沖繩係日本著名嘅度假勝地之一，特別係沖繩本島，可以玩潛水和浮潛等多項海洋活動，仲有沖繩美麗海水族館和沖繩世界文化王國等，多個可以享情盡受大自然與歷史文化嘅景點。
本篇文章將會為你介紹沖繩本島嘅旅遊區域之外，仲會分享如何玩得更高效率兼高性價比嘅行程，等大家可以玩得更過癮。下次有機會去沖繩嘅話，不妨參考一下啦！
計劃沖繩本島旅遊時最重要係旅程中的據點！以下落嚟會按地區介紹觀光景點和住宿選擇！
計劃沖繩本島旅遊時所選擇嘅住宿地點，對成個行程都有著極大影響。那霸地區交通方便，亦有唔少觀光巴士和選擇豐富嘅旅行團選項。
相對地，北部地區因為交通不太發達，因此揸車便成為主要交通方式。如果唔想租車又想走訪多個觀光景點嘅話，可算係一件相當困難嘅事情。如果無車牌，建議入住北谷、讀谷村、恩納村等知名酒店，安排旅遊行程時可以考慮參加旅行團或利用觀光的士。
南部地區交通方便，可乘搭巴士前往那霸機場，當中，有一間於2022年新開幕全海景客房嘅度假酒店更成為人氣熱話。
沖繩縣那霸市周邊的人氣觀光景點&住宿地區推薦
擁有國際通、第一牧志公設市場、壺屋通、具象徵性之守禮門、以及現正復建中嘅首里城等多個精彩景點。另外，如果想以那霸為旅遊據點，並盡情體驗沖繩海洋魅力嘅話，小編強烈推薦你前往慶良間諸島，可以喺即日來回嘅旅程中，享受潛水和浮潛嘅樂趣！
慶良間諸島係由20多個大小不一、散佈於東海嘅島嶼所組成嘅列島。喺呢一片綠松石色珊瑚礁海域中，有著色彩繽紛嘅熱帶魚和海龜棲息。如果運氣好嘅話，仲有機會見到鯨魚或海豚喔！
如果你打算喺那霸地區住宿嘅話，推薦選擇沖繩都市單軌電車線「Yui-Rail」沿線停車站，尤其係觀光巴士起點附近嘅「旭橋站」周邊，以及餐飲店林立嘅「國際通 久茂地」附近！
那覇地區有多個住宿選擇，從價格實惠嘅床架青年旅館、商務酒店、到高級酒店等都應有盡有，可以根據個人需求喜好和理想價格去選擇心儀嘅住宿類型。從「國際通 和榮町」步行即可抵達酒店，可謂相當方便，因此可以盡情享受沖繩美食和美酒喔。
沖繩縣北部、中部的熱門旅遊景點&住宿區域推薦
講到沖繩中央部和北部嘅旅遊景點亮點，就不得不提擁有全球最大型嘅巨型水族館——沖繩美麗海水族館，可以觀賞到鯨鯊和魔鬼魚暢游。另外，仲有古宇利島、備瀨福木林道、名護市嘅名護鳳梨公園等多個打卡景點！喺度假區嘅恩納村和世界自然遺產山原地區，可以盡情享受美麗嘅珊瑚礁海洋和大自然，以及豐富嘅沖繩特色活動等緊你嚟探索！
如果你計劃住喺中部或北部地區，小編推薦你選擇能夠觀賞大海美景嘅度假酒店。另外，亦可以選擇可以與親朋好友們同度過私人好時光嘅公寓式旅館或私人別墅。
如果要住喺中部地區嘅話，沖繩美國村所在地嘅「北谷」和交通方便嘅「讀谷」亦係唔錯嘅選擇。北部地區則推薦九州沖繩高峰會上各國領袖亦造訪過嘅恩納村和名護等地區喔。
沖繩縣南部地區的人氣觀光勝地&住宿地區推薦
沖繩縣南部係一個旅遊熱點，無論係從那霸機場抑或係那霸巴士總站前往都非常方便。當地更擁有沖繩世界玉泉洞、能夠欣賞得到鍾乳洞和巨大榕樹嘅「Gangala之谷」等唔少觀光勝地。另外，沖繩縣立和平祈禱公園、擁有姬百合之塔嘅絲滿市亦係人氣景點之一。
如果喺度揀選住宿地點嘅話，建議選擇位於「絲滿」或「南城」嘅度假區。尤其係距離那霸機場只需30分鐘巴士車程，擁有漁港和「道之驛糸滿」（道の駅いとまん）等地，令你可以盡情享受海鮮和購物嘅樂趣。另外，亦有唔少可以欣賞到無敵海景嘅豪華酒店，當中不得不提於2022年7月23日開幕嘅「冲繩琉球度假飯店 名城海灘」（琉球ホテル＆リゾート名城ビーチ），有機會記得去體驗一下沖繩不一樣嘅住宿樂趣啦！
沖繩旅行可以玩得更划算、更有效率！以下係制定旅行計劃時需要注意嘅重點：
重點1. 唔熱唔凍天氣啱啱好兼性價比高！沖繩旅遊嘅推薦時期為1月至3月
要盡情享受沖繩觀光嘅話，最重要嘅係旅遊時期。
沖繩海灘會於4月開放，一般旅遊旺季係4月至5月嘅黃金週和7月至8月嘅暑假，但係呢段時期，唔單止觀光景點會人潮擠擁，連機票、住宿、租車等價格亦會急劇上升。
5月至6月係梅雨季，7至9月則係颱風季，出發前要考慮埋天氣狀況喔。
大家可以根據旅行目的而定出發時間。而潛水和浮潛全年都可以進行，包括海灘開放前嘅冬季。再者，1月至3月係相對較少人到訪嘅時期，前往人氣景點如美麗海水族館等亦比較方便，係推薦嘅旅遊季節。
另外，沖繩擁有獨特嘅季節用語，3月至黃金週前嘅4月尾期間被稱為「Urizun」（うりずん）。呢個氣溫逐漸升高，晴天比較多，因此適合旅遊。
重點2. 冬季潛水和浮潛亦相當受歡迎！來偶遇只有喺冬天海洋中才能遇見的特殊生物
沖繩氣候屬於亞熱帶氣候，全年都非常溫暖。即使最寒冷嘅1月份，2022年那霸市嘅平均氣溫亦處於17.7℃左右（資訊來源：日本氣象廳「那霸市日平均氣溫月平均值（℃）」）。海水溫度全年幾乎唔會低於20℃，此外，因為有多種只可以喺冬季先至見得到嘅生物，如海牛和海歸墨魚等，所以如果你係為潛水或浮潛而去沖繩旅行嘅話，其實比較推薦於冬季前往。加上呢個季節並非旅遊旺季，因此你可以以更划算嘅價格盡享旅遊樂趣。
重點3：近期沖繩本島的觀光巴士越來越受歡迎！沖繩旅遊的交通近況
沖繩旅遊嘅主要交通方式有租車、觀光巴士和的士。然而，受疫情影響，車輛數量減少，解禁後嘅沖繩地區經已出現嚴重租車短缺問題。如果要使用租車服務，抵達地後先至安排可能會相當困難，因此請提前預約。
如果要按照自己喜好遊覽多個名勝嘅話，観光的士亦係一個唔錯嘅選擇，但最近開始有越來越多人享受「乘搭巴士遊覽沖繩」嘅旅遊方式，從機場出發有「沖繩機場接駁巴士」(沖縄エアポートシャトル)、「Yanbaru急行巴士」(やんばる急行バス) 、「Karry觀光巴士」(カリー観光) 和「東京巴士」(東京バス) 呢四間公司嘅接駁巴士，運行到各地區。另外，如果要參加選擇性旅行團嘅話，亦推薦可以一同遊覽北部或南部著名景點嘅行程。
睇更多有關沖繩本島內移動嘅巴士資訊
- 沖繩機場接駁巴士（沖縄エアポートシャトル）
https://www.okinawa-shuttle.co.jp/en/ - Yanbaru急行巴士（やんばる急行バス）
https://yanbaru-expressbus.com/ - Karry觀光巴士（カリー観光）
https://karrykanko.com/chatan/
Comments