相片提供：（一社）埼玉縣特產觀光協會
嚴禁複製或轉載
打算喺東京近郊進行一日遊嘅旅客請注意！從東京池袋車站搭電車即可輕鬆到達嘅埼玉縣擁有日本獨有嘅神社寺廟、大自然風光明媚嘅公園、博物館和主題樂園等各種觀光景點。而且，近年亦有唔少新開景點，例如2022年開幕嘅「Fukaya-Hanazono Premium Outlets」等好去處！
今次小編將介紹埼玉縣人氣嘅觀光區域，並提供乘搭電車即可進行一日遊嘅觀光景點行程建議。從東京出發好方便就去到嘅「埼玉縣」，等我哋一齊重新發掘佢嘅魅力啦！
埼玉市：自然和文化共存的埼玉縣縣廳所在地
相片提供：（一社）埼玉縣特產觀光協會
嚴禁複製或轉載
埼玉市位於埼玉縣嘅縣廳所在地，市內有公園、神社、博物館等多個觀光景點，令人能感受到大自然和日本歷史文化嘅魅力。特別係「埼玉超級競技場」（さいたまスーパーアリーナ (Saitama Super Arena)、通稱：たまアリ (Tama-Ari)），係一個喺關東地區舉行大型活動、音樂會、體育賽事嘅人氣場地。當你下次要去「Tama-Ari」參加「推活」時，不妨順道參觀埋下列呢個區域嘅觀光景點啦！
推薦行程
1. 池袋站
↓🚊乘電車至大宮站，轉車到鐵道博物館站，車程共約50分鐘。落車後步行約1分鐘。
2. 鐵道博物館
（可欣賞實際車箱展示、學習鐵道知識和體驗列車駕駛的博物館）
↓👣徒歩約22分鐘
3. 武藏一宮冰川神社
（擁有2400多年歷史，日本首屈一指古老神社之一）
↓👣徒歩約1分鐘
4. 埼玉縣大宮公園
（佔地廣闊，四季花奔美麗盛放的公園）
↓👣徒歩約12分鐘
5. 大宮盆栽美術館
（展示眾多美麗盆栽的美術館）
所澤：備受矚目的街道，全新觀光景點陸續開幕！
所澤市位於埼玉縣西南部，係一個擁有狹山丘陵、狹山湖等自然風光嘅地方。近年，2020年開幕嘅大型文化綜合設施「Tokorozawa Sakura Town」、2021年完成翻新嘅「西武園遊樂園」成為新興觀光景點而備受矚目喔！
推薦行程
1. 池袋站
↓🚊乘電車至西武球場前站，轉車到西武園遊樂園站，車程共約37分鐘。
2. 西武園遊樂園
（有著以昭和時代為主題的商店街和各種遊樂設施的遊樂園）
↓🚊乘電車至所澤站，轉巴士到東所澤站，車程共約45分鐘。落車步行約10分鐘。
（擁有角川武藏野Museum和teamLab常設展示等藝術性大型綜合設施）
相關文章
飯能：重現姆明世界觀的景點
飯能市位於埼玉縣西部，與所澤一樣可以利用西武池袋線電車輕鬆到達。該市約75成區域被森林、丘陵和河流等大自然覆蓋，係一個擁有豐富大自然元素嘅地區。另外，於2019年開幕嘅姆明主題公園「Moomin Valley Park」重現芬蘭作家所創造嘅角色——「姆明」故事嘅世界，引起廣泛關注。如果你係姆明嘅粉絲或者對北歐氛圍情有獨鍾嘅話，「Moomin Valley Park」就係絕不可錯過嘅好去處喔！
推薦行程
1. 池袋站
↓🚊乘電車至飯能站，轉巴士到「Metsa」站，車程共約60分鐘。
2. Metsa Village
（此區域聚集了出售北歐設計商品和美食的商店）
↓👣徒歩約１分鐘
（全球首個姆明主題公園）
↓🚌乘巴士至飯能站，轉電車到元加治站，車程共約30分鐘。落車後步行20分鐘
4. 「Tove Jansson Akebono」小童之森公園（トーベ ヤンソンあけぼの子どもの森公園）
（由姆明作者所設計供小朋友們享受大自然的公園）
秩父：擁有大自然景觀、文化設施和祭典等豐富旅遊元素！
相片提供：（一社）埼玉縣特產觀光協會
嚴禁複製或轉載
相片提供：（一社）埼玉縣特產觀光協會
嚴禁複製或轉載
秩父市擁有三十槌的冰柱等大自然景點、三峯神社等歷史景點，融合了豐富嘅文化元素，旅遊景點可謂多姿多彩。
春天可賞花、夏天觀賞綠油油美景、秋天則有紅葉等，每個季節都各有不同活動，因此一直吸引眾多遊客到訪。另外，全年都會舉行各種不同祭典，特別係12月舉辦嘅「秩父夜祭」非常著名，更於「秩父祭會館」設有相關資料展覽呢。
推薦行程
1. 池袋站
↓🚊乘電車至西武秩父站，車程約80-120分鐘。落車後行步約20分鐘。
2. 羊山公園
（能欣賞如染上一層粉紅色地氈般夢幻芝櫻花海美景的公園）
↓👣徒歩約22分鐘
3. 秩父祭會館
（展示和演出與秩父夜祭相關的資料，讓遊客能身歷其境地體驗祭典文化）
↓👣徒歩約1分鐘
4. 秩父神社
（擁有2100多年歷史的神社。從古至今一直備受崇敬的秩父總社）
相關文章
長瀞：擁有美麗的川岸景色！
相片提供：（一社）埼玉縣特產觀光協會
嚴禁複製或轉載
長瀞町係一個受惠於長瀞川清流、急流、瀑布和奇岩等豐富大自然嘅小鎮。你可以享受下河漂流、峽谷漫步和觀光農園等多項多姿多彩嘅活動。由於長瀞町靠近秩父，除咗一日遊，小編仲推薦可以計劃兩日一夜嘅旅程喔。
推薦行程
1. 池袋站
↓🚊乘電車於西武秩父站，轉車到長瀞站，車程共約110分鐘。落車後步行約12分鐘。
2. 寳登山神社
（與秩父神社和三峯神社並列被稱為秩父三社）
↓👣徒歩約7分鐘
3. 長瀞岩疊通商店街
（可以品嚐當地美食的商店街）
↓👣徒歩約４分鐘
4. 長瀞岩疊散策・下河漂流
（被國家指定為名勝、天然紀念物。可欣賞到沿著河岸的奇岩怪石美景）
川越：充滿懷舊氛圍的街道
相片提供：（一社）埼玉縣特產觀光協會
嚴禁複製或轉載
相片提供：（一社）埼玉縣特產觀光協會
嚴禁複製或轉載
川越市保存著多個從日本大正時代至昭和時代嘅歷史建築和文化遺產。另外，呢度嘅商店街充滿著懷舊氛圍，賣各種特色美食和手信，吸引眾多遊客到訪。
推薦行程
1. 池袋站
↓🚊乘電車至川越站，車程約30分鐘。落車後步行約20分鐘。
2. 大正浪漫夢通
（擁有大正時代情懷的街道）
↓👣徒歩約５分鐘
3. 藏造老屋街道
（保留了鐘樓等眾多江戶風貌建築物的街道）
↓👣徒歩約５分鐘
4. 菓子屋横丁
（可購買或品嚐美味和菓子的商店街）
↓👣徒歩約12分鐘
5. 川越冰川神社
（以結緣風鈴、繪馬、鯛魚神籤等著名的結緣神社）
Comments