日本每年5月黃金週內，都有一個被命為「憲法紀念日」嘅國公眾假期。只不過，與「兒童之日」、「昭和之日」等黃金週其他假日相比，憲法紀念日嘅存在感某程度上難免顯得較為薄弱。實際上，世界各國都有制定有關憲法嘅紀念日，例如台灣過去就曾經將行憲紀念日制定為公眾假期，由此可見憲法對一個國家嚟講可謂相當重要！而呢篇文章，就要簡單嚟同大家解說日本嘅憲法紀念日。
日本嘅憲法紀念日係幾時？
日本政府於1948年頒布《國定假日法》，將憲法紀念日制定為每年5月3日，當中包含「紀念日本國憲法施行、期待國家成長的一天」之意，簡單嚟講即係「日本國憲法施行嘅日子」。
然而，世界各國都並非如同日本般將憲法紀念日定於施行日，而係大部份都選用憲法公佈日子作為紀念日。其實，1946年11月3日日本憲法公佈日同時亦係明治天皇生日，但係由於遭受向來希望削弱天皇與國民之間關係嘅GHQ（第二次世界大戰後，佔領日本聯合國軍設置嘅總司令部）反對，因此紀念日最終就被改為施行日嘅5月3日。
於憲法紀念日舉行嘅活動
喺日本，憲法紀念日並無特別活動又或特別傳統風俗，不過日本全國各地都會舉辦有關憲法嘅研討會或演講等活動。除此之外，包含5月3日憲法紀念日在內嘅一星期（5月1日至5月7日），亦會被制訂為「憲法週」。
憲法週期間，法務部、最高監察署、法院、律師等各部門會聯手協助，透過舉行參觀法院導覽團、免費法律諮商等，努力讓國民理解憲法精神及司法作用。
「憲法紀念日」對外國遊客及在日外國人而言，可能只會屬於黃金週內嘅一個普通假期，不經不覺就會默默結束！不過，如果您有今後趁住黃金週去日本旅遊嘅打算，除咗要留意避開黃金週人潮之外，亦可以喺閱讀本文後，不妨可以試吓將日本憲法定義同自己國家做個比較，思考一下平時無乜機會留意嘅憲法吖！
Comments