馬鈴薯（薯仔）係廣泛生長於多個地方嘅常見農作物，亦係唔少人非常喜歡嘅食材，甚至有國家更以馬鈴薯當作主要食物來源呢！
FUN! JAPAN編輯部曾經喺網站上為大家介紹過唔少有關馬鈴薯嘅食譜，因此喺今次文章當中，我哋將為大家彙整並回顧多款由小編推薦嘅馬鈴薯食譜及料理教學影片，歡迎大家不妨一齊喺屋企跟住整吖～
※點擊圖片即可連結至YouTube觀看食譜教學影片
芋餅
芋餅係北海道鄉土料理之一。口感Q彈且味道樸實，只需要準備馬鈴薯與片栗粉（日式太白粉），即可以輕鬆自己整出芋餅，非常適合「口痕」時整嚟當作零食。過完口癮之後，要放入雪櫃保存都一樣咁方便。
- 所需材料及做法傳送門→短時間食譜系列～芋餅～
芝士年糕餅
將馬鈴薯混合太白粉，就可以製作出有如年糕般Q彈口感嘅年糕餅！而呢個食譜更特別加入極邪惡嘅芝士，Q彈口感與入口即溶嘅芝士簡直係完美配搭！無論係當伴酒菜，或零食點心都非常適合。記得要趁芝士凝固前，趁熱品嘗喔！
- 所需材料及做法傳送門→【省時料理】起司年糕餅
馬鈴薯燉肉
日文「肉じゃが」（Nikujaga）字面上意思即係「肉」（Niku）加上「馬鈴薯」（Jaga）。而呢款居酒屋常見嘅日式料理，基本上只需要用豉油燉煮牛肉及馬鈴薯，再加上味醂與砂糖調出甜味即大功告成！想要喺屋企重現出於日式居酒屋或日本超級市場「老是常出現」嘅日本家庭料理？就要快啲click入以下文章喇～
- 所需材料及做法傳送門→賢妻良母嘅日本女性一定識煮嘅「薯仔炆牛肉」食譜
香酥明太子薯球
馬鈴薯之所以人見人愛，一大原因係無論油炸、沙律或其他煮法，「中伏」機會都相當低！以下就由FUN! JAPAN編輯部教大家用隨手可得嘅馬鈴薯配搭福岡名物明太子，做出一道簡單又香口嘅零食～
- 所需材料及做法傳送門→【食譜影片】 美味日式小點心：香酥明太子薯球
馬鈴薯沙律
大家都對馬鈴薯相當熟悉，但日本餐廳常見嘅薯仔沙律又有無食過呢？邀請朋友到家裡聚餐或開P嘅時候，開心share日式薯仔沙律就係您嘅最佳選擇～
- 所需材料及做法傳送門→短時間食譜系列 ～馬鈴薯沙律更添美味！～
唔知大家又對以上邊款食譜您最有興趣嗎？歡迎您將您嘅料理照片上傳至FUN! JAPAN社交網站平台同我哋分享喔～
Comments