提到日本燒牛舌燒嘅發源地，好多人應該會諗起宮城縣・仙台市吧？但係，你又知唔知其實唔使特登去到仙台，都可以喺東京品嚐到好食嘅牛舌呢？
今次我哋就為大家解剖牛舌嘅美味秘密，同時向大家推介位於東京嘅3間專門店。重點係每間都備有英文或中文菜單，非常適合遊客！
※本文中出現嘅菜單同價格（包稅）皆為2023年9月撰寫時之資訊。內容可能會有變動，詳情請到各店官方網站確認。
※若用戶經由文中連結購買或預約內文所介紹之商品，FUN! JAPAN將有機會收取部分收益。
何謂「牛舌」？營養價值及常見部位全面睇
使用牛舌製成嘅牛舌燒大約喺1948年時於日本宮城縣仙台市誕生。其後，市內牛舌專門店逐漸增多，並喺1975年創業嘅「味之牛舌喜助」推廣下，成為仙台一大名物、廣泛流傳日本全國。
由於每一頭牛身上只能取得約1至1.5公斤牛舌，因此牛舌可謂稀有部位。與牛小排或牛腩相比，牛舌脂肪含量較少、但肉汁豐富，口感紮實，且含有豐富蛋白質、脂肪、維他命B12及B2等營養成分。再者，與牛小排或牛腩等生肉相比，每100克牛舌嘅卡路里約為1/2、脂肪則約為1/3，因此可以話係相對健康嘅部位。
牛舌一般會被細分為4個部分，越靠近舌根部分越軟腍。唔同部位或肉質嘅牛舌，適合嘅烹飪方法亦各不相同。
- 舌尖（尖端）：肉質較硬，帶深厚牛肉鮮味
- 舌中（中間）：適中口感、脂肪較多
- 舌根（根部）：最為柔軟、脂肪較多
- 舌下（根部以下）：肉質相當硬、帶深厚牛肉鮮味
相對較腍嘅舌中及舌根部分常會用於燒烤等烹飪方式，而肉質較硬嘅舌尖及舌下則常用於咖哩、燉菜、尾湯等燉煮料理。舌下部分常被用作做成肉餡，用於漢堡等料理。
日本人食用牛舌時，一般會為撒上鹽巴或以鹽巴+檸檬，柚子胡椒等，或拌蔥一齊食用。只要符合生食標準，亦以作為刺身享用喔。
牛舌定食常見4寶：麥飯、山藥泥、牛尾湯及醃菜
日本牛舌定食大多數情況下都會配有：①麥飯、②山藥泥、③牛尾湯以及④醃菜。
- 麥飯：將營養價值高嘅大麥連同白米混合煮成。大麥含有豐富食物纖維及維他命B群，更有助於緩慢糖分吸收
- 山藥泥：將新鮮山藥或長藥磨成嘅泥狀物。含有豐富維他命，並含有助消化嘅酵素
- 牛尾湯：長時間燉煮牛尾製成，含有豐富膠原蛋白
- 醃菜：蔬菜淺醃製品。進食肉類料理之間換口味之用，可以保持口感清新
直到1980年代為止，牛舌都一直都被視作為與酒一齊享用嘅料理。「麥飯+山藥泥」組合之所以成為主流，其一說法為源自「牛舌 山藥泥 麥飯 Negeshi」創始人為向注重健康嘅人推廣牛舌定食發明而得來。自此，「麥山藥飯」變得深受大眾歡迎，現時已經成為男女老幼都喜愛嘅菜式。
東京3家必食推薦牛舌專門店
有唔少仙台著名嘅牛舌專門店喺東京都有開設分店。云云專門店中，以下編輯部將介紹3家交通方便、鄰近主要車站，並且提供英文或中文菜單嘅店鋪。
【涉谷、上野、池袋 等】牛舌 山藥糊 麥片飯 Negeshi：「山藥泥×麥飯」牛舌定食元祖
「牛舌 山藥糊 麥片飯 Negeshi」（以下簡稱「Negeshi」）係一間1981年於東京新宿・歌舞伎町創立嘅專門店。
作為一間牛舌為主嘅肉類定食店，Negishi亦係將由牛舌、麥飯、牛尾湯、山藥泥組合而成嘅健康套餐定位成牛舌定食標準嘅元祖。
Negeshi主要提供3種牛舌。牛舌經過調味後先會進行熟成，然後用遠紅外線一次性烤熟表面，使表面變得酥脆、鎖住內部肉多汁。
- 雪花牛舌（しろたん）：使用舌根部位，以厚切方式提供柔軟牛舌
※由Negeshi命名。每塊牛舌中只能取得約34％（約9片）之稀有部位 - Negeshi（ねぎし）：為讓女性都可以輕鬆食用，將「雪花牛舌」切成薄片
- 勁道牛舌（がんこちゃん）：充滿紅肉特色嘅清淡口味牛舌。
💡店內菜單只支援日語。用智能手機掃描菜單背面QR碼，即可顯示英文及中文（簡體字）。
Negeshi必食菜單①：牛舌3色拼盤套餐
牛舌3色拼盤套餐 / 2,800日元（部分店鋪價格可能有所不同）
包含厚切雪花牛舌、Negeshi（薄切雪花牛舌）以及勁道牛舌（紅舌）3種牛舌，一次過可以品嚐到多種口感及風味。
Negeshi必食菜單②：牛舌雙拼套餐
牛舌雙拼套餐 / 1,800日元（部分店鋪價格可能有所不同）
可以一次過比較柔軟、帶牛肉鮮味嘅Negishi（薄切雪花牛舌）以及帶嚼勁，清淡味道嘅勁道牛舌（紅舌），各有特色！
分店一例：
- 【澀谷中心街店】
澀谷區宇田川町28-1
JR・東京Metro等各線「澀谷站」徒步約2分鐘 - 【上野站前店】
台東區上野6-14-7 Delicious Plaza 2F
JR・東京Metro「上野站」徒步約1分鐘
※同一大廈地下1樓另有【上野站前B1店】 - 【池袋東口店】
豐島區東池袋1-11-1 OAK東池袋大廈B1
JR・東京Metro等各線「池袋站」徒步約3分鐘
※東京32分店･橫濱4分店･千葉1分店･埼玉1分店（截至2023年6月） - 官方網站：https://www.negishi.co.jp/
- YouTube：https://youtube.com/@negishi_official
- Instagram：https://www.instagram.com/negishi_official/
【池袋、澀谷、新宿 等】牛舌炭燒 利久：仙台創業！由職人切出完美牛舌比例
於1988年創業，「牛舌炭火燒利久」（以下簡稱「利久」）係一間以炭火燒烤與職人技術為顧客提供傳統味道見稱嘅牛舌專門店。
其頭號傳統技術為手工刀工。包括較軟腍部分嘅切片，又或確保牛舌較厚部分能夠更容易咬斷而於牛舌表面切入切口等工序，利久所提供嘅牛肉處理全部都經由職人手工處理。
第2項傳統技術則為，熟人職人將根據每一塊牛舌大小及厚度進行手動調節調味。經過冷藏熟成後，牛舌即變得更加柔軟、更能帶出其美味。最後再通過炭火烤製，品牌堅持多年嘅傳統口味即大功告成！
💡店內菜單提供英語、中文（繁體字，簡體字）服務
利久必食菜單①：牛舌定食（3片6切）
牛舌定食（3片6切）/ 2,409日元
套餐包含以炭火烤成嘅多汁牛舌，加上慢煮而成嘅牛尾湯、富含食物纖維嘅麥飯、每日小菜及和菓子。每份定食皆附有微辣醃菜。
利久必食菜單②：牛舌極定食（3片6切）
極品牛舌定食（3片6切） / 3,333日元
選用比一般貨色更厚切嘅彈牙牛舌，每一啖都散發出滿滿牛肉鮮味！
分店一例：
- 【池袋店】
豐島區西池袋1-12-1 ESOLA池袋7F
JR・東京Metro等各線「池袋站」徒步約5分鐘 - 【澀谷Hikarie店】
澀谷區澀谷2-21-1 澀谷Hikarie 6F
JR・東京Metro等各線「澀谷站」徒步約1分鐘 - 【LUMINE EST新宿店】
新宿區新宿3-38-1 LUMINE EST 7F
JR・東京Metro等各線「新宿站」徒步約1分鐘
※東京10分店･神奈川2分店・埼玉3分店・千葉2分店（截至2023年8月） - 官方網站：https://www.rikyu-gyutan.co.jp/
【東京站、池袋】味之牛舌喜助：將「仙台名物牛舌」推廣到全日本
將仙台「炭火燒牛舌」一名傳揚至日本全國嘅，就係1975年創業嘅「味之牛舌喜助」。
店內牛舌每一片都由熟練職人人手灑上赤穗燒鹽及胡椒，再經過幾日時間熟成而成。牛舌本身嘅鮮味及肉汁於強火炭火燒下得以被鎖住，咬下牛舌嘅一瞬間，肉香隨即充滿你口中！
與牛舌一同品嚐嘅麥飯採用與宮城縣出產嘅「一見鍾情（ひとめぼれ）」混合而成，確保食客可以用最傳統方法品嚐到美味牛舌。
💡店內菜單提供英文、中文（繁體字）服務
味之牛舌喜助必食菜單①：職人手工特切厚燒套餐
職人手工特切厚燒定食 / 2,512日元（2片4切）～（圖片為3片6切3,520日元）
每款牛舌均厚達1cm，外觀望上去如同牛排般極有份量！牛舌經切口後進行熟成，具有豐富口感，可謂一款充滿味之牛舌喜助特色嘅美食。
味之牛舌喜助必食菜單②：厚切煮牛舌
厚切煮牛舌 / 594日元
牛舌以特製湯底熬煮，口感軟滑得即使用筷子就可以輕輕夾斷。湯底以黑胡椒作調味，成為清爽味道中一大亮點。建議配上附送嘅芥末，隨個人喜好感受味道變化。
分店一例：
- 【東京站八重洲北口店】
千代田區丸之內1丁目9-1 東京站八重洲北口1F GRANSTA八重北
JR・東京Metro「東京站」直達 - 【LUMINE池袋店】
豐島區西池袋1-11-1 LUMINE池袋8F
JR・東京Metro等各線「池袋站」直達 - 【丸之內Parking Building店】
千代田區丸之內2-6-1 Brick Square B1F
JR・東京Metro「東京站」徒步約5分鐘
※東京3分店，神奈川2分店（截止2023年7月） - 官方網站：https://www.kisuke.co.jp/
下次東京之旅記得品嚐仙台出世嘅牛舌燒！
牛舌每個部位都有不同口感及味道，而且因店家而異，調味亦會各有不同。下次去東京旅行時，不妒嘗試比較不同部位嘅味道，或者去多幾間唔同店鋪，品嚐由師傅精心製作嘅牛舌啦！
東京美食景點＆必食系列
新宿區域
淺草區域
涉谷區域
Comments