位於北海道千歲市與苫小牧市交界嘅國際機場「新千歲機場」，從JR札幌站乘搭快速電車約40分鐘即可抵達，更係每位遊客北海道之旅必經地點。FUN! JAPAN編輯部曾經喺【日本北海道】北海道國際機場「新千歲機場」 包羅萬有玩足一日 文中介紹過，新千歲機場最出名亦最具特色嘅場內多項娛樂設施，因此！今次FUN! JAPAN編輯部就要詳細為大家介紹，新千歲機場內以Sanrio、多啦Ａ夢、北海道應援角色—雪未來（初音未來）等人氣動漫角色為主題嘅娛樂設施！除咗卡通角色主題café之外，眾多限定周邊商品亦不容錯過。自問係以上一眾角色嘅粉絲們，去北海道旅行記得要預留多少少時間去朝聖喔！
多啦A夢空中樂園SKY PARK
「多啦A夢空中樂園SKY PARK」由眾多區域組成，場內分為公園區（須付費入場）、遊樂設施區、圖書區等，係一處供遊客暢遊多啦A夢世界嘅娛樂設施。
公園區內劃分成遊樂區、不可思議體驗區以及人氣角色歡迎區，大家會見到多款熟悉法寶於各項遊樂設施出現，仲有經典場景畀大家盡情影相打卡！而且遊樂區亦設有眾多以法寶為主題嘅小遊戲， 仲有大大個從穿透環瓹出嚟嘅「巨大多啦Ａ夢」，簡直係超級無敵可愛！整個空間充滿樂趣，無論大人細路都一定可以玩得非常盡興！
另外，圖書區內則收藏著全世界出版嘅《多啦A夢》漫畫及相關書籍，一共有14種語言！各位不妨趁機比較一下各國版本嘅封面，睇睇到底有咩地方唔不一樣，仲能夠自由自在地睇漫畫打發上機前、落機後嘅時間呢。（※現正歇業中）
附設café內提供眾多原創美食，例如係多啦A夢與多啦美頭像拉花拿鐵、銅鑼燒、記憶多士等等。食完美食，記得仲要去埋官方周邊商店血拼，零食、餅乾及大堆多啦A夢空中樂園SKY PARK限定周邊商品等您選購！
景點資訊
名稱：多啦A夢空中樂園SKY PARK
- 所在位置：新千歲機場國內線航廈 連絡設施 3F 微笑之路
- 營業時間：
- 【公園區】10:00～18:00（最後入場時間 17:30）
- 【商店區】10:00～18:30
- 【café】10:00～18:00（最後點餐時間 17:00）
- 【DIY區】10:00～18:00（最後受理時間 17:00）
- 門票：
- 【公園區】普通票800日圓、中學生500日圓、小學生以下400日圓、2歲以下免費
- ※因應新冠肺炎防疫措施，部分設施歇業或調整營業時間。最新資訊請上官網查詢。
- 官網：http://www.new-chitose-airport.jp/ja/doraemon/
Hello Kitty 歡樂飛航小站
「Hello Kitty 歡樂飛航小站」係一處以Hello Kitty航空公司大型飛機為標誌嘅娛樂設施。
設施以「與化身為空中服務員的Hello Kitty一起環遊世界」為主題，與一眾遊客一齊展開世界之旅！場內分成歐洲廣場、亞洲街道等6處區域，各區域裝潢設計以各國家街景為形象打造，令人聯想起台灣夜市、泰國夜市等地區色彩，仲有Hello Kitty環形花圈、以及Melody等人氣角色歡迎大家光臨，保證可以盡情沈溺於Sanrio特有世界，kawaii程度爆棚！
於「快樂飛行咖啡廳」內，您可以品嚐到Hello Kitty、玉桂狗等以Sanrio主角為造型嘅新地、咖哩等眾多又有賣相又好食嘅主題料理，打卡必備！
景點資訊
- 名稱：Hello Kitty 歡樂飛航小站
- 所在位置：新千歲機場國內線航廈 連絡設施 3F 微笑之路
- 營業時間：11:00～17:00 （café最後點餐時間 16：30）
- 門票：【付費區域】普通票（含中學生）800日圓、小學生以下400日圓、未滿3歲免費
- © 2021 SANRIO CO., LTD. APPROVAL NO. SP620093
雪未來Sky Town
「雪未來Sky Town」係一處以宣傳冬天北海道形象大使以及為冬天北海道應援加油嘅雪未來（初音未來）嘅精品店與博物館。雪未來誕生嘅契機，就係來自2010年札幌雪祭純白「初音未來」雪雕～
博物館內，入場人士可以參觀原吋大小嘅雪未來及能欣賞相關插畫與周邊商品。另外，精品店內亦有販售機場限定雪未來周邊商，豐富種類包括只此一家嘅限定珍品，粉絲要收藏就不容錯過！
炒熱2000年代虛擬歌手風潮嘅初音未來人氣席捲全球，至今仍然紅遍半邊天。有機會嚟到新千歲機場，記得一定要去博物館感受一下雪未來嘅，更重要係大量搜購限定周邊商品！
景點資訊
- 雪未來Sky Town
- 新千歲機場國內線航廈 4F
- 營業時間：9:00～19：00
- ※因應防疫措施，營業時間有可能變動。
機場資訊
- 名稱：新千歲機場
- 地址： 〒066－0012北海道千歲市美美
- 機場內服務：免費WIFI、免費手機充電區域、行動WIFI及手機出租服務
- 語言：英文、中文、韓文
- 三方通話傳譯系統：泰文、越南文、葡萄牙文、西班牙文
- 可使用信用卡：VISA、MasterCard、JCB、AMERICAN EXPRESS、Diners Club International等等
Comments