位於東京都台東區東部嘅「淺草」，係日本著名嘅觀光勝地之一。雷門、淺草寺、仲見世通等景點為其最出名嘅景點之一，街上散發著江戶時代情懷，深受人們喜愛。近年來，於社交媒體上引人注目嘅美食店亦備受關注。淺草在現代發展下又保留著日本老街嘅傳統風情，擁有新舊之間美麗對比嘅街區。今次，小編將介紹推介10種玩轉淺草嘅方式、推薦美食和餐廳等最新資訊。
到淺草寺參拜時絕不可錯過：雷門、五重塔、本堂…御神籤測運勢等等
淺草寺擁有將近1400年悠久歷史，亦係東京都內歷史最悠久嘅寺廟。寺內嘅雷門、寶藏門、五重塔、本堂等建築物曾多次受到地震和火災等災害嘅破壞，現今嘅本堂係於1951年重新建造。
要參拜淺草時的話，從雷門走到寶藏門，然後於手水舍淨身，再將常香爐中焚燒嘅香火煙霧往身上撥搧以作驅除邪氣，之後到本堂進行參拜。其後，可以去參觀五重塔。完成參拜後，推薦去埋抽御神籤、購買御守、御朱印等來留作紀念喔！
景點資訊
名稱：淺草寺
- 地址：東京都台東區淺草2-3-1
- 交通：從東武晴空塔線、東京Metro、筑波快線、都營地下鐵的淺草站步行約5分鐘
- 參觀時間：
- 寺院範圍：24小時開放
- 本堂：06:00～17:00（10月～3月：06:30～17:00）
- 門票：免費
- 網址：https://www.senso-ji.jp/
喺充滿江戶情懷的淺草商店街上享受購物樂趣
淺草寺附近有多個商店街，你可以喺度盡情享受購物和美食嘅樂趣。小編將介紹各商店街嘅特色和氛圍。
- 仲見世通：著名的「仲見世通」係通往淺草寺嘅參道，有約90間賣工藝品、紀念品、和菓子等商店。
- 傳法院通：同仲見世通交差發展開來的商店街，散發著江戶情懷嘅氛圍，有唔少由熟練職人所製作嘅江戶切子、木屐等商品嘅店舖。
- 淺草西參道商店街：鄰近淺草寺嘅商店街，聚集了賣和服、日本刀等商品嘅老字號店舖、手信舖、餐飲店等等。
- 淺草Hoppy通：位於淺草寺西側嘅街道，有多間於店舖前設置桌椅嘅開放式居酒屋林立。街名「Hoppy」來自呢度有好多客人享用一款低酒精濃度嘅啤酒風味飲品「Hoppy」，因而得名。
- 淺草地下街：位於淺草站地下嘅隱世地點，有立食蕎麥麵店、具有懷舊氛圍嘅居酒屋等店，令人可盡情沉浸於懷舊氛圍當中。
好味又吸睛！淺草有超多「掃街」美食
近年，淺草商店街上出現多間於社交媒體上成為熱話嘅美食店。就等小編即刻為大家介紹幾間排長龍嘅必食人氣輕食店啦。
※禁止於街頭上行走時進食，請於商店嘅用餐區或立食區進食。
- 淺草花月堂：淺草名物「巨型蜜瓜包」嘅店鋪。可以品嚐得到外層酥脆，內部鬆軟美味嘅日式蜜瓜包。
- 淺草空月（浅草そらつき）：以士多啤梨和日式甜品為特色嘅專門店。喺日式糰子上放上色彩鮮豔嘅忌廉，再加上士多啤梨，係店舖嘅招牌美食！既吸睛又好味，啱晒用嚟打卡喔！
- 淺草Unana（浅草うなな）：專門提供外賣嘅鰻魚料理店。店舖嘅人氣美食係放上大大條炭火烤製嘅鰻魚飯糰！
- 壽清庵：抹茶可麗餅專門店。可以品嚐到充滿抹茶風味嘅可麗餅，無論係可麗餅嘅餅皮定配料，都係使用大量抹茶製作而成。
- 淺草製作所：販售將天婦羅壓成片狀嘅天婦羅脆片嘅店鋪。可以體驗到脆口天婦羅嘅全新口感，甚至連聲音聽落都好好味喔。
享受淺草老字號店舖的和食：和牛壽喜燒、天婦羅蕎麥麵、懷石料理等等
自江戶時代起，淺草一直係庶民文化聚集地，有唔少老字號和食店至今仍然存在於此。有見及此，小編會為大家介紹幾間，超級值得推薦嘅淺草和食餐廳喔。
- 尾張屋：一間創業160年嘅蕎麥麵店。使用最上乘嘅日本產蕎麥粉去打造極具嚼勁嘅蕎麥麵，其招牌菜式係搭配上大型蝦天婦羅嘅天婦羅蕎麥麵。
- 淺草今半 國際通本店：成立於1895年嘅壽喜燒店，使用從日本各地精心挑選嘅頂級黑毛和牛，令食客可以品嚐到口感柔軟、風味豐富嘅壽喜燒。
- Yoshikami（ヨシカミ）：成立於1951年嘅西式餐廳。除咗招牌菜燉煮牛肉之外，仲有提供蛋包飯、日式牛肉燴飯等多款日式西餐嘅菜式，係一間可以品嚐到豐富多彩日式西餐嘅餐廳。
- 淺草Mugitoro（浅草むぎとろ）：成立於1929年嘅懷石料理店。以出汁攪拌拉伸日本淮山「大和芋」，並淋於麥飯上享用嘅「Mugitoro」（むぎとろ）為當店名物。
來「淺草橫町」享受如同祭典中的屋台美食吧！
淺草橫町係於2022年7月開幕嘅淺草新景點，被譽為美食和祭典嘅殿堂。呢度就好似一個匯集日本各地嘅祭典元素並增添上異國情調嘅主題公園，令人可以隨心所欲地享受當中嘅樂趣。建築物內彩色嘅霓虹燈和提燈照明，營造出一種祭典氛圍，其中有如祭典屋台攤販嘅餐飲店。喺美食廣場嘅空間，大家可以從各店舖購買喜愛嘅料理和飲品，然後喺用餐區享用喔。
呢度有日式烤雞串、燒豬肉、壽司、鰻魚、日式西餐＆中華料理、韓國料理、大眾居酒屋等7間店舖。週末時，會有阿波舞、Yosakoi（ヨサコイ）舞蹈、盆舞等表演節目。另外，亦設有和服租借店，可以穿著和服參與舞蹈表演。呢度係一個令人可以享受得到「非日常」體驗嘅好地方！
景點資訊
- 名稱：淺草橫町
- 地址：東京都台東區淺草2-6-7 4F
- 交通：從都營淺草線淺草站6號出口步行約6分鐘
- 網址：https://asakusayokocho.com/
穿上可愛和服遊覽觀光景點～無任何「架餐」都可以輕鬆體驗和服
喺充滿江戶情懷嘅淺草，有多間提供和服租借服務嘅店鋪。每間店鋪皆提供穿著和服、頭髮造型等服務，所以即使兩手空空都無問題。
雷門和淺草車站周邊嘅和服租借店就有「梨花和服」、「京都和服租借wargo（京都きものレンタルwargo）」、「淺草和服租借和樂（浅草着物レンタル和楽）」等眾多店鋪任君選擇。費用方面，根據不同方案而有所不同。選擇以人造纖維所製作、可輕易穿上嘅和服嘅話，包埋頭髮造型和小配件，價格大約為3000日圓至4500日圓左右。
你可以穿著和服於淺草嘅街道上閒逛、觀光，或乘坐人力車等，享受淺草獨有嘅旅遊體驗。亦不妨影返幾張靚相，記錄將呢趟淺草之旅啦！
坐人力車遊淺草超過癮！帶你去遊秘密景點～
講到淺草就不得不提到人力車！唔單止可以輕鬆遊覽旅遊景點，仲可以從人力車嘅車夫口中得知車夫們所推薦嘅秘密景點&美食資訊等優勢。建議喺雷門、五重塔、隅田川沿岸等地以東京晴空塔®作為背景影返張打卡相啦。如果想乘坐人力車，可以事先預約或從雷門周邊嘅上車地點乘坐。
喺淺草，每間人力車公嘅路線和價格都有所不同。人氣嘅「人力車Ebisu屋（人力車のえびす屋）」和「時代屋」所提供嘅價格係10至12分鐘行程為1人4,000日圓，2人合共5,000日圓；30分鐘行程為1人9,000日圓，2人合共10,000日圓，費用根據時間和人數而定。
喺日本最古老遊樂園「淺草花屋敷」玩盡懷舊遊樂設施&鬼屋～
「淺草花屋敷」於江戶時代末期1853年開園，最初係作為牡丹和菊花園而建，係日本最古老嘅遊樂園，喺2023年會慶祝其170週年紀念。「淺草花屋敷」擁有約20個遊樂設施和遊戲，當中包括充滿懷舊氛圍嘅「過山車」等人氣機動設施外，亦有專為年幼兒童而設嘅遊樂設施，相當貼心！呢個遊樂園無論係大人定係小朋友，都可以玩得盡興。
人氣鬼屋系列「鬼屋（櫻之怨靈）」和「Ghost之館」於2023年5月結束營業，並於2023年7月推出全新鬼屋。新鬼屋或者會吸引到真正嘅「鬼」嚟參加慶祝喎！（哈哈）真係令人非常期待新鬼屋嘅到來呀！
景點資訊
- 名稱：淺草花屋敷
- 地址：東京都台東區淺草2-28-1
- 交通：
- 從筑波快線淺草站步行3分鐘
- 從東京Metro銀座線、都營淺草線、東武晴空塔線的淺草站步行5分鐘
- 網址：https://www.hanayashiki.net/
喺隅田公園盡情享受東京晴空塔®、千棵櫻花和煙火大會！
面積廣闊嘅隅田公園位於隅田川兩岸，佔地約8萬平方米，同時亦係一個可以拍攝得到美麗嘅東京晴空塔®而聞名嘅熱門景點。
隅田公園自江戶時代起，就已經係著名嘅櫻花名勝之一，公園兩岸種植約1,000棵染井吉野櫻花樹，於春季時滿開盛放。如果喺春季前往嘅話，就一定要影返張東京晴空塔®凜然聳立於櫻花群中嘅靚相喔。另外，夜晚仲會進行點燈，燈光下櫻花和東京晴空塔®的襯托下，更增添一份浪漫且夢幻氣氛呢～。
另外，夏季舉辦東京兩大盛大煙花大會之一嘅隅田川煙花大會，會有約2萬發煙花於夜空中綻放，為夜晚增添繽紛色彩。
景點資訊
- 名稱：隅田公園
- 地址：東京都墨田區向島1,2,5
- 交通：東武晴空塔線、都營淺草線、東京Metro銀座線，從淺草站步行5分鐘
- 網址：https://asakusayokocho.com/
屋形船上賞櫻及煙花！一邊感受四季風情一邊大嘆日式料理和藝妓同樂之旅～
喺淺草可以體驗得到充滿日本傳統情懷嘅屋形船。屋形船係一種設有屋頂和座敷嘅船隻。於平安時代，貴族們會喺船上吟詠和歌，演奏樂器等，享受著優雅嘅遊船活動。如今，屋形船遊覽經已成為一種季節性活動，櫻花季時會於船上賞櫻、夏天則觀賞煙花、秋天時賞月等，一邊感受四季風情嘅同時，一邊品嚐著天婦羅、刺身等和食料理以及日本酒。
營運屋形船嘅公司「船宿Ami清（船宿あみ清）」和「東京屋形船Ami便（東京屋形船あみ弁）」嘅遊覽路線，包括從淺草碼頭和吾妻橋乘船處出發，繞遊東京晴空塔®和隅田川公園附近；以及從東京灣欣賞夜景嘅路線等。另外，亦有部分屋形船會提供額外服務，如「Nawa安（なわ安）」便有提供可以邀請藝妓參與其中嘅選項服務。
東京各地去淺草的交通非常方便！
前往淺草最近嘅車站共有4個：「東京Metro銀座線」的淺草站、「都營淺草線」的淺草站、「東武晴空塔線」的淺草站、「筑波快線」嘅淺草站。各路線於東京嘅人氣旅遊景點亦設有停車站，計劃同一日順道去埋其他東京嘅觀光景點都好方便呀。
| 車站（路線） | 人氣旅遊景點停車站 |
| 東京Metro銀座線淺草站 | 上野、銀座、表參道、澀谷 等 |
| 都營淺草線淺草站 | 押上（晴空塔）、東銀座 等 |
| 東武晴空塔線 | 東京晴空塔® 等 |
| 筑波快線淺草站 | 秋葉原 等 |
Comments