位於北海道千歲市同苫小牧市交界嘅國際機場—新千歲機場，由JR札幌站搭快速電車約40分鐘就到。北海道入面總共有4個國家管理機場，根據2020年統計資料顯示，新千歲機場的乘客量，僅落後於東京國際機場（羽田）、成田國際機場、福岡機場，日本全國排名第四，其中一個日本最繁忙的機場之一。其中新千歲機場的國內航運大樓於2011年重新裝修，入面的娛樂設施更成熱門話題，而於2019年國際線航運大樓亦有擴建，今次FUN! JAPAN編輯部就帶大家去參觀新千歲機場，感受呢個機場的獨有魅力。
北海道天空入口「新千歲機場」
新千歲機場擁有2條3,000米長的跑道，一年起降次數約15萬次，係北海道最具代表性的國際機場。2011年國內線航運大樓重新裝潢，增設咗好多娛樂設施。而由於北海道非常受國內外遊客歡迎，於2019年亦擴建整修國際線航運大樓，多項新設備、娛樂等，令機場亦成為觀光點之一。
新千歲機場魅力之一 享受北海道美食
機場內設置美食區，仲有好多餐廳提供北海道美食！而且仲唔少得賣北海道限定商品同手信的商店。一次過滿足大家想食北海道地道美食的食欲以及買北海道地道手信的購物欲！
國內線航運大樓的餐廳以及手信舖主要集中喺2、3樓。3樓更有「美食世界」，有美食區之外，仲有北海道湯咖哩、壽司、成吉思汗燒肉等各種北海道著名美食餐廳，有機會一定要去試吓！
另外，喜歡甜品甜食嘅人，當然唔可以錯過「Royce' Chocolate World」，呢度有出售機場限定的手信商品。除此之外，北海道經典手信「白色戀人」的生產、製造同銷售商—石屋製菓，亦喺新千歲機場開設咗甜品專門咖啡廳，有新千歲機場限定的特別甜點。
而於國際線航運大樓3樓的登機等候區內，就設有8間餐廳，由精心製作的壽司至和牛等餐廳都有，選用北海道產和牛製作的壽喜燒御膳便當、拉麵店；亦有為素食者而設計的菜單，係未好貼心呢！臨離開北海道登機前，仲可以回味一下地道的日本美食味道！
新千歲機場魅力之二 有溫泉，仲有博物館？！適合大人細路嘅娛樂型機場！
新千歲機場唔單止係個機場咁簡單！機場內設置多項設施！除咗美食同購物外，於登機前仲遊樂休閒設施，享受一下登機起飛前的時光，亦係新千歲機場的一大魅力。
例如於國內線航運大樓4樓的「新千歲機場溫泉」，就係地道的溫泉設施，入面的泉質是鹽泉，仲設有大浴場以及露天溫泉！來到「休憩室」除咗可以免費悠閒歇息一下，仲可以喺鋪設榻榻米的日式空間品嚐日本美食，不妨趁轉機時間去體驗一下！
另外，仲有「大空博物館」，特別推薦畀一大家大細，喺入面仲可以換裝穿上機長、空姐、空少的制服來拍照留念，還設置專區體驗駕駛飛機，利用實際影像以及充滿臨場感音響效果聲音效果，非常真實！另外亦可以仔細觀賞飛機零件，平時好難咁近距離靠近飛機睇，係相當難得的體驗。去到大空博物館，不單止鍾意飛機的小朋友會開心，相信連大人亦會玩到樂而忘返！千祈唔會玩到錯過航班時間啊！
新千歲機場魅力之三 提供多種貼心便利遊客服務
多國語言觀光資訊
國際線航運大樓2樓的「北海道海外旅客觀光介紹所」入面，有懂英文、中文、韓文等多國語言的服務員，為大家介紹觀光以及交通資訊。另外，仲有三方通話的傳譯系統，提供泰文、越南文、葡萄牙文、西班牙文的傳譯服務。
手提行李存放、寄送、 機場設施行李運送服務
喺國內線航運大樓的1樓和2樓，都有提供手提行李存放、寄送以及機場行李提取服務。而國際線航運大樓則於2樓和3樓提供手提行李存放以及寄送服務。
新千歲機場魅力之四 交通便利 由東京搭飛機去到北海道 2小時內到達
要由市中心前往新千歲機場非常方便，由JR札幌站搭往機場方向的「快速機場號」約40分鐘到達；而乘搭巴士的話，就約1小時20分鐘左右可到達。相反，由新千歲機場前往北海道主要都市亦好方便，喺札幌站可以轉車到小樽、定山溪溫泉，甚至去網走、旭川方向都完全無問題。另外，就算由東京出發，搭直航班機2小時以內即可抵達，推薦去北海道的朋友，可以新千歲機場作為行程計劃的起點。
機場資訊
- 名稱：新千歲機場
- 地址： 〒066－0012北海道千歲市美美
- 機場內服務：免費WIFI、免費手機充電區域、行動WIFI及手機出租服務
- 語言：英文、中文、韓文
- 三方通話傳譯系統：泰文、越南文、葡萄牙文、西班牙文
- 可使用信用卡：VISA、MasterCard、JCB、AMERICAN EXPRESS、Diners Club International等等
Comments