相信大家每次去日本旅行嘅時候，都總係能夠發現一兩種特別事物、或者異於您出身國家嘅文化。而其中一件最令人驚訝嘅事情，當然就莫過於日本嘅廁所吧？日本大多數廁所都已採用電器化設計，並且包含各式各樣功能－有部分坐廁旁邊仲會附帶好多掣，數量甚至多到您都搞唔清楚，到底應該㩒邊個掣嚟沖廁𠻹！透過呢篇文章，我哋將會為您一一介紹呢啲掣嘅功能，當您學識點樣使用之後，就會了解日本嘅溫水洗淨馬桶到底有幾方便喇！
「大」「小」分別代表？
上圖為一般日本常見嘅家用馬桶款式。就如您所見，牆上設有控制盤以便遙控坐廁嘅功能，而沖水掣就喺馬桶後面，喺沖廁杆到，有時會寫住「大」、「小」，如果您將佢向上拉（「大」方向），馬桶就會排出較多水量；相反，如果您將沖水掣往下拉（「小」方向），出水量則會比較少。有時候，沖水掣亦會被設於控制盤上，以「大」「小」兩種形式表示。「大」代表沖水量比較多；而「小」則相反。當您沖完廁所之後，後方集水箱就會重新儲水，同時您就可以用呢啲清水嚟洗手，以便節省水資源。
第一步：了解「女用洗淨」與「一般洗淨」嘅分別
上圖喺溫水洗淨馬桶嘅控制板面嘅例子。如果您用嘅係比較新款嘅型號，咁您就可能會發現佢嘅功能同掣都好常多。通常都會有幾個基本功能，例如「ビデ（女用洗淨）」－女性小便過後，可以利用呢個功能清潔私處；若重複撳多次，就可以調整成「廣域模式」或「強力模式」。另外，「おしり（一般洗淨）」則係當用家上完大號之後會用到嘅清潔功能，您一樣可以重複按掣，將功能調整為廣域模式。而洗乾淨後就可以按「止」嚟停止噴水。
然後依照個人喜好調整水壓大細
喺圖中右方，您可以見到寫著「洗浄強さ」（洗淨強弱）嘅圓形轉盤。無論當您使用嘅係「女性清潔」或「一般清潔」，都可以轉動呢個掣嚟調節適合自己嘅水壓強度。
調整屬於您嘅最佳洗淨位置
您可以喺第二排按鈕中搵到一個方形按鈕寫住「入／切」。呢個掣其實就係成個洗淨馬桶嘅電源開關；而佢左邊寫著嘅「洗淨位置」則表示您可以透過呢前後按鈕，調整出最適合嘅洗淨噴水角度。
甚至仲附加按摩功能
左邊寫著「マッサージ」嘅按鈕，指嘅就係「按摩」功能。當您㩒實呢粒掣後，馬桶就會自動調整出不同強弱嘅噴水量、或者前後移動，感覺就似為您按摩一樣。
如果㩒最左邊嘅「ターボ消臭」，馬桶就會開啟換氣消臭功能。
調節＆維持溫度
您可以使第三排最右邊嘅「便座溫度」以調節座椅溫度。當冬天凍冰冰嘅時候，溫暖嘅馬桶可謂如廁時嘅小確幸！而喺佢左邊嘅「溫水溫度」，則容許您調節水溫，您可以先透過液晶顯示盤以確認目前水溫。而最左邊嘅「節電」則係指慳電模式、「ノズルそうじ」（出水孔清潔）就主要用於清洗馬桶噴水位置。
公共廁所
大多數觀光客都會對日本公共廁所貼心嘅服務感到非常雀躍。為咗應付國外旅客，大多數日本公共廁所嘅洗淨馬桶上面，都會附上多國語言。
日本廁所文化可謂反映出日本人致力於發展日常生活應用科技嘅最佳例證之一。若您有機會嚟到日本旅行，就請一定要用吓偉大嘅溫水洗淨馬桶，相信佢會改變您嘅人生！
Comments