喺沖縄縣，夏季適合進行海上活動，冬季則適合觀賞鯨魚，全年都可以好好享受旅遊樂趣。一場嚟到沖縄，梗係想入住一間能夠飽覽海景嘅住宿吧！今次小編將為大家介紹5間分佈於各區嘅特色別墅住宿，非常適合一家大細或團體旅客入住啊。♪
※本文中提及價錢為2023年8月底預訂網站上所公佈的價格。
若用戶經由文中連結購買或預約內文所介紹之商品，FUN! JAPAN將有機會收取部分收益。
去沖縄本島旅行前，先收集各地區特色和主要觀光景點資訊！
沖繩縣係日本全國47個都道府縣中，最小面積排名為第四位。去沖繩縣旅遊嘅話，推薦以那霸為中心，繼而遊覽南北狹長嘅沖繩本島，或者乘搭飛機、渡輪前往離島。
除咗那霸市內有單軌列車「Monorail」，沖繩本島大部分地區並無鐵路系統，主要交通方式係租車或搭巴士，想一個旅行去多個觀光景點嘅話可能有點難！
為咗可以有效率地享受沖繩本島旅遊，首先了解各地區嘅特色啦。
沖繩本島北部地區（古宇利島、沖繩美麗海水族館、今歸仁城跡等）
此地區有可以遊車河欣賞絕景嘅「古宇利島」，更擁有世界最大規模水族箱嘅「沖繩美麗海水族館」等多個適合不同年齡層嘅景點。另外，仲有「沖繩名護鳳梨公園」可以享受購買菠蘿甜品或相關商品等手信同被列為世界遺產嘅「今歸仁城跡」等熱門旅遊景點。
沖繩本島中部地區（萬座毛、琉球村、美濱度假村 美國村等）
此地區有以美國西岸城鎮風格的購物地區「沖繩美國村」，仲有能親身感受沖繩文化及藝能演出嘅主題公園「琉球村」等，係一個能夠感受沖繩自古以來嘅傳統文化，以及受美國文化影響嘅一面
另外，呢個地區仲有沖繩著名風景名勝，如「殘波岬」、「萬座毛」等代表著沖繩嘅絕景勝地。
沖繩本島南部地區（那霸市國際通商店街、那霸市第一牧志公設市場、首里城公園等）
國際通
©OCVB
「那霸機場」所在嘅南部地區係沖繩縣最繁華嘅地區之一，擁有著名嘅「那霸市國際通商店街（通稱：國際通）」、「首里城公園」和「那霸市第一牧志公設市場」等人氣景點。
另外，從那霸機場自駕約15分鐘即可抵達嘅絲滿市，亦係一個可以充分享受熱帶風情文化和大自然之美嘅地區。
一家大細或團體出遊沖繩本島嘅話，建議入住別墅住宿！
如果打算與家人或多人數出遊到沖繩旅行，極力推薦入住別墅等整棟獨立住宿。
最大優點係，租用一整棟住宿可以獨享無盡嘅藍天和大海美景。無需擔心會干擾到鄰居，即使小朋友喺房大玩特玩都完全無問題！當然，住宿期間亦可以獨享海景、私人泳池、按摩浴缸等設施，盡情度過優雅時光。
而且，有好多住宿都有提供家電和各種設施，可滿足長期入住嘅需求。絕對可以搵到間符合你旅遊風格嘅理想住宿啊♪
沖繩本島北部地區的別墅住宿推薦
【今歸仁村】KOURI Ocean Moon Cottage：屋頂天台飽覽古宇利大橋的小屋
連接名護市的屋我地島和今歸仁村的古宇利島嘅「古宇利大橋」全長約1,960米，跨越著翡翠綠嘅海洋。「KOURI Ocean Moon Cottage」屋頂提供天台，可以喺度飽覽大海嘅壯麗全景！
天台設有可容納4至5人嘅按摩浴缸，可以一邊欣賞眼前廣闊嘅美麗海景，一邊悠閒地浸浴。
室內裝潢以白色為基調，並以咖啡色系作為突顯色彩作點綴，呈現出精緻嘅設計氛圍。呢個住宿設施佔地80平方米，擁有4間寢室，最多可容納9人入住。
- 地址：〒905-0406 沖繩縣國頭郡今歸仁村古宇利1011-2
- 入住時間：15:00〜18:00
- 退房時間：10:00
- 價格：50,000日圓~/每晚（含稅）
- 交通：從那霸機場駕車約110分鐘
- 預訂頁面：KOURI Ocean Moon Cottage
【恩納村】Hotel Aniversario 365：擁有私人泳池的海景別墅
「Hotel Aniversario 365」坐落恩納村南西部，與讀谷村嘅村界鄰近，每日僅限1組客人入住。距離眼前嘅沙灘只需0分鐘路程！而且，距離真榮田岬亦只需約10分鐘車程，地理位置優越，係旅遊嘅最佳酒店選擇。
呢度仲有可以俯瞰大海嘅私人泳池，可以一邊吹海風、一邊喺泳池旁嘅露台大嘆BBQ（燒烤）、點燃柴火和戶外桑拿浴，度過奢華嘅度假時光。置身於「Hotel Aniversario 365」，你想即刻跳入海都跳得到！如果喺住宿期間遇到任何問題，亦可向常駐於一樓嘅屋主求助。
※BBQ和桑拿浴需要提前預約，需額外收費
- 地址：〒904-0417 沖繩縣國頭郡恩納村真榮田3378-13
- 入住時間：15:00〜20:00
- 退房時間：11:00
- 價格：48,000日圓～/每晚（含稅）
- 交通：從那霸機場駕車約70分鐘
- 預訂頁面：Hotel Aniversario 365
沖繩本島中部地區的別墅住宿推薦
【宇流麻市】宮城島高級別墅：距離沙灘只有一步之遙。帶有私人泳池的別墅
每日僅限1組嘅「宮城島高級別墅」位於宮城島，此處海灘水質非常清澈，係眾所周知嘅「秘境沙灘」。退潮時，沙灘猶如私人沙灘一樣出現喺你眼前，係一個可以輕鬆享受水上樂趣嘅絕佳地點。
別墅內設有私人泳池，可以喺泳池中眺望大海。設施完善，配有桑拿和按摩浴缸，仲可以喺露台上享受燒烤。不妨先浸浴，放鬆旅程嘅身心疲勞後，再邊賞夕陽邊BBQ，創造一個難忘嘅旅遊回憶吧？
- 地址：〒904-2422 沖繩縣宇流麻市與那城池味1-77
- 入住時間：15:00〜19:00
- 退房時間：11:00
- 價格： 70,000日圓～/每晚（含稅）
- 交通：從那霸機場駕車約80分鐘
- 預訂頁面：宮城島高級別墅
沖繩本島南部地區的別墅住宿推薦
【絲滿市】Nashiro White Cube：距離海灘僅一步之遙！距離那霸機場約30分鐘車程的別墅
呈立方體狀嘅別墅「Nashiro White Cube」以白色為基調。距離那霸機場約30分鐘車程，係一間建造於絲滿市海邊附近嘅住宿設施。距離最近嘅海灘僅需步行1分鐘、距離可享受露營和BBQ嘅天然沙灘「北名城海灘」則步行不到5分鐘，係一個可享受大海樂趣嘅完美住宿地點。
陽光灑落而入室內嘅大窗戶中，瞬間將呢個充滿混凝土元素嘅空間，轉變為一個開放且舒緩嘅氛圍。呢度有三間寢室，四組寢具，以及可伸展四肢並舒適地休息嘅榻榻米區域，不乏小朋友可以自由遊玩嘅空間呢！
- 地址：〒901-0351 沖繩縣絲滿市名城224-1
- 入住時間：15:00〜22:00
- 退房時間：10:00
- 價格：25,000日圓～/每晚（含稅）
- 交通方式：從那霸機場駕車約30分鐘
- 預訂頁面：Nashiro White Cube
【南城市】Private villa RESO南城〜GRACE：喺海景陽台享受BBQ和露天溫泉
南城市有著琉球王國文化遺產「古城及相關遺址」所構成的史蹟地之一，琉球王國聖地「齋場御嶽」等各種觀光景點。「Private villa RESO南城〜GRACE」係一棟建造於可以飽覽得到南城市海岸壯麗景色嘅私人別墅。
呢棟別墅嘅最大特點係寬敞嘅海景露台，設有用餐區、酒吧檯、可變成小型游泳池嘅露天浴池，營造出南國度假風情嘅空間。
附近海灘提供潛水和浮潛等豐富嘅潛水活動，令遊客旅程更充實。
- 地址：〒901-0351 沖繩縣絲滿市名城224-1
- 入住時間：15:00〜22:00
- 退房時間：10:00
- 價格：25,000日圓～/每晚（含稅）
- 交通：從那霸機場駕車約30分鐘
- 預訂頁面：Private villa RESO南城〜GRACE
利用「Vacation STAY」預訂全日本各地的住宿設施
Vacation STAY提供遍佈全國各地，超過10萬間客房任君選擇，係日本最大嘅住宿、民泊預訂網站。除咗沖繩嘅別墅住宿設施外，仲可以預訂能夠欣賞到富士山嘅住宿、京都古民家、京町家等獨特嘅住宿。如果你係樂天會員，仲可以獲得1％嘅樂天積分回贈，令你住得更抵，玩得更盡興！
如何玩樂在沖繩嘅完整指南！
Comments