型人朝地—原宿旅遊全攻略！行街、娛樂、美食、交通、酒店...

原宿係東京首屈一指嘅人氣觀光旅遊點。亦係領導日本潮流嘅中心，好多年輕人嘅文化，流行趨勢都喺呢度開始發展出嚟。近年，原宿唔單止係日本全國嘅潮流發訊地，仲向全世界發佈最近嘅潮流情報。而喺原宿仲有獨特嘅「KAWAII」文化，有唔少旅客都會去呢個「KAWAII」聖地「朝聖」。

關於原宿

原宿係指以JR原宿站向東延伸嘅竹下通為中心嘅區域，東面係明治通，南面係表參道。喺大概1970年代，開始有一啲潮流店舖喺呢度開店後，就吸引越嚟越多年輕人聚集，漸漸咁發展成喺呢到創造出各種流行趨勢。時至今日，原宿依然係領導時尚潮流尖端嘅地方。

原宿著名四條街

原宿可以分為以下四個區域：

• 竹下通
• 裏原宿
• 貓街
• 明治通

每條街道各有唔同特色，都充滿原宿獨有嘅氣氛。

竹下通

竹下通係原宿地區主要街道。總長約350米，由JR原宿站竹下出口去竹下通只需步行10秒！

原宿係「KAWAII」聖地，觀光客總係絡繹不絕。雖然條街並唔濶，但沿路就有好多可愛服飾店同雜貨店，仲有可以食到五顏六色甜品嘅cafe等。

裏原宿

裏原宿係指由竹下通到明治通嘅一帶區域。主要以「原宿通」為中心，原宿通有好多賣二手衫同飾品嘅舖頭，價廉物美。

另外，唔只原宿通，呢一帶嘅橫街窄巷都有好多唔同特色舖頭，有啲甚至無招牌。一邊散步一邊探索尋寶，係一件好有嘅事。

貓街

貓街同明治通平行，穿過表參道到澀谷。呢條街唔似竹下通有熱鬧繁忙，相對地比較有氣氛。

貓街亦有好多有個性嘅雜貨店、二手衫舖，以至世界知名品牌嘅專門店。另外，仲有啲有文藝氣息嘅café，同以外賣為主嘅甜品店等。

明治通

明治通係原宿地區南北向嘅一條道路。喺明治通上有為人熟悉嘅「Laforet原宿」、「東急Plaza表參道原宿」等大型購物設施，入面有好多人氣品牌旗艦店同埋時尚精品店等。

另外，唔單止係時尚服裝等商品，仲有賣好多生活雜貨用品嘅舖頭。

享受原宿嘅樂趣

原宿有好多購物設施、雜貨店同餐飲店。如果嚟到原宿嘅話，可以享受以下樂趣：

• 喺充滿可愛商品嘅店舖裡購物
• 一邊行街一邊食色彩繽紛嘅甜品
• 一邊歎茶，一邊同小動物玩
• 喺熱門打卡點影呃LIKE相
• 透過欣賞浮世繪去了解日本文化

原宿流行時尚嘅購物點

原宿嘅時尚潮流舖頭，有世界知名品牌嘅專門店，亦有細細嘅路面小舖，仲有匯集各種品牌嘅大型購物中心。

以下係精選推薦嘅舖頭：

相關文章：原宿又一話題新蒲點！血拚新聖地「WITH HARAJUKU」

Laforet原宿

「Laforet原宿」(ラフォーレ原宿) 是面向明治通的購物設施。主要以時尚、生活雜貨的店家為主，時尚潮流店大多是休閒服飾品牌。

設施內的店舖擺滿了原宿店限定的商品。有很多以原宿風格的甜點、以「卡哇伊」為主題的商品，也很適合買回去當伴手禮。

另外，也推薦去逛逛時常更換的期間限定商店。有許多目前流行的時尚品牌，可以了解最新的時尚趨勢。

店家資訊

• 名稱：Laforet原宿 (ラフォーレ原宿)
• 地址：東京都澀谷區神宮前1-11-6
• 交通方式：JR原宿站表參道口步行5分鐘
• Wi-Fi：無
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

東急Plaza表參道原宿

「東急Plaza表參道原宿」(東急プラザ表参道原宿)是一家位於Laforet原宿對面的購物中心。從時尚、生活風格、化妝品的店舖到可以品嚐鬆餅及咖啡的咖啡廳都有。

另外，6樓還有一個屋頂露台「表原之森」(おもはらの森)。「表原之森」設置了許多常凳子，周圍被高大的櫸樹及連香樹圍繞。這裡可以攜帶食物及飲料，是許多人休閒的好去處。

店家資訊

• 名稱：東急Plaza表參道原宿 (東急プラザ表参道原宿)
• 地址：〒150-0001 東京都澀谷區神宮前4-30-3
• 交通方式：JR原宿站…步行約4分鐘
• Wi-Fi：無
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

NIKE原宿

NIKE是享譽全球的運動品牌，在原宿設有一家大型店舖。在這裡可以看到最新的運動流行趨勢，還有各種服裝和鞋類。

「NIKE原宿」(NIKE HARAJUKU) 的營業時間為上午11點至晚上8點，店員提供專業又親切的服務，其中許多店員會說英語。店面距離原宿站僅5分鐘步行路程，一定不要錯過了！

店家資訊

• 名稱：NIKE原宿 (NIKE HARAJUKU)
• 地址：〒150-0001 東京都渋谷区神宮前1-13-12
• 交通方式：JR原宿駅表参道口…徒歩約2分
• Wi-Fi：無
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

BAPE STORE® 原宿

「Bape」是「A Bathing Ape」的縮寫，是日本一個受歡迎的服裝時尚品牌，由日本服裝設計師暨饒舌歌手Nigo(長尾智明)於1993年成立。他們為男性和女性以及兒童提供多種時尚服裝，包括日常生活及街頭服飾。

與其他品牌的聯名系列獲得高人氣的「Bape」，也受到許多名人的愛戴。「Bape」是開設於原宿巷弄的代表性服飾店之一。營業時間為每天上午11點至晚上8點，店員服務親切，是尋找最新街頭時尚的好地方。

店家資訊

• 名稱：BAPE STORE® 原宿
• 地址：〒150-0001 東京都澀谷區神宮前4-21-5
• 交通方式：JR原宿站…步行約10分
• Wi-Fi：無
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

H&M原宿店

H＆M是一家分店遍布全球許多國家的服飾店，以卓越的品質和實惠的價格而聞名。位於竹下通走到底的明治通上、「Laforet原宿」的附近，「H＆M原宿店」(H&M Harajuku)為男性、女性、青少年和兒童提供服飾。

店家資訊

• 名稱：H&M 原宿 (H&M Harajuku)
• 地址：〒150-0001 東京都澀谷區神宮前1-8-10
• 交通方式：JR原宿站表參道口…步行約5分鐘
• Wi-Fi：有
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

原宿可愛風生活雜貨店

原宿有好多可愛生活雜貨店。不單止係街舖，仲有啲係整座樓集合咗好多可愛生活雜貨。

以下係精選推介大家要去嘅舖頭：

WEGO 1.3.5…

「WEGO 1.3.5 ...」係原宿街頭風嘅潮牌。店名「1.3.5」係指店內所有商品都以 100 日圓、300 日圓、500 日圓 3 個價錢作定價。有好多運用紅色、黃色等原色嘅設計，亦有以粉紅色為主嘅普普風格設計。

有飾品、智慧型手機配件、徽章、文具等等豐富商品。

店舖資訊

• 名稱：WEGO 1.3.5...
• 地址：〒150-0001 東京都澀谷區神宮前1-5-10 神宮前Tower Building 1F
• 交通方式：JR原宿站竹下口…步行約5分鐘
• Wi-Fi：無
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

PARIS KID'S 原宿本店

「PARIS KID'S 原宿本店」係一間位於竹下通嘅飾品店。價格合理，由300日圓起跳。以划價格同原宿kawaii風格為概念，售賣髮飾、耳環同頸鍊等商品。

另外仲有手錶、雨傘同手機配件等等生活雜貨。仲有以日本傳統玩具「劍玉」(けん玉)為靈感嘅現代風可愛設計。

店舖資訊

• 名稱：PARIS KID'S 原宿本店
• 地址：〒150-0001 東京都澀谷區神宮前1-19-8 原宿Family Building1F
• 交通方式：JR原宿站…步行約1分鐘
• Wi-Fi：無
• 語言：英文
• 信用卡：可以使用VISA、MasterCard

Kiddy Land 原宿店

「Kiddy Land 原宿店」(キデイランド 原宿店)係一家賣日本動漫周邊等商品嘅舖頭。有好多專門店品牌都以租借方式進駐喺入面，可以一次睇到各個唔同動漫或者人氣角色周邊。例如Hello Kitty、史努比、迪士尼等等，喺日本國內外都廣受歡迎。

另外，仲可以喺呢間舖頭入面直接辦理免稅，計落扺過去其他商店購物。

店舖資訊

• 名稱：Kiddy Land 原宿店 (キデイランド 原宿店)
• 地址：〒150-0001 東京都澀谷區神宮前6-1-9
• 交通方式：JR原宿站表參道口…步行約7分鐘
• Wi-Fi：有
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

Cute Cube Harajuku

「Cute Cube Harajuku」也被稱為「Harajuku Cube」，實際上係喺一棟建築物內，集合咗好多飾品店、糖果店同時裝店，仲有好多可愛嘅布甸狗主題cafe！

呢楝建築物有4層樓高，以原宿kawaii文化嘅舖頭同餐廳為主。每間舖頭嘅營業時間都唔一樣，但通常地下一樓至地上二樓嘅營業時間係上午10時至晚上8時；而三樓嘅營業時間就係上午11時至晚上9時。

另外，呢度仲設有外幣兌換機，唔使擔心想購物但係身上現金唔夠。

店舖資訊

• 名稱：CUTE CUBE HARAJUKU
• 地址：〒150-0001 東京都澀谷區神宮前1-7-1
• 交通方式：JR原宿站竹下口…步行約4分鐘
• Wi-Fi：無
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

R27

「R27」係位於竹下通嘅玩具專門店，專賣可以搓圓撳扁嘅擠壓型玩具。擠壓玩具係指用咗低反發設計，擠壓完會慢慢回復嘅玩具。呢間專門店入面有多種唔同可以幫助舒壓嘅擠壓玩具，造型多款，包括有動物、水果、糖果、壽司同各種動漫角色等等。

店內嘅商品，有好多原宿獨特嘅色彩繽紛款式，剩係望見都覺得好可愛。而且價格合理，大概約300～1,000日圓，非常適合買嚟為紀念品。（截至2019年11月資訊）

店舖資訊

• 名稱：R27
• 地址：〒150-0001 東京都澀谷區神宮前1-16-5
• 交通方式：JR原宿站竹下口…步行約4分鐘
• Wi-Fi：無
• 語言：英文
• 信用卡：可以使用VISA、MasterCard、JCB

原宿中嘅日本風生活雜貨店

原宿除咗有可愛風外，亦有日本風格嘅生活雜貨店。有賣古董和服、和服腰帶、和風小物嘅舖頭，日式古風中又帶有原宿特色嘅可愛，非常獨特。

大江戶和子

「大江戶和子」係和服同腰帶嘅專門店。主要賣二手古董和服同埋和服配件，有好多簡單又精緻嘅設計。

由於和服價格較貴，通常要好幾萬日圓先買到，但髮簪同散紙包等配件，就幾千日圓都有交易。（截至2019年11月資訊）

店舖資訊

• 名稱：大江戶和子
• 地址：〒150-0001 東京都澀谷區神宮前4-29-3 表參道大樓B1
• 交通方式：JR原宿站表參道口…步行約2分鐘
• Wi-Fi：無
• 語言：英文
• 信用卡：不可使用

東方市集

「東方市集」(オリエンタルバザー)係一間紀念品店，售賣日本傳統工藝品同埋與文化相關產品。店舖佔地3層，地下一樓到地上二樓，售賣好似生活雜貨類等嘅簡易紀念品，仲有餐具、衣櫃、花器等等。

特別推薦印有日文漢字嘅T恤、頭巾同扇子。價格實惠，大約1,000日圓起，一定要睇吓。（截至2019年11月資訊）

店舖資訊

• 名稱：東方市集 (オリエンタルバザー)
• 地址：〒150-0001 東京都澀谷區神宮前5-9-13
• 交通方式：JR原宿站表參道口…步行約5分鐘
• Wi-Fi：無
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

Musubi (むす美)

「Musubi」(むす美) 係日式包裝手巾(風呂敷)嘅專門店。日本會有叫「風呂敷」嘅包裝手巾嚟包裹物品。有好多唔同呎吋，由周邊100cm以上嘅大手巾，至得50cm嘅迷你巾都有。

另外，設計樣式由花朵風景等自然圖案，到動物圖案都有。價格約600～3,500日圓。（截至2019年11月資訊）

店舖資訊

• 名稱：むす美
• 地址：〒150-0001 東京都澀谷區神宮前1-13-12
• 交通方式：JR原宿站表參道口…步行約2分鐘
• Wi-Fi：無
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

簪屋wargo

「簪屋wargo」(かんざし屋wargo)係日本首屈一指嘅髮簪專門店。有好多用咗玻璃、金工等日本傳統工藝美嘅髮簪。呢啲保留咗日式風格嘅髮簪，唔只可以用嚟襯和服，平時日常生活都可以用得到，好方便。

髮簪價格約1,000～20,000日圓。運用日本傳統工藝品嘅產品就會價格貴啲。（截至2019年11月資訊）

店舖資訊

• 名稱：簪屋wargo原宿店 (かんざし屋wargo 原宿店)
• 地址：〒150-0001 東京都渋谷区神宮前4-28-14 シャンゼリゼ原宿ビル1階
• 交通方式：JR原宿駅…徒歩約6分
• Wi-Fi：無
• 語言：英文
• 信用卡：可以使用VISA、MasterCard、JCB、AMERICAN EXPRESS、Diners Club International

原宿周邊地區同推介觀光景點

原宿周邊唔單止有購物設施，仲有多豐富嘅觀光景點。澀谷、表參道同青山都係步行範圍內。

以下要為大家介紹原宿附近嘅觀光景點，大家可以順道遊覽吓。

明治神宮

明治神宮位於原宿地區JR線路西面嘅神社。建於1920年，供奉咗明治天皇同昭憲皇太后。

即使位於市中心，但都佔有好大片綠色嘅公園，擁有豐饒綠意，神社境內充滿神聖氣氛。喺入面完全感覺唔到唔到原宿嘅喧鬧嘈雜，你會驚訝一個咁寧靜宜人嘅地方竟然咁近原宿。

另外，神社境內嘅明治神宮博物館，仲展示咗同明治天皇有關嘅物品。

景點資訊

• 名稱：明治神宮
• 地址：〒151-8557 東京都澀谷區代代木神園町1-1
• 交通方式：JR原宿站表參道口…步行約1分鐘
• Wi-Fi：無
• 語言：英文
• 購票方式：現場購票
• 信用卡：不可使用

代代木公園

代代木公園位於原宿地區西部，係一個大型都立公園。內部規劃為森林公園同陸上競技場等區域。森林公園區嘅中央廣場周圍，被灌木叢同花田圍繞，可以欣賞豐富自然景觀。

另外，亦可以喺鳥類保護區觀察野生雀鳥。過去觀察到嘅雀鳥品種超過10種，包括花嘴鴨、白頰山雀同白鶺鴒等等。

景點資訊

• 名稱：代代木公園
• 地址：〒151-0052 東京都澀谷區代代木神園町2-1
• 交通方式：JR原宿站表參道口…步行約3分鐘
• Wi-Fi：有（Free Wi-fi & Tokyo）
• 語言：中文、英文、韓文

太田紀念美術館

大田紀念館位於原宿地區南側，係一間浮世繪博物館。浮世繪主要係由17世紀到19世紀，描繪當代社會風俗民情嘅繪畫。

美術館館藏約有1萬4千件，涵蓋各種時期同唔同藝術手法。每個月仲會舉辦主題展覽，亦有不定期嘅講座，等嚟參觀嘅人可以了解浮世繪嘅魅力。

景點資訊

• 名稱：太田紀念美術館
• 地址：〒150-0001 東京都澀谷區神宮前1-10-10
• 交通方式：JR原宿站表參道口…步行約5分鐘
• Wi-Fi：無
• 語言：英文
• 購票方式：現場購票
• 信用卡：不可使用

表參道地區

表參道係非常高格調嘅時尚街道，有好多時代尖端嘅品牌專門店、大型品牌專門店同埋文化設施。

其中，有來自「紐約現代藝術博物館」（MOMA）嘅商店「MoMA Design Store」。出售嘅商品種類豐富，包括有家具、生活雜貨同時尚服飾等。

另外，仲有綜合式購物設施嘅「表參道Hills」(表参道ヒルズ)同「GYRE」。都係集合咗好多高級品牌，仲有著名餐廳等等。呢兩座購物中心嘅建築外觀亦非常有現代簡約設計嘅特色，剩係欣賞建築都好值。

澀谷地區

澀谷係東京著名觀光區之一，充滿咗各式各樣嘅設施，包括新型商業大樓、居酒屋、小型劇場等等。

要買潮流時裝，型格服飾，就推介要去「109」、「澀谷中央街」(渋谷センター街)等地方。

另外，「澀谷站前十字路口」(スクランブル交差点)雖然係條大馬路，但亦係澀谷非常知名嘅景點之一。好多外國人都對於大批人潮同時來來往往嘅奇觀感到驚訝。

青山地區

青山係東京時尚高貴嘅地區，喺呢度可以了解到東京時尚、化妝品等生活流行趨勢。青山距離原宿約20分鐘步行路程，沿途有好多觀光景點。

距離原宿比較近嘅係南青山地區，呢區有好多美術館、紀念館等藝術文化設施。例如，擁有好大個庭園嘅「根津美術館」，仲有以日本傳統「胭脂」為主題嘅「胭脂博物館」(紅ミュージアム)。

原宿影相熱點

造訪原宿嘅時候，千祈唔好錯過去熱門影相位拍照留念。只有喺原宿先可以體驗到呢啲「KAWAII」風格，一定要影相打卡留念。

Princess one Spoon

「Princess one Spoon」位於貓街附近。相信每位女孩心中都唔多唔少有過想做公主嘅願望，呢個願望未必好大，或者就只係一小湯匙嘅分量，所以呢間舖頭以「一小匙嘅公主願望」為主題，主要售賣生活雜貨同飾物。

而要推介嘅影相位係「Princess one Spoon」嘅入口外面。舖頭入口有一個指針停喺11點59分嘅大時鐘，仲有一台南瓜馬車，營造咗灰姑娘嘅氣氛場景。

另外，舖頭入面都設置咗公主椅，可以畀大家打卡影相。

店舖資訊

• 名稱： Princess one Spoon (プリンセスワンスプーン東京)
• 地址：〒150-0001 東京都澀谷區神宮前4-27-4
• 交通方式：JR原宿站竹下口…步行約5分鐘
• Wi-Fi：無

AWESOME STORE & CAFE HARAJUKU

「AWESOME STORE & CAFE HARAJUKU」位於明治通上，係一間附設咖啡廳嘅生活雜貨店。入口處牆上面有街頭藝術風嘅塗鴉繪畫，係一個唔錯嘅打卡影相位。

另外，咖啡廳嘅主要菜式係裝飾精美嘅Bagel，相信影相都可以呃到唔少LIKE。

店舖資訊

• 名稱：AWESOME STORE & CAFE HARAJUKU
• 地址：〒150-0001 東京都澀谷區神宮前6-27-4
• 交通方式：JR原宿站表參道口…步行約7分
• Wi-Fi：有

星期三的愛麗絲 東京

「星期三的愛麗絲 東京」係一間以「愛麗絲夢遊仙境」為主題嘅商店 。出售喺愛麗絲故事中出現，不可思議又可愛嘅生活雜貨同糖果零食。

舖頭嘅外觀有好多道門，係影相重點。大大小小各種尺寸、色彩繽紛嘅門，營造出可愛氣氛。日頭有自然光時色彩對比會好靚，到入夜打燈後，又會營造出更加夢幻嘅氣氛。

店舖資訊

• 名稱：星期三的愛麗絲 東京 (水曜日のアリス 東京)
• 地址：〒150-0001 東京都澀谷區神宮前6-28-3
• 交通方式：JR原宿站表參道口…步行約5分鐘
• Wi-Fi：無

TOTTI CANDY FACTORY

TOTTI CANDY FACTORY係一間好受歡迎嘅彩虹棉花糖店。喺充滿霓虹燈裝飾嘅店內，工作人員熟練咁製作巨大棉花糖。

除咗棉花糖外，仲有色彩鮮豔，好似珠寶咁樣嘅糖果、動物造型嘅波板糖蛋糕亦唔可以錯過。單呢啲食物相，又或者同呢啲獨特食物一齊合照，已經係嚟原宿嘅特別紀念品，可以同呢個獨特風格留下紀念。

店舖資訊

• 名稱：TOTTI CANDY FACTORY
• 地址：〒150-0001 東京都澀谷區神宮前1-16-5
• 交通方式：JR原宿站竹下口…步行約4分鐘
• Wi-Fi：Unavailable

布拉姆斯小徑

「布拉姆斯小徑」位於由竹下通延伸下去嘅橫巷入面。喺呢條由鵝卵石鋪成嘅狹窄街道兩旁，林立咗好多許多充滿情調嘅屋。

推薦嘅影相位置係好似歐洲街景嘅後巷。紅磚牆、隱密嘅餐廳等等，少咗原宿嘅喧鬧，係充滿復古氣氛嘅街景，一定要拍照留念。

景點資訊

• 名稱：布拉姆斯小徑 (ブラームスの小径)
• 地址：150-0001 東京都澀谷區神宮前1
• 交通方式：JR原宿站竹下口…步行約1分
• Wi-Fi：無

原宿美食與餐廳

原宿有各式各樣嘅餐廳，由趕潮流嘅甜品店、文藝café到傳統日本料理店都有。我地會根據以下嘅類別為大家推家唔同嘅舖頭。

• 班戟(crepe) ・雪糕店
• Cafe咖啡廳
• 可愛主題餐廳
• 拉麵店
• 餃子店

原宿班戟、雪糕店

原宿有好多班戟同雪糕店，係去原宿唔少得嘅街頭美食。話講原宿就諗起班戟都不為過。呢到有最初喺原宿出現嘅班戟店，經得起不少歲月風雨，亦可以搵到最新嘅可愛雪糕甜品店。班戟同雪糕一份價格約為500～600日圓。（截至2019年11月資訊）

喺班戟店林立嘅原宿，特別推薦日本第一家班戟店「Marion Crepes」(マリオンクレープ)同埋「SWEET BOX」。另外仲有風格獨特嘅動物造型雪糕店「Eiswelt Gelato 」(アイスウェルト ジェラート)。

原宿Café(咖啡廳)

原宿有好多唔同嘅Café咖啡廳。既有可以飲到濃醇咖啡嘅，亦有室內裝飾豐富嘅café，亦有可以暫時逃離一下大街嘅熙攘，非常寧靜嘅咖啡館。一杯咖啡價格約500～700日圓。（截至2019年11月資訊）

特別推介「DoubleTallCafe」，可以品嚐用咗精選咖啡豆製成嘅咖啡。另外仲推薦具有時尚室內設計嘅「dotcom space Tokyo」(ドットコムスペース トウキョウ)同「TRIP PORT Pub Café」。

另外，「NOA CAFE」亦係個唔錯嘅選擇，可以喺隔離舖「SWEET BOX」買外賣班戟帶去「NOA CAFÉ入面坐低飲杯咖啡享用。

原宿可愛風餐廳

原宿有好多舖頭，專門供應外觀可愛又上鏡嘅食物，令大家忍唔住影「呃LIKE相」。每間舖頭都供應兼具靚靚外觀同美味內涵嘅食物。一個人大概會預算消費1,000～2,000日圓。（截至2019年11月資訊）

例如，原宿「Kawaii」文化創始者「增田賽巴斯欽 」(増田セバスチャン)開設嘅「可愛怪獸主題餐廳」(Kawaii MONSTER CAFÉ)，或者「彩虹甜點原宿」(RAINBOW SWEETS HARAJUKU)都可算係代表。喺呢啲餐廳可以品嚐彩虹色嘅意大利，同色彩繽紛嘅甜品。

另外，仲有以可愛角色為主題嘅「布甸狗cafe」(ポムポムプリンカフェ)。連餐牌設計都以布甸狗為主題，店內可以見到好多布甸狗圖案設計。

原宿拉麵店

喺原宿，沿著JR鐵道有好多拉麵店。同一般拉麵店唔同，呢度仲有一啲有原宿風格，有型有個性嘅拉麵店。

其中，推介有時尚外觀，望落去似Café多過似拉麵店嘅「AFURI」拉麵。另外仲有用咗Modern風格室內設計嘅「一」(はじめ, Hajime)同「Noodle Stand Tokyo」。呢幾間拉麵店基本上都係提供以清淡嘅日式海鮮湯底為特色。但係「一」(はじめ, Hajime)就唔係湯拉麵，而係沾麵型式。

另一個獨特嘅拉麵店係「太陽蕃茄芝士拉麵 原宿竹下通店」(太陽のトマト麺withチーズ原宿竹下通り店)。喺呢度可以試到唔同平時嘅拉麵，因為佢用咗蕃茄湯底的拉麵。

價格約900～1,200日圓。（截至2019年11月時資訊）

原宿餃子店

如果想喺原宿食餃子，可以去餃子專門店或中華料理餐廳。喺專門店嘅話，可以食到一盤盤價格實惠嘅餃子，仲有價格實惠嘅日式套餐。另一方面，中華料理餐廳嘅餃子通常比較貴少少，但除咗煎餃之外，仲可以品嚐到美味嘅水餃子。專門店價格約每人消費1,000日圓；而中華料理餐廳嘅價格為2,000日圓。（截至2019年11月）

推薦嘅專門店有「和味餃子」、「原宿餃子樓」；而中華料理店嘅話可以去「東坡」餐廳。

原宿仲有咩玩？

喺原宿，除咗購物同食嘢之外，仲有好多嘢玩。跟住要為大家介紹原宿玩得到嘅遊戲娛樂場所。

卡拉OK (Karaoke)

原宿嘅卡拉OK集中喺明治通附近。有三間Karaoke Box同埋一間可以唱卡拉OK嘅LIVE HOUSE。

明治通沿途有三間「卡拉OK館」(カラオケ館)都係Karaoke Box型式。由於有好多間分店，萬一其中一間滿咗，都可以去其他分店睇下有無空位。

LIVE HOUSE嘅卡拉OK叫「LIVE NOTE CAFE」，位於從明治通轉入橫巷子嘅原宿通上。可以喺音響同燈光設備完善嘅LIVE HOUSE入面盡顯歌喉。

逃脫遊戲

原宿有體驗型嘅解謎逃脫遊戲，亦叫脫出遊戲。例如「超密室」，喺佈滿無數雷射激光嘅安全警戒系統房間中，進行逃脫「Laser Trap雷射激光陷阱」嘅遊戲。「超密室Laser Trap」提供兩種唔到嘅套餐：一種係標準方案，單純挑戰穿過激光；另一種係任務模式，需要一邊解開謎題，一邊穿越過雷射激光。只體驗穿越雷射光嘅話，僅需300日圓；附帶解謎嘅方案就每30分鐘2,500日圓。（截至2019年11月資訊）

另外，亦有名為「Himitsu Kichi of Scrap」(ヒミツキチオブスクラップ) 嘅地方，係提供以解謎為主嘅逃脫遊戲設施。

動物café

原宿有好多動物相關嘅Cafe咖啡廳。可以接觸到唔同嘅小動物，例如貓頭鷹、兔仔、水豚等等。

例如，如果想接觸貓頭鷹，推薦「武藏野Cafe＆Bar Owl Village 原宿店」(武蔵野カフェ＆バー ふくろうの里 原宿店)，費用為每35分鐘1,500日圓。

如果想要同兔仔玩嘅話，推薦「Ra.a.g.f」；想睇小型柴犬「豆柴」就可以去「原宿乃頭鷹之森與豆柴咖啡廳」(原宿乃フクロウの森と豆柴カフェ)。「Ra.a.g.f」費用為每60分鐘1,200日圓；而「原宿乃頭鷹之森與豆柴咖啡廳」則為880日圓。

另外，喺「原宿可愛動物園」(原宿かわいい動物園)，消費每30分鐘1,500日圓，可以同水豚等四種小動物接觸。（截至2019年11月資訊）

原宿附近酒店住宿

如果想要入住原宿附近嘅酒店，選擇原宿往澀谷方向嘅區域比較方便。喺JR原宿站至JR澀谷站之間嘅位置，有好多經濟實惠又有型格嘅酒店住宿。

例如有「Dormy Inn Premium 澀谷神宮前」(ドーミーインPREMIUM渋谷神宮前)、「HOTEL EMIT SHIBUYA」等經濟型酒店。雖然話係經濟型，但係傢私同食物方面絕唔馬虎。住宿價格每晚約5,000～10,000日圓。

如果想選擇價格更平嘅住宿，推薦膠囊旅館。 有「The Millenniums澀谷」(ザ・ミレニアルズ渋谷)同「Albida Hotel Aoyama」(アルビダルホテル青山)。平均住宿價格約每晚4,000～6,000日圓。 （截至2019年11月資訊）

如何前往原宿站

如果要前往原宿站，首先要由羽田機場搭車去JR濱松町。由羽田機場搭乘單軌電車，大約13分鐘即可到達JR濱松町站。再由JR濱松町站乘搭山手線，約21分鐘就可抵達原宿站。

相關資訊

• 名稱：原宿（JR原宿站）
• 地址：東京都澀谷區神宮前1
• 交通方式：羽田機場→[東京單軌電車]約13分鐘→JR浜松町站[JR山手線]約21分鐘→JR原宿站
• Wi-Fi：有（PLAY SHIBUYA Free）
• 語言：中文、英文、韓文
• 信用卡：可以使用VISA、Master Card、JCB、AMERICAN EXPRESS、Diners Club International