【日本東京】新宿站周邊推薦旅遊景點最新資訊：購物、美食、觀光、住宿，盡在新宿！

新宿為東京旅行嘅必去景點之一，位於東京23區內幾乎中央位置。另外，作為交通樞紐嘅新宿站，有山手線等多條電車路線運行，交通非常方便。車站周邊設有多個大型購物中心，作為購物和美食嘅熱門勝地，深受日本國內外人士喜愛。

今次，小編將介紹新宿站周邊分為六個觀光區域來介紹各特色，仲會推介新宿最新旅遊景點、購物和美食等資訊。

關於新宿周邊主要觀光區域

新宿站周邊聳立著高樓大廈，充滿著現代氛圍，並非如淺草般有著懷舊風情嘅街道。

然而，稍微行遠些少就會發現唔少大自然豐富嘅公園和庭園等地方。新宿嘅旅遊區域大致分為六個部分，小編將相關資訊整理於以下列表中。

新宿必去旅遊景點5選

喺新宿可以盡情享受購物和美食等各種樂趣。以下落嚟為大家介紹日本旅行時必去嘅熱門旅遊景點！

東急歌舞伎町塔

東急歌舞伎町塔於2023年4月開幕，係一座高約225米嘅綜合高樓大廈，匯聚了酒店、戲院、劇場、演唱會場地等多種唔如類型嘅娛樂設施，亦係最新嘅景點。

景點資訊

• 地址：東京都新宿區歌舞伎町1-29-1
• 交通：
  
• 從JR線、小田急線、京王線、東京Metro丸之內線「新宿站」步行7分鐘
• 從東京Metro丸之內線/副都心線、都營新宿線「新宿三丁目站」步行8分鐘
• 從西武新宿線「西武新宿站」步行1分鐘
  
• 從都營大江戶線「新宿西口站」步行6分鐘
• 營業時間：請參考各店舖嘅詳細資訊

新宿御苑

新宿御苑係一座庭園，位於從新宿站向東步行約10分鐘嘅地方。可以喺度欣賞到春季嘅染井吉野櫻花、八重櫻，夏季嘅玫瑰花，秋季嘅金木犀、山茶花等美麗花卉，享受四季嘅動人景致。由於靠近新宿三丁目，推薦可以順路一遊喔。

景點資訊

• 地址：東京都新宿區內藤町11
• 交通：從新宿站南口步行約10分鐘
• 入園費：一般500日圓，65歲以上250日圓，學生（中學高中生或以上）250日圓，小童（中學初中生或以下）免費
• 營業時間：
•  10月1日〜3月14日：09:00〜16:00
• 3月15日〜6月30日、8月21日〜9月30日：09:00〜17:30
• 7月1日〜8月20日：09:00〜18:30

東京都廳展望室

東京都廳展望室位於東京都廳舍45樓，分為南展望室和北展望室，可以從202米高處俯瞰一大片東京都嘅景致。喺低氣溫且視野良好嘅12月至2月期間，甚至可以遠眺得到富士山喔。另外，亦推薦於晚上觀賞，以點燈後嘅東京晴空塔®和東京鐵塔作為背景嘅動人夜景。

景點資訊

• 地址：東京都新宿區西新宿2-8-1（第一本廳舍）
• 交通：從新宿站西口步行約10分鐘
• 入場費：免費
• 營業時間：南展望室09:30～22:00（最後入場時間為21:30）※北展望室目前關閉中

新宿中央公園

新宿中央公園係新宿區面積最大嘅都市公園，擁有森林、草坪廣場等大自然環境，係一個讓旅途中疲憊嘅身軀可稍作放鬆休息嘅好去處。另外，公園亦會舉辦跳蚤市場等各種活動，夏季嘅「JabuJabu池」更大受小朋友們喜愛。

景點資訊：

• 地址：東京都新宿區西新宿2-11
  
• 交通：從新宿站西口步行約10分鐘
• 入場費：免費
• 營業時間：24小時開放（公園管理事務所09:00～17:00）

新宿Southern Terrace

「新宿Southern Terrace」（新宿サザンテラス）係一條長約350米嘅街，滿佈著提供最新美食嘅咖啡店、餐廳、人氣零售店等等。另外，冬季嘅晚間時分，更可以欣賞到浪漫嘅燈飾所營造出嘅夢幻氛圍，吸引更多人們前來參觀。

景點資訊

• 地址：東京都澀谷區代代木2-2-1
  
• 交通：從新宿站南口/新南口步行約1分鐘
• 入場費：免費
• 營業時間：24小時開放（有關店舖嘅營業時間，請參考各店舖嘅詳細資訊）

除此之外，設置於歌舞伎町嘅新宿東寶大廈八樓嘅「哥斯拉頭部模型」、投影於「Cross新宿大樓」嘅3D巨大貓咪「新宿東口之貓」等名勝亦非常吸睛，更成為人氣熱話，有機會嘅話記得要去打卡朝聖喔。

新宿站周邊購物勝地攻略！

新宿係一個擁有各種類型商店嘅購物天堂，從服裝、時尚雜貨、彩妝、日常用品到食品等，應有盡有。另外，仲有提供免稅服務嘅商店和免稅櫃台，可以用優惠價格入手想要嘅商品。以下落嚟，小編將按照不同類別，介紹推薦嘅購物勝地。

新宿的時尚購物中心

新宿站周邊有多間以女性顧客為目標群嘅購物中心，當中設有多間提供化妝品、服飾、雜貨等時尚相關商品嘅店舖。當中，「LUMINE EST新宿」和「新宿MYLORD」非常推薦畀十幾歲～二十幾歲嘅年輕人，呢兩個購物中心皆位於出站口附近，店舖內嘅商品價格亦相對較為實惠。

另外，「LUMINE新宿 LUMINE1」和「LUMINE新宿 LUMINE2」，集合多間適合二十幾歲～三十幾歲年齡層人士嘅品牌店舖。

如果想尋找高價位嘅生活雜貨或日本食品、調味料等商店，可以前往「NEWoMan SHINJUKU」，有陳列著一系列簡潔而精緻商品嘅店舖。

新宿的百貨公司

新宿有「伊勢丹 新宿店」、「京王百貨店 新宿店」、「新宿高島屋」、「新宿丸井 本館」等百貨公司，匯集了品牌化妝品、高級服飾、高級品牌等店舖。呢度係追求名牌和高品質人士嘅理想購物場所。另外，「伊勢丹新宿店男士館」和「新宿丸井 MEN」男士專門店林立，一眾男士都可以喺度享受購物嘅樂趣。

另外，日本嘅百貨公司地下樓層通常為食品銷售區域。呢個被稱為百貨地下街（デパ地下）嘅區域，販售著日本嘅零食、甜品、生鮮食品、便當、熟食等各種食品，可以喺度購買等到各種不同種類嘅食品。

化妝品、藥品、日常用品、電器產品店舖

新宿各處都可以見到藥妝店、電器舖嘅蹤影。

無論係「松本清」、「大國藥妝店」，抑或係24小時營業嘅「DONKI（唐吉訶德）」，通通都可以喺新宿搵得到。

位於車站嘅東西兩側出口皆設有家居電器舖，特別係位於西口站前嘅地區店舖林立，形成一條家居電器街。小編推薦前往提供豐富商品任君挑選嘅「Yodobashi Camera 新宿西口本店」、「BicCamera 新宿西口店」以及「Yamada Denki LABI新宿西口館」。

近年於新宿開設的旗艦店、大型商店

新宿擁有「東京迪士尼旗艦店」（Disney FLAGSHIP TOKYO）、「Sanrio新宿店」等可愛角色人物滿載嘅店舖、以及運動用品店「Alpen TOKYO」等多間近年開幕嘅店舖。下次有機會嘅話，記得要去朝聖一番喔！

於新宿尋覓美食的好去處

新宿有多間可以品嚐到各種美食嘅餐廳。除咗有拉麵、燒肉、壽司、涮涮鍋、居酒屋等日本料理餐廳，仲有韓國料理、中華料理、漢堡等異國美食。

飲食店主要分佈於新宿站周邊嘅購物中心、百貨公司內，以及歌舞伎町和新宿三丁目等地嘅街道、飲食街和商店街。

新宿推薦嘅美食景點

如果想了解更多相關資訊，記得睇埋呢篇關於新宿美食攻略嘅文章喔♪

新宿推薦酒店７選

新宿有五星級酒店，亦有價錢合理性價比高嘅酒店。整體而言，新宿車站東口和南口一帶嘅酒店比西口更加充實。新宿交通方便，周邊旅遊設施豐富，並提供各種適合不同需求嘅多間酒店任君選擇，因此作為東京旅遊嘅住宿據點，推薦入住新宿一帶嘅酒店。

新宿推薦酒店一覽

東口

• 新宿王子大酒店（Shinjuku Prince Hotel）/徒步約5分鐘
  
• 格拉斯麗新宿酒店 (Hotel Gracery Shinjuku）/徒步約5分鐘

南口

• 新宿燦路都廣場大酒店（Hotel Sunroute Plaza Shinjuku）/徒步約3分鐘
• 新宿JR九州酒店 Blossom新宿（JR Kyushu Hotel Blossom Shinjuku）/徒步約3分鐘
• 新宿華盛頓酒店（Shinjuku Washington Hotel）/徒步約8分鐘

西口

• 京王廣場酒店（Keio Plaza Hotel）/徒步約5分鐘
  
• 東京希爾頓酒店（Hilton Tokyo）/徒步約10分鐘

竟然有三個「新宿站」？關於前往新宿的交通方法

講到新宿地區嘅車站，大家通常會諗起「新宿站」，但其實有多間鐵路公司嘅路線行駛，因此存在著多個不同嘅「新宿站」。由於不同路線嘅車站，其位置亦有所不同，乘車時要多加注意喔。如果各路線嘅車站（月台）之間唔係直通，咁轉車或行去指定出口前，可能需要先出閘。因此，最好掌握站內最近出口、閘口（改札口）和各出口嘅位置。

電車路線一覧

除咗新宿站之外，新宿地區仲有其他車站，例如「新宿三丁目站」、「新宿西口站」、「西武新宿站」等等。由於容易混淆，所以喺搭電車時，記得要多加注意各電車路線和落車站喔。

另外，喺新宿站嘅南口（新南口）設有新宿高速巴士總站（バスタ新宿），因此乘坐巴士來往機場或其他縣市亦相當方便。

來往新宿和機場的巴士路線一覽