沖繩名護鳳梨公園詳盡介紹！由巨型菠蘿芭菲到各式菠蘿產品都應有盡有！

沖繩「名護鳳梨公園」係一座以菠蘿為主題嘅公園。園內有「鳳梨號」遊園車、紀念品、美食等各式各樣與菠蘿相關嘅事物，亦有多個熱門影相打卡景點。

名護鳳梨公園簡介

菠蘿係沖繩代表水果之一。作為日本國內排名第一嘅菠蘿生產地，沖繩嘅主要生產菠蘿嘅地區位於沖繩北部，亦即係「名護鳳梨公園」名護市所在位置。座落於沖繩北部中心地區內嘅主題公園以及周邊有多個廣闊菠蘿園，遊客可以喺園內品嚐到用菠蘿製成嘅甜品，同場仲多款菠蘿周邊產品，名副其實係一個菠蘿天堂！

如果您係自駕前往「名護鳳梨公園」，咁離開停車場後就可以乘搭「鳳梨小火車」、經過一望無際嘅菠蘿田去到入口處。入場後，您可以再乘搭外型可愛嘅全自動駕駛遊園車「鳳梨號」，隨心遊覽名護鳳梨公園。園內嘅塑膠布溫室內種植咗多種鳳梨科植物，整個園區內總共約有200種，充滿濃濃南國風情！

園區提供多款菠蘿汁、意式雪糕等使用菠蘿製作而成嘅甜品，其中高達37cm嘅「巨型菠蘿芭菲」（1,400日圓、未含稅）就放有菠蘿雪糕、菠蘿雪酪、菠蘿餅乾、菠蘿果凍等材料，使用大量菠蘿製作而成嘅新地雪糕，份量紮實又賣相滿分！

另外，經典嘅「鳳梨球」（250日圓，未含稅）亦值得一試。佢係一款由生忌廉與忌廉芝士調成嘅清爽口味忌廉，泡芙內餡加入咗大量菠蘿果肉。肥肥地、圓圓地嘅外觀亦非常可愛！

園區售賣多種由「沖繩縣契作鳳梨園」新鮮菠蘿製成嘅手信，無論係園區獨家甜品、酒、果汁，抑或由菠蘿炭製成嘅化妝品等稀有商品都應有盡有。其中又以「元祖含鳳梨果肉蜂蜜蛋糕」（1,280日圓，已含稅）為一大人氣經典。，加入咗大量菠蘿果肉烘烤而成嘅蛋糕上放有嘅菠蘿乾，味道夠晒香濃！

另外，「頂級鳳梨蛋糕」（1,450日元，含稅）則係一種混入咗成熟菠蘿果汁、再配上菠蘿果肉嘅頂級蛋糕。同場亦推薦鳳梨公園獨家甜品之一嘅「鳳梨巧克力金楚糕」（6入350日圓，已含稅）—沖繩傳統點心「金楚糕 (ちんすこう)」表面塗滿白朱古力，非常適合嗜甜嘅您！

想要搵全日本只此一家嘅特色手信的話，咁呢款以沖繩產新鮮菠蘿為原料、由名護鳳梨酒廠出品嘅「鳳梨酒 Lagrima Del Sol 辣口・甜口」， 720ml（1,800日圓、已含稅）就啱晒！佢係一款充滿熱帶香味嘅酒，亦係日本全國第一款產生嘅菠蘿酒，全日本只有呢到先買得到！

以菠蘿為造型設計嘅「Papimaru君」絨毛公仔亦相當受歡迎！

「棕櫚樹餐廳」內提供各種沖繩當地美食，無論係沖繩蕎麥麵、塔可飯（1,200日圓，含稅），定係沖繩炒苦瓜（1,100日圓，已含稅）都可以一一搵到！您都快啲嚟將沖繩美食一網打盡啦！

【租車】

沖繩汽車豐見城・名嘉地交流道→往名護方向至許田交流道約57.3公里→從國道58號・縣道84號往中山方向開車→約13公里

【巴士】

那霸機場→沖繩機場接駁巴士→名護市役所前巴士站→名護市內（名護市役所前也有巴士站）→沖繩巴士/琉球巴士70號備瀨線或76號瀨底線→名櫻大學入口巴士站→步行約1分鐘