喺日本，「黃金週」即係指每年4月底至5月初嘅「大型連休（長假期）」。多個公眾假期集中於4月29日至5月5日期間，因每年情況而異，甚至更會出現最長10日連假！黃金週期間，日本全國會舉行大大小小活動、祭典，唔少日本人都會趁機返鄉下，或到國內國外旅行，因此機場、主要車站或觀光勝地等地，往往都會擠滿人潮！如果各位預計將來會趁日本黃金週期間到日本旅遊，建議做好行程及時間預算，為有機會出現嘅人潮做好準備。
順帶一提，黃金週於日本一般都會被縮寫成「GW（Golden Week）」，而秋季則有以「敬老之日」、「秋分之日」等假期組成嘅另一大型連休「白銀週（Silver Week）」。
「黃金週」竟源自一套爆紅電影！？
隨著昭和23年（1948年）日本政府制訂「國民祝日相關法律」（俗稱「祝日法」），「昭和之日（當時名為『天皇誕生日』）、「憲法紀念日」、「綠之日」、「兒童之日」多個公眾假期自此就被編為集中於4月底至5月頭嘅一星期內。
現時「黃金週」一詞深入日本民心，但呢個詞語嘅由來則眾說紛紜。其中最有力嘅說法，係「黃金週」一詞源自電影界自行創作嘅詞語。話說某部於1951年黃金週上映嘅電影，竟然能夠錄得不比當時新年或盂蘭盆節2個大型假期遜色嘅票房收入，自此上映期間就被稱為「黃金週」。
除此之外，國內亦流傳著「黃金週」一詞源自電台節目嘅說法。有人相信由於電台節目於連休期間內錄得良好收聽率，因此就將「Golden Week」取自「Golden Time（黃金時段）」。不過，以上說法皆屬傳聞，「黃金週」明確由來至今仍然無法查證。
「黃金週」最大可以連續放幾多日假？
由於同時有4個公眾假期集中於黃金週內，若加上前後嘅星期六・星期日或「振替休日（即『補假』，當公眾假期踏正星期日時，下一個平日就會作為公眾假期補上）」 ，即可組成3連休～5連休。上班一族若好利利用有薪假期，就更可以自行創出7連休，甚至係更長嘅「悠長假期」！
提到日本史上最長嘅「黃金週」，就必定非2019年莫屬。隨著皇位繼承（明仁天皇退位・德仁天皇即位），2019年日本黃金週破天荒地由4月27日一直延伸至5月6日，成為史上首個10連休。接落嚟，編輯部就會為大家簡單介紹各個公眾假期～
昭和之日（4月29日）
正如名稱所示，作為深入國民民心嘅「昭和之日」當中嘅「昭和」（年號之一）即昭和天皇誕生日，前身為「天皇誕生日」。1988年前昭和天皇駕崩後，4月29日被命名為「綠之日」，其後於2005年起再被改為「昭和之日」。
延伸閱讀：
憲法記念日（5月3日）
日本政府於1948年頒布《國定假日法》，將憲法紀念日制定為每年5月3日，當中包含「紀念日本國憲法施行、期待國家成長的一天」之意，簡單嚟講即係「日本國憲法施行嘅日子」。
喺日本，憲法紀念日並無特別活動又或特別傳統風俗，不過日本全國各地都會舉辦有關憲法嘅研討會或演講等活動。除此之外，包含5月3日憲法紀念日在內嘅一星期（5月1日至5月7日），亦會被制訂為「憲法週」。
延伸閱讀：
- 【日本文化】日本公眾假期系列：期待國家成長的一天—5月3日「憲法紀念日」
※本篇文章將於日後公開，敬請期待！
綠之日（5月4日）
「綠之日」係珍惜大自然同埋綠化嘅日子，名稱源自昭和天皇於在位期間，曾多次出席全國各地嘅植樹祭典，對於綠化事業表示深切關心，強調現今各種環境問題嘅重要性，因此後人就將昭和天皇誕生日定為「綠之日」。
2007年開始實施嘅「綠之日」，取其「綠」之意，亦可解作「植物園之日」。目的為求提高大家對植物、森林嘅關心，日本全國各地好多植物園同埋花園庭園，會係呢間開放免費入場。另外，國營公園等設施，則舉辦分發樹苗等活動。
延伸閱讀：
兒童之日（5月5日）
每逢日本兒童節，您都會有機會見到多項傳統慶典行事以及裝飾品。最為大眾熟悉嘅，就必定係鯉魚旗（繪有鯉魚圖案之圓筒狀旗幟）！喺五月五日呢日，家家戶戶往往都會喺門外設置旗杆，將鯉魚旗高高掛於半空中。當風吹過時，鯉魚狀旗幟就會隨風飄揚，遠望就似鯉魚於半空中游水。人民相信鯉魚旗會帶嚟好運並且保佑小朋友平安健康長大，鯉魚逆流而上、躍上溪流嘅習性亦為旗幟附上能量與活力嘅象徵𠻹。
延伸閱讀：
Comments