如果第一次去日本旅遊，或者會想知道點樣由羽田機場到東京市區吧。其實好方便，有好多交通方式可以選擇。嚟睇睇由羽田機場到東京市區嘅交通方法，仲有機場內嘅便利設施啦。
羽田機場搭去東京車站嘅最佳方法
從羽田機場到東京市區好簡單。有相當多嘅選擇，例如單軌電車、電車、接駁車、的士等。依照飛抵機場嘅不同時間，能做嘅選擇亦會有唔同，所以建議您事先PLAN好吖!
如果想直接前往東京車站，會建議你搭東京單軌電車到浜松町站，然後轉搭山手線至東京車站；或者搭京急機場線到品川站，然後轉山手線至東京車站.
羽田機場搭去新宿站嘅最佳方法
如果想直接由羽田機場直到新宿站，最適合嘅路線係搭利木津巴士。車費約1200円，全日都有車，但係深夜嘅車費會比較貴.
另一個選擇係搭京急機場線到品川站，然後轉JR山手線到新宿站.
從羽田機場搭去東京市區：利木津巴士
有許多公司都有提供利木津巴士至東京各大主要酒店。每間公司提供嘅價格都各有唔同，但係一般嚟講，依搭車時間不同，價格約為1,000至2,000円左右.
從羽田機場搭去東京鄰近城市：高速巴士
除咗各式嘅利木津巴士，羽田高速巴士可以直達好多其他城市，例如東京、千葉、神奈川。一般嚟講，落車嘅地點都會係主要車站或轉乘中心，好似係橫濱YCAT.
如果選擇搭巴士到羽田機場，請注意確認酒店附近嘅地標，以免落錯站。如果有任何問題，服務台嘅人員會好樂意協助您.
電車服務
羽田機場車站除咗有普通電車服務，仲有單軌電車，或稱東京單軌電車，運行於羽田機場與濱松町站之間，於濱松町站銜接山手線。運行時間由清晨5點起，車費平均約為500日円.
尾班電車
東京單軌電車由羽田機場發車嘅尾班車係半夜12:05。而京急則是平日半夜12:01，週末及假日尾班車開出時間係12:02。請注意返時間事先PLAN好搭車時間啦!
的士
如果不幸錯過咗最後一班嘅電車或巴士，仲有的士！從羽田機場出發嘅的士提供統一嘅按程計費率，費用約為5,900至11,200円，依飛抵時間不同，再外加上深夜或清晨時段的部份加成收費.
免費機場Wi-Fi
免費的羽田機場Wi-Fi,於第一航廈以及第二航廈到處都可以使用.
只要搵到SSID HANEDA-FREE-WIFI，然後依照指示就可以上網啦！係站內唔同嘅地點可能訊號會有D唔穩定，建議先留係大廳區連連看.
羽田機場嘅酒店
或者您會想係羽田機場搵個地方住宿一晚，位於三樓出境大廳區，有間皇家花園飯店東京羽田，房價浮動，請先使用Wi-Fi上網確認當日房價.
若想慳番多少預算，皇家花園飯店東京羽田仲有提供內含沙發及電視、淋浴間嘅個人盥洗室。每間每小時2,000円，可在內休息，等待首班電車發車.
淋浴間
最糟嘅情況，或者需要留係大廳區等待首班車。羽田機場提供24小時嘅淋浴服務。共有15間淋浴間，每人每30分鐘使費為1,030円，費用包含毛巾、香皂、洗髮精以及潤髮乳.
無論選擇邊種方法，幾時飛抵，希望您能安全又舒適的從羽田機場到達東京市區。祝您日本旅途愉快!
景點資訊
- 名稱：羽田機場
- 地址：〒144-0041東京都大田區羽田空港
- 交通：搭乘東京單軌電車，從羽田機場至濱松町站約22分鐘 / 搭乘京急機場線，從羽田機場至品川站約25分鐘
Comments