山形縣唔似一般旅遊目的地咁有主打嘅景點，反而係美景、古寺、美食同地道溫泉集於一身。對於來自大都會嘅遊客嚟講，山形嘅自然謐靜就好似入夜後萬籟寂靜，有著獨享個人世界嘅愜意。
有關山形縣嘅小資料
山形縣位於日本東北地區嘅日本海一側。分為置賜、村山、最上、庄内四個區域。山形縣係著名嘅溫泉鄉，縣內有229個溫泉地。其中，以銀山溫泉、藏王溫泉同天童溫泉最具代表性。
另外。因為英文喺山形縣較唔普及，同其他觀光景點相比人氣較低。所以如果去山形玩時想暢通無阻，同個識日文嘅朋友同行或者帶本旅行會話書可能比較方便。
山形縣推薦必去景點
銀山溫泉
美麗嘅銀山溫泉位於山形縣深山地區中，係一個歷史悠久嘅溫泉鄉。除咗較具現代風格嘅藤屋旅館外，呢度其他旅館都帶著濃厚懷舊風味嘅3或4層木造建築。因為呢度街道狹窄，所以只能夠步行到溫泉鄉嘅中心地帶。入夜之後，一股神秘嘅氛圍會籠罩整個小鎮，僅能靠煤氣街燈同旅館窗戶所透出嘅燈光照亮街道。就算你唔唔打算入住呢度嘅溫泉旅館，都有兩處公共溫泉浴池可以浸個靚溫泉，入場費用約為500円左右。另外仲有好多溫泉旅館都將自家溫泉浴池供外來遊客付費使用。
出羽三山
出羽三山係山形縣三座神山嘅總稱。每座山嘅山頂都有神社守護著。三座山分別係羽黑山、月山同湯殿山，亦分別代表著出生、死亡同重生。喺冬天，月山同湯殿山會封山，不對外開放。
山寺
山寺創建於西元860年，且位於山形市東北部嘅山區。從山寺車站至登山起點只需五分鐘。呢度有各式各樣嘅店鋪、餐廳，仲有遊客服務中心。另一個令山寺聲名大噪嘅原因，就係因為日本著名詩人——松尾芭蕉曾經造訪呢度，期間仲創作咗一首描述當地嘅詩添。
藏王山
座落於山形縣同宮城縣邊界嘅藏王連峰，喺夏季時會有好多遊客會跟住行山路線去觀賞名為御釜嘅火山口湖。而喺冬季，鄰近嘅藏王溫泉鄉就會搖身一變成為冬季滑雪勝地。
藏王溫泉位於藏王山上標高880米處。以PH酸鹼值接近1嘅酸性硫黃泉質而聞名。但比較可惜嘅係當地最出名嘅戶外溫泉僅於溫暖嘅季節開放，所以喺冬季享受。不過無論室內外，喺冬天浸溫泉都係一大享受嚟嘅。
特產及美食
車厘子、西洋梨等水果
山形縣係著名嘅水果產地，有「水果王國」之稱，山形縣嘅車厘子（櫻桃）、西洋梨（啤梨）產量係日本第一。縣內仲有好多可以體驗摘水果嘅地方添，有機會不妨摘吓日本水果，試吓有幾鮮甜美味啦。
參加山形縣內舉辦的祭典
煮芋頭大會
當進入秋天，山形縣人會喺乾燥嘅河床附近舉行「芋煮會」，就即係煮芋頭大會。山形市會喺9月第3個禮拜日，準備千碗燉芋頭料理俾參加嘅民眾。大會所提供嘅燉芋頭料理係將里芋（日本小芋頭）、牛肉片同蔬菜放入鍋燉煮。唔止咁簡單，山形市舉辦嘅「日本第一大芋煮會」，係用直徑有成6.5米嘅巨鍋嚟煮芋頭添！
山形花笠祭
花笠祭唔只係山形縣內，同時亦係全日本中相當壯觀嘅祭典之一。祭典最大嘅特徵就係有超過萬名表演者舞弄著花笠。花笠祭始於1964年，每年都會有百萬遊客湧來觀賞。祭典通常喺8月5至7號舉行，所有巡遊期間，可以欣賞超過一百種以上嘅舞蹈。
整個巡遊路線會從距離JR山形車站約10分鐘步行路程嘅十日町開始出發，終點係文翔館。
山形國際紀錄片影展
亞洲第一個紀錄片影展就係喺山形市。呢個兩年一度嘅影展會會喺十月開展，整個展期維持一個禮拜。喺2019年，佢嘅展期係10月10至17號。屆時，各獨立製片商將會一齊共襄盛舉，對亞洲同西方嘅藝術家嚟講係一個可以聚首一堂，互相交流彼此作品嘅大好機會。
從東京去山形嘅交通方式
從東京去山形，可以乘搭新幹線或內陸機。從東京站搭新幹線到山形站需時3個鐘。搭飛機的話，可以選擇飛到山形機場或庄内機場。想去山形市區、米澤、天童同藏王的話，山形機場比較方便；想去鶴岡同酒田的話，庄内機場就比較方便。
Comments