盂蘭盆節喺日本，係拜祭祖先嘅祭典，每年喺七月至八月舉行。喺盂蘭盆節期間，日本各地都會舉行大型祭典。
關於盂蘭盆節
盂蘭盆節始於公元600年。佢嘅起源係釋迦牟尼佛弟子「目連」為咗由地獄入面拯救母親，向佛陀尋求幫助。當時，佛陀教目連要供養眾生，將功德迴向畀母親，就可以令佢得救。
呢個故事傳到去日本後，漸變成而家日本人過盂蘭盆節嘅習俗，就係返鄉祭祖，喺祖先嘅墓地擺放供品，希望祖先喺死後嘅世界裡都可以享受幸福。
盂蘭盆節有固定時期，基本可分為八月中旬舉行嘅「舊盆」同喺七月中旬舉行嘅「新盆」兩種。日本大部分地區都係慶祝舊盆（舊曆盆節），只有東京同一啲其他地區慶祝新盆。
盂蘭盆節期間代表性祭典
喺盂蘭盆節期間，日本各地都會舉行各種祭典。跟住落嚟我地會介紹唔同地區嘅代表性祭典。
東北地區祭典
「仙台七夕祭」每年8月6日至8日喺日本東北宮城縣仙台市舉行。喺仙台七夕祭上，可以睇到用山上砍落嚟嘅巨竹，有成10米以上。喺竹上面掛住絢爛奪目嘅日本和紙製成嘅裝飾品。另外，現場仲會有好多攤檔售賣宮城縣嘅特色美食。你可以喺呢度食到燒牛舌、魚板（笹かまぼこ）等。魚板係一種將白肉魚搗碎，添加調味料後再煮成嘅食品 。
另外，每年8月2日至7日，喺東北地區嘅青森亦會舉辦「青森睡魔祭」(青森ねぶた祭)。喺青森睡魔祭上，會有戴住用鋼絲、木材同紙製作嘅巨大人形燈籠嘅山車沿街巡遊。呢啲人形燈飾嘅臉部、手腳、衣裝服飾等，都係以墨筆描繪，精緻又壯觀，令人印象深刻。
關東甲信越地區祭典
關東和甲信越地區會喺每年8月11日至15日嘅舊盆期間舉行「深川八幡祭」(深川八幡祭り)。深川八幡祭係規模好大嘅祭典，屬江戶三大祭典之一。特別係每三年舉行一次嘅「本祭」，群眾會扛著大大細細大約120個「神轎」(神輿)出嚟繞境。
另外，喺新盆期間舉行嘅佐原「大祭之夏祭」(大祭夏祭り)亦好值得睇。呢個祭典嘅特色係可以睇到載著立體人形嘅華麗山車。
關西・東海祭典
喺關西東海地區，京都嘅八坂神社會舉行祇園祭。每年7月1日至31日為期一個月嘅祇園祭，已經有1100年歷史。最有睇頭嘅係7月17日至24日嘅「山車」(日文：山鉾) 遊行，呢啲山車組裝，只用咗繩索，完全無用過釘，呢種山車遊行已被列入聯合國教科文組織嘅無形文化遺產。
京都不僅有祇園祭，仲可以欣賞到魄力十足嘅「五山送火」(五山送り火)活動。喺半山腰升起嘅火焰，描繪出巨大文字，只要睇過一次就會永生難忘。
四國・中國地區祭典
喺四國・中國地區，德島市嘅「阿波舞」(阿波踊り)非常著名。每年8月12日至15日舉行嘅阿波舞祭典，大家會著浴衣同木屐等日式傳統服裝，喺市區內各地方設置嘅舞蹈劇場(演舞場)表演跳舞。如果有興趣睇大家著和服跳舞嘅大型活動，就一定唔可以錯過呢個阿波舞祭典！
另外，高知縣嘅「夜來祭」(よさこい祭り)亦值得去睇吓。「夜來祭」喺一種一邊跳舞一邊演奏鳴子(日本傳統樂器，響板嘅一種)嘅祭典。大約會有100名嘅舞者，整齊劃一咁跳熱情嘅群舞，令人睇到目不轉睛。
九州・沖繩祭典
至於九州・沖繩地區，熊本縣山鹿市就有著名嘅「山鹿燈籠祭」(山鹿灯籠まつり)，喺每年8月15日至16日舉行。可以睇到著日本傳統服裝、頭戴金燈籠(日本古有照明器具)嘅女性一齊跳舞。頭頂上燈籠嘅燈光，營造出一種夢幻氣氛，非常值得一睇！
至沖繩全島每年8月底會舉行「EISA祭典」(エイサーまつり)。沖繩全島嘅各個唔同團體，都會全體總動員，一齊參加呢個祭典，表演沖繩嘅傳統民俗太鼓舞「EISA」(エイサー)。
Comments