化妝同攝影服務。既然嚟到，不如搵套自己鐘意嘅服裝影相留念啦。

推薦嘅店有「秋葉原Studio CROWN」，仲可以著Cosplay服裝到附近散步添。另外，「Karaoke Adores」嘅Cosplay僅限特定樓層進行，但可以著Cosplay服裝去唱卡拉OK。

秋葉原嘅自動販賣機區

秋葉原站後方嘅街道上，有一個稀有嘅「自動販賣機區」。自動販賣機一字排開，如果嚟到秋葉原，一定去睇吓！一般道路上嘅自動販賣機主要係賣飲品，但係呢區嘅自動販賣機同平時唔同。從零食點心、火車模型、鍬甲蟲玩具、牙膏等等，多種唔同類型嘅商品，唔知你睇完會「俾幾多趣」呢？

景點資訊

• 名稱：自動販賣機區
• 地址：東京都千代田區神田須田町2-19-7
• 交通方式：JR秋葉原站電器街口（南側）…步行約5分鐘
• Wi-Fi：無
• 語言：僅限日文
• 信用卡：不可使用

秋葉原周邊嘅神社、橋梁等觀光景點

如果去到秋葉原，可以順路去埋周邊嘅神社同橋樑睇吓。

神田明神神社

神田明神神社係位於秋葉原東側嘅神社，一般被稱為「神田明神」。雖然佢係一座擁有長達1,300年歷史嘅古神社，但自從出現喺動畫作品「Love Live！」後，就被fans稱為聖地。另外，神田明神仲同各種動漫合作，推出御朱印帳、御守同繪馬等Crossover商品。

另外，每個月都會舉行嘅「江戶東京夜市」活動亦好值得一去。可以體驗好多日本文化，例如，神佛誕生日等同神佛有關嘅「緣日」、行吓賣日式小食嘅攤位，或者欣賞日本傳統舞蹈表演等。

景點資訊

• 名稱：神田明神神社
• 地址：東京都千代田區外神田2-16-2
• 交通方式：JR秋葉原站電器街口（北側）…步行約7分鐘
• Wi-Fi：有（kandamyoujin-wi-fi・密碼3254,0753）
• 語言：中文、英文、法文
• 信用卡：不可使用

萬世橋

萬世橋係橫跨神田川嘅一座橋。從JR秋葉原站望過去嘅話，呢座橋位於南側。1873年施工時，萬世橋比現時靠近上游，但因為洪水同地震等原因，橋梁經過咗多次改建，而家所睇到嘅橋係喺1930年完成嘅。橋梁嘅巨大端柱富有裝飾藝術風格，而帶有花卉圖案嘅金屬欄杆亦係一大特徵。

景點資訊

• 名稱：萬世橋
• 地址：東京都千代田區神田須田町1-25
• 交通方式：JR秋葉原站電氣街口（南側）…步行約4分鐘

舊萬世橋站

「舊萬世橋站」係廢止已久嘅車站。部分遺跡被重建成名為「mAAch ecute神田萬世橋」嘅商業設施。二樓嘅展望玻璃咖啡茶座，係以前嘅車站月台。坐喺呢間夾喺鐵道中間嘅咖啡店入面，可以感受到JR中央線列車從玻璃窗外經過嘅震撼。

另外，「mAAch ecute神田萬世橋」入面比較多餐廳。

景點資訊

• 名稱：舊萬世橋
• 地址：東京都千代田區神田須田町1-25-4
• 交通方式：JR秋葉原站電氣街口（南側）…步行約4分鐘
• Wi-Fi：有
• 語言：中文、英文、韓文
• 信用卡：可以使用VISA， Master Card， JCB， AMERICAN EXPRESS， Diners Club

食在秋葉原！美食及餐廳推介

秋葉原有超過800間餐廳或小食店，絕對唔可以錯過喺度搵好東西食呀！

拉麵店

秋葉原嘅拉麵店以車站為中心，遍布於整個秋葉原地區。其中，「九州Jangara秋葉原本店」係一間歷史悠久嘅名店。除咗豚骨拉麵，仲有素食拉麵。

另外仲推薦「麵屋Haruka」嘅台灣風撈麵，仲有喺拉麵中大方放咗一整隻帶骨雞脾嘅「雞王KEISUKE」。 呢啲餐廳嘅價位大約每碗700至1,400日圓。（截至2019年12月資訊）

燒肉店

秋葉原車站東側嘅昭同通街上有好多燒肉店。有幾間甚至係可以食到稀有部位嘅高級餐廳添，例如「YAMANO」餐廳，除咗燒肉，喺肉上面鋪上蔬菜一起燒嘅「畚箕燒」都係呢間店嘅特色美食，一份價格約1,700日圓。另外，如果想去老店，推薦於1949年創業嘅「肉之萬世」。你可以食到入口融化嘅頂級厚切燒肉。一份燒肉拼盤價格約為5,000日圓。（截至2,019年12月資訊）

雞肉串燒店

秋葉原嘅雞肉串燒店集中喺車站周邊，有好多講究食材水準嘅店。其中，「烤雞肉家 SUMIRE 秋葉原電器街口店」使用「大山dori」雞肉加工公司出品嘅美味多汁雞肉。另外，「Aburidori Bari雞 秋葉原」使用從日本全國各地購入嘅嚴選食材。雞肉串燒一枝約200日圓起。（截至2019年12月資訊）

甜品店

秋葉原嘅甜品店主要集中喺購物中心入面，例如「Atre秋葉原1」4樓有「PATISSERIE et CAFÉ a la campagne」，可以食到放咗大量生果嘅水果塔，價格約700日圓。另外，位於「2k540 AKI-OKA ARTISAN」設計職人街上嘅「Cafe ASAN（カフェアサン）」係一間風格獨特嘅店，居然有吊床式座位，招牌甜品係梳乎厘班戟，一份細班戟約1,400日圓。（截至2,019年12月資訊）

酒吧

秋葉原嘅每間酒吧嘅風格都獨樹一幟。例如「Gauge（げーじ）」係一間測量儀器製造商開設嘅酒吧，店內以復古風測量儀器作為裝飾。另外，「AKIBA★BASE（アキバベース）」係一間附設射擊台嘅咖啡店兼酒吧。「Alchemist（あるけみすと）」酒吧有詮釋動漫歌曲嘅DJ，會舉行動漫同遊戲相關活動。以上每間酒吧嘅消費價位約一杯飲料700日圓，除咗「Gauge」之外，其他酒吧仲會另外收取入場費。（截至2019年12月資訊）

秋葉原嘅美食廣場

如果想一次過食各種唔同美食，建議去美食廣場。秋葉原有兩個美食廣場，第一個係JR秋葉原站一樓嘅「Tokyo Food Bar秋葉原店」。呢度有4間餐廳，包括蕎麥麵、炸豬排餐廳等等。一份食物價格大約1,000日圓，經濟實惠。

另一個係秋葉原UDX大樓內嘅「秋葉原拉麵劇場」。呢度有兩間餐廳，午餐約800日圓，而到晚餐時段，成個美食廣場就會變成咗居酒屋，一餐飯預大約2,000日圓起。（截至2,019年12月資訊），

秋葉原嘅獨特主題式咖啡店

秋葉原有唔少獨特嘅主題式咖啡店，嚟到千祈唔好錯過去體驗一下啦！

女僕咖啡店

秋葉原有好多女僕咖啡店，特別係中央通、JUNK通呢兩條大街上比比皆是。

女僕咖啡店雖然同一般嘅咖啡店一樣可以嗌嘢飲嘢食，但特別在加入女僕主題，仲會提供表演服務。好多店嘅收費都係以一個鐘為單位（500～600日圓），另加最低消費一杯嘢飲或嘢食。

其中比較出名嘅女僕咖啡店有「Maidreamin」、「AKIBA絕對領域」。

忍者咖啡店

秋葉原仲有以忍者為主題嘅咖啡店。「秋葉原忍者喫茶 唔忍CAFE萬世城」係一間難得可以體驗投擲手裏劍嘅咖啡店。收費方面，入場費加上最低消費一杯飲品。如果係第一次去，男性每30分鐘600日圓、女性則係100日圓。（截至2019年12月嘅資訊）

相關文章：日本現喺仲有忍者嗎？哪裡可以遇到佢哋？

Cosplay咖啡店

秋葉原有各式各樣嘅Cosplay咖啡店。其中，「幽幻酒店」係一間以中國殭屍為主題嘅咖啡店，店員會身穿中國式服裝、裝扮成殭屍。另外，「LittleTGV」係一間鐵路居酒屋。店內擺放著真正嘅鐵路相關物品同模型裝飾，店員仲會著制服扮成站務員添。呢兩間店晚餐嘅價位為2,500日圓左右起。（截至2,019年12月嘅資訊）

動物咖啡店

秋葉原有一啲可以親親小動物嘅咖啡店。例如「AKIBA Fukurou」係一間可以同貓頭鷹互動嘅咖啡店。費用2,000日圓，包括影相同將貓頭鷹企喺你手上。請留意去之前必須要事先預約。

另外，喺「Neko JaLaLa」可以同貓貓玩，並且喺一個被貓仔包圍嘅環境飲杯嘢。費用為每30分鐘550日圓。另外，「Moff Rell」係一間兔仔咖啡店。費用為每30分鐘1,100日圓，已包括餵兔仔嘅零食。（截至2,019年12月資訊）

入住秋葉原嘅酒店

秋葉原嘅酒店距離車站近，價格又實惠。以下為大家介入唔同價位等級嘅推薦酒店。

秋葉原站周邊嘅酒店

秋葉原站附近有好多價格實惠嘅酒店。例如，「秋葉原華盛頓酒店」、「APA酒店 秋葉原站前」嘅地理位置便利，距離JR秋葉原站只有一分鐘路程。

另外，距離車站較遠處嘅「VIA INN秋葉原」，客房擁有大窗戶，提供寬闊嘅空間。價位一晚7,000到10,000日圓之間。 （截至2019年12月嘅資訊）

秋葉原嘅四星級同五星級酒店

秋葉原無四星級或五星級酒店。如果想搵高級酒店，可以去比較近嘅東京車站附近搵。例如，「東京皇宮酒店」擁有靜謐嘅氣氛，酒店周圍保留日本原始風景，綠樹成蔭、碧水環繞。另外，「東京丸之內四季酒店」內部裝潢以木紋為基調、整體空間明亮，從酒店內部可欣賞東京車站。標準房一晚60,000至150,000日圓。（截至2019年12月資訊）

秋葉原嘅膠囊旅館

秋葉原嘅膠囊旅館擁有簡單俐落嘅設計。另外，亦有一啲對床褥特別講究嘅膠囊旅館，例如有使用席夢思床褥嘅「安心之宿」，或使用原創床褥嘅「GLANSIT」等等。另外，「First Cabin秋葉原昭同通」、女性專用嘅「BAY HOTEL秋葉原」亦十分推薦。價位一晚約3,500～6,000日圓之間。（截至2019年12月資訊）

秋葉原嘅青年旅館

秋葉原站東面有兩間青年旅館，兩間都好便利，距離JR秋葉原站僅需步行5分鐘左右。「秋葉原酒店3000」分別設有男性專用同女性專用嘅宿舍，仲有可容納2至8位客人嘅家庭式客房。宿舍型房間嘅價格每人每晚約3,000日圓。

另外，「&AND HOSTEL秋葉原」除咗有男性專用宿舍，仲有IoT雙人房，呢係一個可以使用先進嘅loT設備嚟實現所有事嘅單人房。宿舍房型嘅價格一晚約3,600日圓。（截至2019年12月資訊）

從東京其他地方去秋葉原嘅交通

要從東京站去秋葉原站，可以搭JR山手線或JR京濱東北線。山手線從3號月台出發、京濱東北線從4號月台出發。兩種列車去秋葉原站嘅車程都係4分鐘左右。

從秋葉原去東京都內嘅主要車站

如果喺秋葉原玩得盡興之後，亦可以去附近嘅景點。從秋葉原到東京主要車站嘅交通方式如下。