勁好味嘅日式多士食譜 Vol. 3！麵包仲有呢啲食法！
早餐最基本就係食麵包或者多士，加埋雪櫃入面現有嘅食材，就可以簡單整出豐富又美味嘅早餐囉！
1. 芝士蛋糕風多士
將3匙有甜味乳酪同橙味果醬攪拌後喺搽上方包，加上一片芝士再搽上果醬，焗5分鐘左右令多士焗到變色。乳酪喺多士上帶出梳乎厘嘅口感，如果係用無糖乳酪，可以再撒上糖，無橙味果醬時，亦可以加上檸檬汁 。
2. 泡菜芝士熱三文治
將方包放上平底鍋，搽上蛋黃醬同切片芝士、泡菜、再一片芝士最後再放上麵包。喺平底鍋上兩面反復煎，亦可以用橄欖油加添美味！
3. 烚蛋 蛋黃醬多士
方包切片後，放上烚蛋、蛋黃醬，同加啲咖哩粉後焗5到6分鐘，比起整三文治仲簡單而且份量十足呀，亦可以加啲香草(Parsley)或蔥一齊焗都好好味㗎！
4. 焦糖蛋黃醬多士
喺方包上塗滿蛋黃醬同砂糖，焗5分鐘至焗出金黃色後完成。蛋黃醬同砂糖創造出不可思議嘅好味，亦可以加上一點蜂蜜亦好好食呀。
■系列文章：