筑波市（つくば市）位於茨城縣西南部，日本超級全球大學（※）之一嘅筑波大學、以及多間研究所亦坐落於此，並以筑波研究學園都市而廣為人知。近年來於國際上嘅認知度不斷提升，今次就要為大家介紹一下筑波市嘅魅力之處。
※徹底推進國際化嘅大學。筑波大學、東京大學、京都大學等日本37間大學，被日本文部科學省指定為超級全球大學。
筑波究竟喺邊度？
筑波市係一個距離東京市中心約50km（直線距離）嘅地方。從東京秋葉原站出發去到筑波站嘅話，乘搭筑波快線（TX）快速電車約45分鐘。距離成田國際機場約45 km，從機場出發去到筑波站嘅話，乘搭電車約1個半小時，乘搭巴士約1小時。
筑波市成為研究學園都市嘅理由
1960年代，為振興科學技術與充實高等教育，以及緩和東京一極化嘅現象，提出了將位於東京嘅國家教育機構、研究機構等遷移到至其他地區，並建設「研究學園都市」嘅規劃方案。當時筑波從全國候選地中，被選作成為「研究學園都市」嘅理由如下。
- 筑波所在位置，與東京距離比較近。
- 可提供研究機構使用嘅研究・工業用水嘅霞浦，正正位於筑波附近。
- 土地平坦廣闊，地基穩定。
1969年舉辦了研究學園都市開發項目嘅綜合開工動土儀式後，便著手開始研究學園都市相關嘅建設流程。於1980年，43個試驗研究、教育機關設施嘅遷移工序完成後，「筑波研究學園都市」便就此誕生！
1985年國際科學技術博覽會（通稱：筑波世博會）在此開幕…此舉令「筑波」嘅平假名「つくば」衝出日本，聞名全球。1987年，大穗町、豐里町、櫻村、谷田部町合併後，誕生了「筑波市」！
2005年新建路線：筑波快線 (TX)
直至2005年為止，巴士係東京與筑波間移動嘅主要公共交通工具。後來筑波快線（簡稱TX）於2005年通車，由於乘搭筑波快線，無需1小時即可抵達東京，因此住筑波市、搭車去東京返工、返學嘅人亦相繼增加。
筑波快線係連接東京都秋葉原，與茨城縣筑波市間嘅鐵路，從秋葉原到筑波，距離為58.3km，最快移動時間為約45分鐘。從東京都千代田區嘅秋葉原，經過台東區、荒川區、足立區、埼玉縣八潮市、三鄉市、千葉縣流山市、柏市、茨城縣守谷市、抵達筑波市。
超級全球大學：筑波大學/ University of Tsukuba
筑波市除咗有多間研究所，不得不提日本知名大學——「筑波大學」（University Of Tsukuba）亦坐落於此。筑波大學位於茨城縣筑波市，係一間公立研究型國立大學，主要嘅筑波校區占地面積為258公頃，為日本第二大嘅單一校區。於東京都文京區亦有大學分校，提供以社會人士為對象嘅大學院課程。
作為一間推進全球化嘅大學，亦有唔少留學生就讀於筑波大學喔。
景點資訊
- 景點名稱：筑波大學 / University of Tsukuba
- 地址：茨城縣県Tsukuba市天王台1-1-1
- 交通方式：從筑波站相鄰嘅巴士總站「Tsukuba Center」，行去6號車站乘搭「筑波大學循環（右循環/左循環）」巴士，約15-20分鐘即可抵達。
關於筑波市研究機構
筑波市作為筑波研究學園都市而聞名，理所當然地有多間研究機構、相關設施坐落於此。當中包括具備宇宙最新研究設備嘅開發機構「JAXA 筑波宇宙中心」、為科學感興趣者兼可以讓大眾瞭解到有關最新嘅科技而設嘅「TSUKUBA EXPO CENTER」、產業科技綜合研究所「Science Square TSUKUBA」等設施。另外，筑波市更為團體和個人提供名為「Tsukuba Science Tour」嘅研究機構巡遊之旅，詳情可參考此文章。
筑波世博會
講起於日本舉辦嘅國際博覽會嘅話，相信大家對於1970年嘅「大阪世界博覽會」並不陌生。雖然「大阪世博」非常著名，但其實於1985年，筑波市亦舉辦了國際科學技術博覽會（通稱：筑波科學世博會、Tsukuba Expo'85）。展示最新技術嘅筑波科學世博會，有來自世界各地40多個國家前來參加，國內外嘅總參加人數更高達2033萬人。
會場舊址現時為「筑波世博紀念公園」和「筑波世博紀念公園站」。
唔知您睇完呢篇文章之後有咩感想呢？歡迎留言同小編分享喔。
Comments