位於沖繩今歸仁村古宇利島上有一個絕美景點，可以將本島數一數二嘅美麗海景盡收眼簾。另外，全長約1960公尺，連接著「屋我地島」與「古宇利島」嘅「古宇利大橋」，亦係眺望島上蔚藍海洋嘅絕景道路，非常受遊客歡迎。今次FUN! JAPAN編輯部就同大家完整介紹古宇利島＆古宇利大橋魅力所在！
關於古宇利島＆古宇利大橋
直徑大約2km，環島一圈約8公里嘅「古宇利島」，揸車嘅話只需短短十分鐘，就可以圍島行一圈。面積細細嘅古宇利島，卻擁有無窮魅力，令唔少人會慕名而來。島上有沖繩古民家聚落及甘蔗田，呈現一片悠閒自在嘅田園景色。而古宇利島仲有另外一個稱號，叫「戀島」，係情侶熱門拍拖聖地。「古宇利島」北面有個心心形狀嘅「心型石」，人氣偶像團體「嵐」曾經喺度拍攝過廣告。另外，美麗海水族館亦喺古宇利島附近，可以一次過排入行程裡面去玩盡佢！
「古宇利大橋」係連接著屋我地島和古宇利島，全長約1960公尺嘅離島架橋。碧藍清澈的海上筆直延伸嘅「古宇利大橋」，簡直就係最動人嘅遊車河兜風路線！「古宇利大橋」橋下大海透明度非常高，陽光的照射之下，呈現出一片翡翠綠，耀眼動人。另外，大橋通行費用全免，令人相當開心。穿過古宇利大橋，抵達古宇利島後，島嘅左邊就係古宇利海灘，以及可以買到非常多當地特產嘅古宇利交流廣場。
景點資訊
- 名稱：古宇利大橋
- 地址：〒905-0406 沖繩縣國頭郡今歸仁村古宇利
- 交通方式：從沖繩汽車道（沖繩高速公路）許田IC至國道58號北上、從100號縣道進入屋我地島往古宇利大橋。從許田IC約26公里，開車約40分鐘。
造訪古宇利島必須資訊１：飽覽古宇利島美景私房景點「嵐山觀景台」
其實喺古宇利島附近有個私房景點「嵐山觀景台」，可以清楚飽覽到古宇利大橋和古宇利島，將美景盡收眼簾。「嵐山觀景台」面積雖然唔大，但絕對稱得上係當地人先知嘅私房景點，可以俯瞰羽地內海上嘅古宇利島、屋我地島等等優美景色！
景點資訊
- 名稱：嵐山觀景台
- 地址：〒905-1154 沖繩縣名護市吳我嵐山1460-235
- 交通方式：從那霸機場出發，走沖繩汽車道（沖繩高速公路）約2小時（那霸IC～經由許田IC）
造訪古宇利島必須資訊２：美味餐廳、時尚Café選擇多！
古宇利島雖然唔大，但島上面有唔少時尚Café同餐廳。古宇利島全新景點「古宇利海洋塔」裡面有一間「OCEAN BLUE」，可以享用到餅皮鬆軟有彈性嘅Pizza、使用古宇利島漁夫新鮮捕獲嘅島八爪魚去製作嘅意式八爪魚冷盤，另外仲有炸八爪魚，爽口彈牙！可以坐喺開放感十足嘅露台一邊享用美食，一邊眺望眼前一片美麗動人嘅翡翠綠海景和古宇利大橋，悠悠閒地享受沖繩美好時光。
除此之外，仲有提供美味海膽丼嘅「むらの茶屋（村之茶屋）」等等充滿個性嘅餐廳。另外，有機會嘅話，不妨入去位於古宇利大橋隔離嘅「古宇利島咖啡」嘆返杯咖啡喇！
景點資訊
- 名稱：古宇利海洋塔
- 地址：〒905-0406 沖繩縣國頭郡今歸仁村古宇利358
- 交通方式：走那霸機場汽車道、沖繩汽車道（豐見城、名嘉地IC～許田IC）約1小時30分～2小時
- 營業時間：9點~18點（最後入場時間： 17點30分）
- 休息：全年無休（遇颱風來襲等天候不佳嘅狀況，可能臨時停業）
景點資訊
- 名稱：古宇利島
- 地址：〒905-0406 沖繩縣國頭郡今歸仁村古宇利
- 交通方式：從那霸，走沖繩汽車道，接國道58號線，經由屋我地島過古宇利大橋。
- 預計車程時間：從那霸機場約90公里，約1小時30分鐘；從那霸市區約82公里，約1小時20分鐘。
Comments