日本係一個非常多節慶祭典嘅國家，好多神社幾乎都有屬於自己嘅祭典，全國各地不分四季都有各種大小活動舉行，每年舉辦約30萬個祭典。春天祭典祈求豐收、夏天祈求無蟲害、秋天感謝農作物收成、冬天就期待春天來臨。當中，夏季嘅祭典同煙花大會可以講係最能代表日本夏日嘅「風物詩」（即係能象徵某季節嘅事物），大多數會喺7月上旬至8月下旬之間舉行，每個祭典都各有特色，如果想體驗日本文化，參加祭典可能係最快嘅方法呢！
日本代表性的夏日祭典
講起日本傳統文化，最廣為人知嘅就係夏日祭典、神社、浴衣、街邊日式攤檔，同煙花大會。7月〜8月之間喺日本各地舉辦嘅活動被稱為「夏之祭典」。唔只外國人覺得新鮮有趣，就連日本人都滿心期待。如果想參加日本祭典，但唔知從何入手，咁你可以睇吓下列著名祭典，睇吓對邊個有興趣？！
日本三大祭典
全日本大大小小嘅祭典之中，有三個被認為係最具有代表性嘅，分別係東京「神田祭」、京都「祇園祭 」同大阪「天神祭 」，合稱為「日本三大祭」。其中京都嘅「祇園祭 」同大阪嘅「天神祭 」都係喺夏季登場。
東北三大祭典/六大祭典
東北三大祭以「青森睡魔祭（青森ねぶた祭）」、「秋田竿燈祭（秋田竿燈まつり）」、同「仙台七夕祭（仙台七夕まつり）」組成，後來再加入「山形花笠祭（山形花笠まつり）」、「盛岡三颯舞祭（盛岡さんさ踊り）」同「福島草鞋祭（福島わらじまつり）」成為六大祭，係8月初去東北旅行必去嘅祭典活動！
- 青森睡魔祭(8月2日~7日)
- 仙台七夕祭(8月6日～8日)
- 秋田竿燈祭(8月3日~6日)
- 山形花笠祭(8月5日~7日)
- 盛岡三颯舞祭(8月1日~4日)
- 福島草鞋祭(8月上旬)
江戶三大祭典
所謂嘅江戶三大祭，指嘅係喺江戶地區（現時嘅東京）享富盛名、最具代表性嘅三個祭典，包含神田明神神社嘅「神田祭」、赤坂日枝神社嘅「山王祭」同深川八幡宮嘅「深川八幡祭」。
- 神田祭（同日本三大祭典）
- 東京富岡八幡宮 - 深川祭(8月15日)
- 東京日枝神社 - 山王祭(6月中旬)
其他仲有具有歷史性同代表性嘅祭典，例如北海道嘅「姥神大神宮渡御祭」、群馬縣嘅「桐生八木節祭」、德島縣嘅「阿波舞祭」等。參加祭典之餘，不妨喺當地附近行吓，相信一定能令你嘅旅程更有深度喔！
日本祭典的屋台（街邊攤檔）都絕對不能錯過！
喺日本祭典不可或缺嘅就有「屋台」街邊攤檔！日本祭典總有各式各樣嘅街邊攤檔賣好多特色小食，當然唔少得招牌美食，例如章魚燒、香蕉朱古力、日式炒麵等等。喺日本，祭典通常一年一次，一次為期2～3日，屋台亦隨著祭典日期擺檔，唔係日日都可以見到㗎！所以，如果有機會，推薦你一定要去日本祭典嘅屋台走返轉！
日本祭典嘅攤檔，都是採用於方便移動嘅擺設，多用布條或旗當作招牌，五顏六色嘅布條，充滿夏日祭典嘅感覺。食吓小食、玩吓小遊戲，例如有撈金魚、射擊遊戲、撈超級彈力球等等，感受一下日式祭典嘅氣氛啦！
順帶一提，喺香港「掃街」可以邊行邊食，但喺日本嘅話有啲地方會禁止大家一路行一路食㗎！無論係咪喺祭典，日本人都習慣企定一個位，食完先繼續行。所以大家去日本旅行的話，要切記先注意一下當地有無規定可唔可以邊行邊食呀。
著浴衣行祭典 體驗道地日本文化
日本祭典或煙花大會上，時常可以睇到好多女仔著各種可愛圖案嘅浴衣，相較於和服繁瑣嘅穿著流程同配件，浴衣嘅穿法可以講係輕鬆簡單得多。日本每年喺5、6月就會開始進入浴衣商戰期間，店家都搶喺夏天前販售浴衣，和服租借都會大約喺呢個時期開始轉攻浴衣。喺各大觀光景點都有和服租借店，換裝後就可能直接喺當地閒逛影相。難得去到日本，不妨體驗一下著浴衣行祭典，體驗一下道地嘅日本文化啦！
Comments