每次去京都旅行，爆買抹茶零食做手信是常識吧？小編已為大家嚴選出好幾款去京都旅行必買嘅抹茶手信，而且喺京都車站大樓內即可入手，除咗有賣相吸睛又好食嘅商品，仲有方便派畀家人、朋友、同事們嘅獨立包裝商品以及京都限定商品！曲奇、麻糬、朱古力…清單裡面梗有一款啱您心水，即刻bookmark定呢張必買清單，為下個京都之旅做好準備啦～
①Matcha Cream Biscuit＜天峰＞
首先登場嘅係1969年始創於兵庫縣高級住宅地區・蘆屋嘅西式糕點品牌「HENRI・CHARPENTIER」所推出嘅京都伊勢丹限定發售抹茶忌廉夾心餅—「Matcha Cream Biscuit＜天峰＞」。
由擁有最高階級嘅茶師，以「食得嘅抹茶」為理念製作出名為「天峰」嘅宇治抹茶，將其茶葉進行石磨後用以製作成「Matcha Cream Biscuit＜天峰＞」。抹茶好容易會因焗烤或與其他素材混合影響而令風味受損，但使用天峰茶葉製作嘅「Matcha Cream Biscuit＜天峰＞」，唔單止充分保留著抹茶嘅濃郁風味，就連夾心餅中間嘅忌廉部分，都可以感受得抹茶本來嘅濃郁芳香。
HENRI・CHARPENTIER Matcha Cream Biscuit＜天峰＞
- 6塊裝972日圓、9塊裝1,458日圓、15塊裝2,484日圓
②伊藤久右衛門 Uji Matcha Gateau Au Chocolat Uji no Komichi
「Uji Matcha Gateau Au Chocolat」係由創立於1832年嘅著名日本京都宇治茶專門店「伊藤久右衛門」所出品嘅抹茶朱古力蛋糕。蛋糕表面用先淋上大量白朱古力，然後於蛋糕表面細㝫注入抹茶朱古力，令蛋糕食落口感濕潤濃郁，而且可常溫亦可雪凍後享用。常溫食落口感濕潤柔和，朱古力與抹茶味濃郁；雪凍之後咬落口感多一點酥脆，洋溢著一股清爽抹茶香味，誠意推薦大家要試勻兩種食法喔。
包裝以擁有茶田與京都・宇治一望無際綠色美景嘅散步路線為設計理念。京都車站發售地點以單個包裝發售，想小嚐滋味或大量爆買都得！
伊藤久右衛門 Uji Matcha Gateau Au Chocolat Uji no Komichi
- 單個裝230日圓、5個裝1,080日圓
③宇治抹茶士多啤梨松露朱古力 茶莓San
宇治抹茶士多啤梨松露朱古力與「Uji no Komichi」一樣同屬伊藤久右衛門嘅商品。士多啤梨包裹喺朱古力裡面，賣相相當可愛吸睛；外盒則以日本傳統包裝「風呂敷」（日本傳統上用來以搬運或收納物品嘅包袱布）為設計理念，散發著濃濃日本風情，用嚟做手信就最適合不過。
抹茶嘅微苦與士多啤梨嘅清爽酸味勁夾！您亦可灑上隨盒附送嘅抹茶粉享用，味道瞬間變得更豐富更有層次感。重點係堅持使用100%日本產白朱古力，可謂相當講究。
宇治抹茶士多啤梨松露朱古力 茶莓San
- 70g 990日圓
④雙色Financier Kyo FRANCE
交織著抹茶及牛油兩種香氣嘅「雙色Financier」將為您帶來不一樣滋味享受。Financier又稱為費南雪或金磚蛋糕，係一款法式蛋糕，事實上京都與法國巴黎締結成為姐妹（友好）城市超過60年，而呢款「雙色Financier」正正就係為咗紀念「京都・巴黎友情盟約（姐妹都市）締結60周年」而誕生。
咬落帶點濕潤嘅口感，濃郁嘅抹茶與牛油香味從口中化開嘅滋味令人難忘。雙色Financier使用京都產宇治抹茶與法國產發酵牛油製作，此舉為兩國友好關係更添一層意義色彩！
雙色Financier Kyo FRANCE
- 4個裝530日圓、5個裝735日圓、8個裝1,080日圓、12個裝1,620日圓、16個裝2,160日圓
⑤蕨餅串
使用從蕨菜根提煉而成嘅純正本蕨粉製作嘅蕨餅，係一款從1,000多年前開始經已備受日本天皇喜愛嘅傳統日式點心。今次要介紹嘅係京都和菓子名店「京西陣 菓匠 宗禪」所推出嘅「蕨餅串」，顧名思義係將蕨餅串埋一齊，好似日式糰子咁款，可以話係顛覆蕨餅嘅傳統印象，新鮮感十足。包裝夠亦充滿優雅時尚感，難怪呢款「蕨餅串」備受廣大群眾關注。
除咗抹茶口味之外，仲有柚子、櫻花、焙茶、黃豆粉、黑芝麻、朱古力共7種口味。一般蕨餅喺常溫保存嘅情況下保質期非常短，但係呢款蕨餅串最長可以放成90日左右，就算旅行時間比較長，都可以安心購買唔怕過保質期喔。據聞單係京都車站內嘅銷量就高達1日1,000串，絕對係不可錯過嘅暢銷人氣商品！
蕨餅串
- 單串裝297日圓、2串裝594日圓、3串裝891日圓 等多種包裝組合
⑥祇園辻利 Soft Cookie（抹茶）
講起京都老字號茶舖「祇園辻利」，相信大家都會諗起由「祇園辻利」經營嘅人氣抹茶芭菲名店「茶寮都路里」。不過今次小編要介紹呢款由抹茶甜品始祖「祇園辻利」出品，使用大量抹茶製作而成嘅Soft Cookie，唔單止咬落柔軟濕潤，抹茶香更逐漸於口中擴散，令人回味無窮。Soft Cookie柔軟濕潤嘅口感亦係其特徵之一。
製作Soft Cookie時，於麵糰中加揉入白豆沙餡，打造出自然嘅甜味柔軟嘅口感，再配上朱古力碎更添酥脆，好味到可以瞬間秒殺！獨立包裝亦方便派發，買嚟當手信就啱晒啦。
祇園辻利 Soft Cookie（抹茶）
- 1塊裝 291日圓
※文中所有商品價格均為含稅價
Comments