東京最大嘅祭典之一「神田祭」

於單數年舉行嘅神田祭，係東京最大嘅祭典之一，會有超過200座神輿(mikoshi), 絡繹不絕地喺東京街道上遊行。如此盛大嘅祭典，絕對唔可以錯過！

神田祭，東京的一個傳統祭典

神田祭喺東京地區有400百幾年歷史, 與山王祭、深川祭並稱江戶三大祭。單數年嘅5月中旬於神田明神舉行，係一個祈求好運、財富同健康嘅祭典。

祭典主要喺星期六及星期日舉辦，但喺之前會有一啲小型活動。從星期六早晨開始，裝飾華麗嘅神輿會沿街遊行，神輿分別代表大黑天神、惠比壽神同平將門呢三位神明。

而呢啲神輿穿梭喺東京街道上，經過秋葉原、日本橋，甚至皇居。當中有好多音樂家、舞蹈家，甚至騎馬武士都會出現。

星期日，每一個當地市民都會拿出自己供奉嘅神輿放置喺街道上，最後晚上將佢拿到去神田明神。俾你可以行喺街上睇到所有日本當地人都一齊慶祝嘅祭典，一定係一個令你驚嘆嘅體驗！

你又知唔知呢? 神田祭可以追溯至17世紀、1600年代早期，徳川家康於關原之戰取得勝利嘅時代。之後歷經江戶時代，最後演變成現今嘅神田祭。

神田祭也同其他祭典輪流舉行，例如神田祭每單數年舉行，而山王祭於偶數年舉行。

喺祭典期間，超過200架神輿會被抬到街上，巡迴於神田及東京其他地區。

此外，動漫喺神田明神都非常受歡迎，特別係動漫「LoveLive!」中嘅角色「東條希」就係神田明神嘅神社巫女。甚至可以喺呢度搵到繪馬同其他LoveLive!嘅相關商品！

前往神田祭舉辦地點嘅神田明神，交通非常方便。只要乘搭地下鐵銀座線到末廣町站步行5分鐘，或乘搭JR中央本線、中央總武線到御茶之水站落車步行5分鐘，或JR山手線到秋葉原落車步行7分鐘即可到達。

如果想一睹神田祭嘅風采，2019年5月中旬就可以睇到。就正如前文所述，每單數年先至會舉行，所以機會難得！想去體驗神田祭嘅話，就要提早計劃5月15日去日本嘅旅程啦！

神田祭一般會喺星期六及星期日舉行一整日嘅祭典，到時就可以睇到神輿喺東京街道上遊行。除此之外，祭典期間仲有好多其他活動，一定會令你收穫滿滿。