每到7、8月，日本人都習慣以明信片、送禮問候親朋好友，或趁此機會向身邊人表達謝意。由於日本人個性含蓄、好少直接表達心意，加上此時正值盛夏，因此一般都會喺問候正文之前，先以天氣做開頭！呢種習慣喺日文中被稱為「暑中見舞い」或「残暑見舞い」，中文則可稱作「暑中問候」、「殘暑問候」。
凡係夏季期間寄出嘅明信片開頭，都一定會寫上以下句子：
「暑中お見舞い申し上げます」（時值炎夏，謹致問候）
「残暑お見舞い申し上げます」（時值殘暑，謹致問候）
各位讀者，您都不妨學識以上兩句傍身，藉此機會向親朋好友問候一下啦～
暑中問候・殘暑問候起源
「暑中見舞い」、「残暑見舞い」指嘅即係正值盛夏時節嘅問候。日本人通常會以寄明信片，或致贈點心、手信等，向唔太常見面嘅家人、朋友，或職場上承蒙照顧嘅同事、前輩、上司等，表達問候與感謝之意。
暑中問候嘅起源，據聞可追溯至江戶時代。
8月亦係日本「お盆（おぼん）」（盂蘭盆節），趁著返鄉下掃墓之際隨手帶上食物、物品獻畀祖先係非常普遍嘅事；而到咗江戶時代，向平常承蒙照顧嘅人致贈謝禮，更成為一種習慣。即使唔能夠親自見面，利用江戶時代發展嘅「飛腳便」（類似現時嘅「快遞」、「宅急便」），亦已經夠方便將書信與禮品送至對方手上。
再到咗1870年代初期，隨著郵政制度發達，送禮習慣逐漸簡化為書信問候。1910年代大正時期後，書信問候大致已發展成今時今日嘅形式。
暑中、殘暑以「立秋」為區隔
「暑中」，一般指嘅係二十四節氣中「小暑」至「立秋前一日」，約莫為7月第一週～8月第一週左右；「殘暑」則係指8月第二週嘅「立秋」至8月底期間。
簡單嚟講，立秋前嘅問候稱為「暑中問候」；立秋之後，則稱為「殘暑問候」。
暑中問候、殘暑問候應該寫咩內容？
暑中問候、殘暑問候最常見方式係寄明信片。當收到對方寄來嘅明信片時，收信人通常會都回信以示禮貌。
明信片內容大致可分為以下四個部分：
- ① 以「暑中お見舞い申し上げます」或「残暑お見舞い申し上げます」作為開頭。
- ② 講講天氣、報告自己近況，問候對方是否別來無恙。
- ③ 然後會祝福對方，希望對方多多保重。
- ④ 年份與月份（一般唔會寫詳細日期）。
要注意嘅係，敬語用法、撰寫內容須根據與對方關係而作出調整。例如對家人或好熟嘅朋友，使用一般敬語即可；若對方為職場前輩、上司或客戶，則須使用更為禮貌嘅敬語用法。以下為寫畀家人、朋友嘅範例。
範例
內容簡譯如下：
時值炎夏，謹致問候
天氣十分炎熱，您最近過得還好嗎？
最近喺屋企嘅時間變多，所以我開始咗養寵物。
由於疫情關係，難以見上一面，等到情況稍為緩和之後，再一齊約食飯吧。
酷熱天氣仲會持續一陣子，請務必多保重身體。
令和三年 盛夏
最後再嚟複習一下！
「暑中お見舞い申し上げます」（時值炎夏，謹致問候）
「残暑お見舞い申し上げます」（時值殘暑，謹致問候）
Comments