雖然小編曾經喺「筑波市，被稱為Tsukuba Science City嘅城市」呢篇文章 ，介紹過茨城縣筑波市嘅相關資訊。不過筑波市又點止得研究機構！仲有唔少美麗大自然、歷史性嘅旅遊景點。今次就要為大家介紹一下，筑波市嘅主要旅遊人氣景點。
「Tsukuba Science Tour」巡遊之旅
相信唔少人聽到「研究機構」呢四個字，普遍都會浮現「認真學習和研究嘅地方」等刻板印象吧？但其實筑波市有唔少研究機構，會開放畀一般個人、或團體入內參觀喔。
以團體遊客為對象嘅「Tsukuba Science Tour」，其實係從位於筑波市嘅「JAXA 筑波宇宙中心」、「產業科技綜合研究所Science Square TSUKUBA」等設施等約50個研究教育機構中，為客人介紹最適合嘅參觀地點、提議參觀路線、預約參觀等服務。另外，如果非團體遊客嘅話，推薦乘搭「Science Tour Bus」，皆因只要出示當日所購買嘅車票，就可以全日任搭，自由上落車, 按照自己嘅腳步一口氣巡遊晒巴士路線會停嘅6個研究機構，相當過癮！「Science Tour Bus」會於星期六、日、公眾假日（年末年始除外）運行。
景點資訊
- 景點名稱：Tsukuba Science Tour Bus
- 地址：〒305-0032茨城縣筑波市竹園2-20-3（筑波國際會議場內）
- 星期一～星期六12:00～19:00
- 星期日 9：00～17：00
- 運行日：僅限星期六、日、公眾假日（年末年始除外）※但於暑假期間，除星期一以外每日運行
- 對象：適合個人、家庭、小人數團體參觀。
- 費用：巴士車票 成人500日圓 小童250日圓
※團體參觀需要事先預約，請直接咨詢相關單位查詢。
※每月第1、第3個星期六，都會實施「Staff Guide Course」，除咗有職員同行入內參觀之外，並會於各設施進行相關說明。（需要事前於網上預約） - 出發地點：「Tsukuba Center」（筑波站）巴士總站8號車站
- 網址: https://www.i-step.org/tour/english.html
JAXA 筑波宇宙中心
筑波市作為筑波研究學園都市而聞名，當中包括於1972年開設嘅「JAXA 筑波宇宙中心」。除咗負責開發與運用人造衛星，仲係訓練未來太空人嘅基地，擔當著日本宇宙開發方面嘅重要角色。一般參觀Tour（需收費）所需時間為1小時10分鐘，會有導遊陪著您一邊搭巴士一邊介紹相關資訊喔（*需要事先預約）。
景點資訊
- 地點名稱：JAXA筑波宇宙中心
- 地址：〒305-8505茨城縣筑波市千現2丁目1-1
- 開館時間：※2022年8月1日（星期一）開始重新開放
- 交通方式：
・從筑波快車「筑波站」落車，然後乘搭開往「荒川沖車站」方向嘅關東鐵道巴士，於「物質材料研究機構」落車徒步1分鐘。或者從「筑波站」搭的士，車程約10分鐘。
・巡遊筑波市研究機構嘅循環巴士「Tsukuba Science Bus Tour」，會於巴士總站「Tsukuba Center」出發，運行日子為星期六、星期日、以及公眾假日。循環巴士除咗可以全日任搭，仲可以自由上落車。 - 費用：
- 一般（18歲以上）：500日圓※高中生（高等專門學校學生）除外
- 高中生以下（含高中生）或未滿18歲者：免費
關於「TSUKUBA EXPO CENTER」
「TSUKUBA EXPO CENTER」係位於市中心嘅科學館，從筑波站徒步約5分鐘即可輕鬆抵達。當中，巨大無比嘅天象儀係「TSUKUBA EXPO CENTER」嘅焦點魅力之一。從2020年2月1日開始，使用6台構成嘅4K雷射投影機器，引進了於圓頂營幕上放映嘅全天8K多元投影系統，透過最先進嘅數位投影技術，令大家可以喺度感受一場充滿臨場感嘅高清投影體驗。
景點資訊
- 景點名稱：TSUKUBA EXPO CENTER
- 地址：〒305-0031茨城縣筑波市吾妻2丁目9番地
開館時間 : 9:50～17:00（最終入館時間16:30）
休館日 : 每星期一（適逢假日則順延至隔天）、年末年始、更換天象儀等其他臨時休館日子
*開館時間詳細請於「開館情報」確認。 - 交通方式：筑波站落車，A2出口徒歩5分鐘
筑波山
筑波市亦擁有「筑波山」等美麗大自然景點。筑波山海拔877 m，位於筑波市北端，擁有男體山和女體山兩座山峰，亦係自古深受人民信仰之山。山中有成1,000種以上嘅稀有植物，係植物研究嘅寶庫。而且一年四季都可以享受行山，親親大自然嘅樂趣。
除咗有行山路線，亦有路面纜車、空中纜車等路線前往筑波山。當中，連接筑波山神社與山頂嘅「筑波山路面纜車（筑波山ケーブルカー）」，除咗可以欣賞美麗嘅四季景色，仲可以好好享受一下呢條全長1634m、高低落差為495m，全程只需8分鐘，即可直達位於山頂站嘅路面纜車之旅。另外，「筑波山空中纜車（筑波山ロープウェイ）」則連接與停車場相鄰嘅杜鵑丘站和女體山站，全程只需6分鐘。
筑波科學萬博紀念公園
1985年3月17日至1985年9月16日期間，國際科學技術博覽會（通稱：筑波世博會、科學世博筑波‘85）於「筑波研究學園都市」舉辦。筑波世博會嘅會場舊址，現時為筑波科學萬博紀念公園（つくば科学万博記念公園）。
公園亦係著名嘅筑波市櫻花勝地，從3月下旬至4月上旬，300棵染井吉野櫻花，將廣闊嘅園地染成迷人嘅粉紅色。除咗有草地廣場、池塘、鳶尾園，仲有5面全天候型嘅網球場喔！一到假日就會見到唔少年青人、一家大細親子遊，非常熱鬧。
景點資訊
- 景點名稱：筑波科學世博紀念公園
- 地址：〒305-0841茨城縣筑波市御幸丘6
- 交通：從筑波世博紀念公園站徒步約25分鐘
- 營業時間：24小時（網球場除外）
- 費用：免費（網球場除外）
Comments