曾經遊遍全世界，食盡世界嘅已故美食名廚、作家兼電視名人－Anthony Bourdain (安東尼波登) 曾經講過：「如果我必須要揀一個國家或者城市度過一生嘅話，唔使諗咁多，我一定係答『東京』！」。

魚肉唔使絕頂新鮮，咁樣先可以令壽司食起嚟更加好味，呢個係同我初初所諗嘅大相逕庭。而嗰個味道就好似喺大海現成撈上嚟咁，稍微熟成過後嘅魚肉，更加能誘發本身嘅鮮甜。對鍾意熱食嘅我嚟講，喺東京好多時候我都唔可以唔食生嘢, 但我又好享受食壽司嗰份鮮甜嘅瞬間。

無錯, 我好鍾意食壽司。而好快你就會發現, 東京嘅美食唔單止係壽司，仲有好多美食等住你啊。

出名嘅日式美食 

壽司、拉麵、刺身、玉子燒，呢啲都係日本好出名嘅美食，而且嚟到東京，你會搵到好多餐廳都有佢哋嘅蹤影，就好似係築地嘅壽司三昧、新宿懷舊居酒屋街嘅雞肉串燒、六本木嘅福鮨等等。

壽司三昧

位於築地嘅壽司三昧，係一個經濟實惠嘅選擇，非常適合想食新鮮壽司嘅你。從築地站只需行幾分鐘就會見到呢間店。魚係直接喺距離店面只有幾條街之外嘅魚市場購買，而且整天營業！壽司三昧係連鎖店，你都可以喺其他地方食到佢嘅壽司。而我最愛嘅壽司就係三文魚籽，成個海鮮嘅鮮甜喺口入面爆炸嘅滋味簡直係好味到爆啊。

景點資訊

• 景點名稱：壽司三昧（築地店）
  
• 地址：〒104-0045 東京都中央區築地3－11－9 築地Square大樓 1F
  
• 交通資訊：從築地站行約2分鐘，位於築地魚市場嘅外圍市場, 舖面明顯易見，會有一個大看板，看板上有個男性展開雙臂歡迎客人嘅光臨.
  

天下一品

連鎖拉麵店「天下一品」，呢個名就燧意味著佢哋嘅拉麵係天下第一好食嘅。餐單有拉麵、餃子等料理。

景點資訊

• 景點名稱：天下一品
  
• 地址：〒160-0021 東京都新宿區歌舞伎町1－14－3 第103東京大樓1、2F
  
• 交通資訊：搭山手線到新宿站，向歌舞伎町方向行約9分鐘即可抵達「天下一品」
  

篝（kagari）

篝（kagari）嘅湯底採用奶油雞骨湯，取代常見嘅豚骨湯底。你可以選擇白雞湯蕎麥麵或拉麵，而且唔使1千日圓就可以食到一碗好好味嘅拉麵。篝（kagari）响銀座有兩間店，而兩間店都只係得8個位。想食嘅話，最好喺開店時間11點前就嚟排隊，因為呢間店總係大排長龍。如果你後面仲有其他行程嘅話，最好空出半個鐘去等嗰碗好味嘅拉麵送到你面前。

景點資訊

• 景點名稱：篝（kagari）拉麵
  
• 地址：〒104-0061 東京都中央區銀座4－1－2
  
• 交通資訊：從有樂町站行約4分鐘
  

東京街頭小食

如果你熱愛一邊散步一邊享用美食，東京有好多條街，可以俾你掃街（邊行邊食）。 

淺草

沿著仲見世商店街行，會見到日式傳統點心和菓子。大約500日圓就可以買到五串糯米丸子。如果你想要試吓哆啦A夢鍾意食嘅甜點，你可以去買個銅鑼燒食。

鍾意食啫哩嘅人，可以試吓用蕃薯製成嘅羊羹, 佢嘅質地係好似啫哩咁嘅。而呢度有唔少舖頭都有賣刨冰，喺夏天食一碗冰，確實係清涼無比嘅享受。

原宿

原宿嘅可麗餅十分受歡迎。而可麗餅嘅配料亦有很多種類—水果、雪糕、甚至仲有香腸！無錯，你無睇錯, 確實有少少奇怪, 但係有香腸！而我哋推薦嘅係天然美味嘅水果口味。

除咗可麗餅，原宿仲有巨大棉花糖。可以去Totti Candy Factory買到900日圓嘅彩虹棉花糖。間店好易搵到，因為你會睇到好多人拎住個比人頭仲要大嘅棉花糖, 咁你就知喺邊啦!

景點資訊

• 景點名稱：Totti Candy Factory
  
• 地址：〒150-0001 東京都澀谷區神宮前1－16－5 RYU Apartment 2F
  
• 交通資訊：從有樂町站行約4分鐘
  

上野

嚟到阿美橫丁，可以享受行街Shopping同美食嘅樂趣。因為呢度有好多超值優惠嘅嘢。喺呢度，你可以落地下超市搵到中國食材，又買到平嘅袋。仲有一間Hard Off，可以買到二手電子設備。

你真係要嚟試吓呢度嘅街邊小食，就好似可樂餅(炸肉餅)、鯛魚燒同清真串燒都好好食㗎。

感覺不同的速食快餐店

好多時間, 速食食物都係唔太好, 因為佢又油膩又唔係好健康咁。但喺東京又另作別論喎。你可以喺速食餐廳搵到健康又好味嘅嘢食。就算有啲店香港都有，但味道同款式都會有唔同呢。

First Kitchen 或 Kitchen Origin

如果想要好快咁食完一餐飯, 你都可以嚟First Kitchen 或者 Kitchen Origin。First Kitchen係溫蒂漢堡嘅子公司，而Kitchen Origin則係AEON嘅。呢度有幾種購買方式。點餐之後等佢煮好；或者喺預先整好嘅菜式入面揀外賣帶返歸。絕對係經濟實惠嘅一餐。我鍾意呢間店係因為可以自由選擇自己想食嘅菜式。

西式速食餐廳

雖然香港都有麥當勞同肯德基，但係時候去發掘一啲新事物喇，試吓去幫襯日本連鎖速食餐廳啦。而日本嘅麥當勞係無辣椒醬㗎！食食吓你會習慣食薯條唔沾醬。而最受歡迎嘅漢堡包店係Mos Burger (摩斯漢堡)、Freshness Burger同濃特利漢堡。日本到處都可以見到呢啲連鎖店嘅蹤影，而佢哋各有各嘅魅力。

薩莉亞Saizeriya

或者可以試吓薩莉亞嘅義粉、薄餅同焗烤食物啦。薩莉亞係一間家庭式義大利料理連鎖餐廳。佢嘅平價喺學生同一家大細都好受歡迎，仲會提供素食。如果你無食過焗烤食物，你都可以試吓。喺肉和飯上面擺滿芝士一齊去焗, 整出嚟真係好好味㗎。餐單上睇起嚟感覺份量係有啲少, 但其實佢款式豐富實在係正㗎。其他日本餐廳都會有提供, 但強烈推薦你去薩莉亞試吓佢嘅焗烤菜式呀!

東京美食嘅價位

一般嚟講, 一餐嘅洗費會係500日圓至3,000日圓之間。取決於你喺邊食嘢，高級料理嘅話就要使更多錢。當你去銀座食高級料理，或者係去食出名廚師嘅餐廳，例如數寄屋橋次郎等，食一餐都分分鐘使你超過30,000日圓㗎。

而便利店嘅食物通常都好平。大約500日圓至700日圓，你就可以食到即食食品, 例如薄餅、豬排丼或壽司，而且店員都可以幫你加熱食物。

坦白講，喺東京你都可以食到美味多汁嘅牛排、韓國料理、印度料理、中華料理名其他西式料理。好多嚟自唔同國家嘅人喺東京開餐廳，服務好多外國人（通常喺新宿等地區），亦係為咗迎合嚟自其他國家遊客嘅口味。無論你喺邊，或者都會喺東京某個角落搵到一間餐廳符合你嘅口味。當你煩惱緊要食乜果時, 想搵好嘢食就去東京站或者神田站呢啲大站附近嘅餐廳啦。