上野位於東京都台東區，有著阿美橫丁、美術館和動物園等眾多觀光景點。當中，JR上野站西側唔單止大自然豐富，更有美術館、博物館和動物園等眾多文化景點。南側則有充滿活力嘅商店街——阿美橫丁，可以喺度盡情享受購物樂趣。另外，亦設有多個大型商業設施和美食景點。本篇文章會為大家介紹，從小朋友到大人都可以盡情享受嘅上野旅遊方式！
上野恩賜公園精彩位滿載！盡情享受大自然、博物館和美術館吧～
從提供JR和私鐵各電車路線嘅上野站步行約1至2分鐘即可到達上野恩賜公園，交通極為方便。公園於明治6年（1873年）開園，面積約53公頃，佔地廣闊。公園稱為「上野的森林」，擁有大自然嘅四季美景之餘，亦有多個文化景點分佈其中。而且上野恩賜公園更被選為「日本櫻花名勝100選」，喺三月中旬至四月上旬櫻花盛開時，遊客們會攜帶野餐墊等前來賞櫻，以及參加「上野櫻花祭」等活動，非常熱鬧。
上野恩賜公園內有多個歷史悠久嘅建築物和美術館。以下落嚟，小編將為你介紹部分精選景點。
- 不忍池：一個被劃分為三個區域嘅天然池塘。可以欣賞夏天盛開嘅蓮花、享受池中划船、以及影返張以東京晴空塔®為背景嘅靚相。
- 恩賜上野動物園：恩賜上野動物園係一個展示如狐獴等小型動物，還有如大象和長頸鹿等大型動物、日本特有動物等嘅動物園。仲可以見到熊貓、㺢㹢狓、侏儒河馬等被稱為世界三大珍獸等稀有動物。
- 東京國立博物館：日本最古老嘅博物館。由於展示嘅收藏品眾多，一日好難睇得晒，建議選擇其中一個主題進行參觀。
- 國立科學博物館：日本唯一一間關於自然史和科學技術史嘅綜合科學博物館。於館內可以了解有關喺日本獨特嘅環境中，生物嘅演化歷程，以及地球並包括宇宙在內嘅生命歷史。
- 國立西洋美術館：由現代主義建築大師Le Corbusier設計嘅本館便極具藝術價值。可以喺館內欣賞到由戰後法國政府所捐贈返還嘅西洋美術作品等。
- 下町風俗資料館：真實重現日本古時的商家和「長屋」等場景，能夠體驗得到大正、昭和時代其懷舊下町文化嘅資料館。
※從2023年4月到2024年度末（具體時間未定）因進行翻新而暫時閉館
喺上野阿美橫丁盡情購物&享受美食吧！
第二次世界大戰結束後，進入了物資短缺嘅時代。當時，作為黑市而誕生嘅阿美橫丁，係少數保存著當時黑市風貌嘅商店街。從JR御徒町站到JR上野站約500米嘅範圍內，有400幾間商店，出售各種生鮮食品、服飾、珠寶飾品、雜貨、化妝品等各種類型商品。
即使係以優惠價格銷售嘅商品，亦可以嘗試跟店家進行講價，根據情況或能以更低價格購買或獲得贈品，亦係呢條商店街其中一種享受方式。另外，眾多專門店當中，亦有如「DONKI（唐吉訶德）」一樣，販賣著涵蓋各種類型商品嘅店鋪，可以一次過購買得到多種商品。
- 食品：提供各式各樣嘅食品，包括新鮮海鮮、蔬菜、糖果零食和咖啡豆等多種商品。特別推薦嘅係可以用超抵價買到多款糖果零食嘅店舖「二木菓子」。
- 飲食店：有多間站立式居酒屋、日式烤內臟和文字燒等餐廳。當中推薦嘅係以低價便可小酌一杯嘅「Ikkenme Sakaba」（一軒め酒場）。另外，以築地直送嘅海鮮作為食材，製作出放上滿滿海鮮食材嘅人氣丼飯「Minato食品（みなとや食品）」亦非常受歡迎。
- 化妝品・藥品：以優惠價格販售身體護理、化妝品、品牌化妝品和進口化妝品等店舖之中，特別推薦商品種類豐富並擁有3間分店嘅「Shirukurodo化妝品（シルクロード化粧品）」、以及除咗販售化妝品之外，仲可以購買得到藥品嘅「Kokumin Drug（コクミンドラッグ）」。
- 服飾、雜貨：T恤、外套、牛仔褲等休閒服飾、軍人風格物品、鞋、皮外套等，皆以低價販售。另外，擺滿了美國時尚雜貨和復古風格嘅室內裝飾品店舖林立，可以喺度搵到實惠又可愛嘅好物。
上野多個大型且多元化的購物中心，提供豐富商品選擇
上野車站周邊設有多個購物中心。每個購物中心都有著不同年齡層和類別嘅目標客群，絕對可以喺度搵到個啱自己嘅購物中心盡情購物。不妨出發去上野嚟一個購物中心巡遊之旅吧。
- 多慶屋：提供食品、化妝品、藥品、手錶、酒類、品牌手袋等各種商品嘅大型折扣商店。根據不同類別分成三棟建築，擁有豐富嘅商品選擇，讓你像尋寶一樣享受購物樂趣。
- Atre Ueno：與JR上野站相連嘅購物中心。擁有多間深受10代後半（16~19歲）＆20代（20~29歲）女性喜愛嘅服飾品牌店舖，商場內設有餐廳和咖啡店，讓人可以喺購物中途坐低休息完再繼續血拚！
- 上野OIOI：呢度有女性服裝，亦有男性服裝、配飾和鞋子等時尚商品。仲有無印良品和百圓店等，可以購買得到各種類型嘅商品。另外，亦設有多間餐廳和咖啡店。
- ecute：位於JR上野站內3樓嘅商業設施。提供販售各種糖果零食、雜貨、服裝、藥品等商品嘅店舖，方便旅客於乘搭JR電車途中亦可落車輕鬆購物，或補買手信等，既方便又貼心。（如需從車站閘外進入，需要購買入場券）
- Yodobashi Camera Multimedia Ueno：銷售電子產品、電腦、相機、化妝品、飾品等多種不同類別商品嘅商業設施。2號店更有銷售智能手機、玩具和遊戲等物品。如果想尋找最新型號嘅電子產品，就一定要喺度行個圈啦！
- 上野松坂屋：與東京Metro鐵路嘅上野廣小路站相連嘅商業設施。從以前便受到大眾喜愛，當中包括唔少長者粉絲喔。上野松坂屋內有銷售糖果零食、服裝、化妝品、珠寶飾品、文具等多個類別商品嘅店舖。另外，亦設有多間餐廳和咖啡店。
喺上野享受邊行邊食的東京 上野 阿美橫丁之旅吧！
包括阿美橫丁在內，周邊地區有多間輕食或小食店，例如炸肉餅和小籠包等，你可以用超抵價品嚐各種美食。以下落嚟，小編將為你介紹可以喺阿美屋橫丁和上野站周邊，享受得到嘅街頭美食。
- 水果：講到阿美橫丁，就一定會諗起「百果園」嘅水果串！亦被稱為特色名物。
- 甜品：推薦使用大量宇治抹茶製作，擁有宇治抹茶濃郁風味嘅「茶之君野園」抹茶軟雪糕，絕不可錯過！仲有內餡水潤口感豐富，據稱係東京三大豆沙包之一「Usagiya（うさぎや）」嘅豆沙包。另外，名店「Mihashi（みはし）」嘅傳純日式甜品「餡蜜（あんみつ）」亦非常推薦。
- 海鮮料理：除咗有可以品嚐到鮮度極佳兼不同產地生蠔嘅店舖「魚塚」、仲有可以享受到以新鮮食材製作嘅美味手握壽司，並大嘆美酒嘅立食壽司店「Ame橫二郎（アメ横二郎）」等人氣店舖。另外，可以喺享受海鮮小菜嘅同時品嚐美酒嘅站立酒場「魚草」、大嘆多汁鰻魚串燒嘅「鰻金」、海鮮丼飯店「Minatoya食品（みなとや食品）」嘅另一名物章魚燒亦係推薦之選。
上野站有邊幾條電車路線可到達？從機場又該如何前往？
要前往上野自由行巡遊觀光景點時，主要會使用上野站、御徒町站和京成上野站呢三個車站。
要去JR上野站和御徒町站，從東京或秋葉原出發的話可以乘搭「山手線」，從橫濱方向則可乘搭「京浜東北線」。
經過東京Metro（地下鐵）上野站嘅路線有「銀座線」和「日比谷線」兩條路線。從人氣觀光景點淺草乘搭銀座線約5分鐘即可到達上野站。
順帶一提，要從淺草去東京晴空塔®嘅話，乘搭「東武Skytree Line」約5分鐘即可到達，因此建議一同遊覽上野、淺草和東京晴空塔®呢幾個地方喔。
另一方面，如果從成田國際機場前往上野，可以使用京成上野站。皆因從成田國際機場乘搭「京成線」到京成上野站最快只需36分鐘。所以旅行快結束、要搭飛機返香港時，亦建議以上野作為觀光和購物嘅最後一站，之後從京成上野站搭車到成田國際機場，為旅程畫上圓美嘅句號。
Comments