勁好味嘅日式多士食譜 Vol.１簡單易整麵包多士食譜推介♪♪
早餐係一日裡面最重要嘅一餐。相信包括我在內,好多人都曾經係細細個嘅時候不斷地被提醒早餐嘅重要性。熱騰騰嘅飯、一碗暖胃嘅味噌湯和烤魚，係傳統日式早餐嘅菜色。好可惜嘅係，我比較偏好西式早餐例如係烤多司、煎蛋和香腸嘅組合，但我實在無法離開日本生活。然後有一日，我突然異想天開諗到或者我可以用某種方式將兩種唔同風格嘅早餐結合為一，而我所做嘅嘗試，就係用日式料理嘅巧思去做多士料理。下面介紹幾種我嘗試過嘅食譜。
日式鼓油風多士焗蛋
材料：
・1 塊你所喜愛嘅方包
・1 大匙牛油
・1 隻蛋
・你所喜愛芝士（任何種類都OK）
・蔥花少許
・3 大匙鼓油
步驟：
- 用湯匙將麵包中心按壓出一個凹洞，再將牛油均勻地搽係麵包上，直接將雞蛋打係麵包中心嘅凹洞位中。
- 放入多士爐焗至雞蛋呈半熟。
- 從多士爐中將麵包拿出，撒上芝士、蔥花。唔好唔記得將最重要嘅鼓油淋係面吖。
- 將麵包放去多士爐繼續焗到芝士融化為止。
大功告成！好簡單SO EASY對吧！
真心，食落比想像中好食太多。我無諗過鼓油和芝士竟然係絕妙嘅配搭。
芝士味噌沙律醬多士PIZZA
材料：
・1 塊你所喜愛嘅方包
・蔥花
・你所喜愛芝士（任何種類都OK）
・2 茶匙味噌
・1 茶匙沙律醬
・魩仔魚
・芝麻
步驟：
- 將味噌與沙律醬均勻攪拌，做成醬料。
- 將醬料平鋪於麵包上。
- 鋪上魩仔魚、蔥花、芝麻等配料後，放入焗爐。
味噌跟沙律醬MIX MIX？無錯，以為老死不往來嘅兩者,將會因此成為絕妙嘅醬料。做法既簡單又好味，所以我仲會鐘意係食青瓜或番茄等蔬菜時點嚟一齊食，非常促進食慾。
照燒雞肉多士
材料：
・1 塊你所喜愛嘅方包
・蔥花
・照燒雞肉
・甜粟米粒
（如果你想自己製作照燒雞肉，只要將各一茶匙糖和醬油混和，放入雞肉醃一醃，再將醃過嘅雞肉烤一烤即成）
步驟：
- 將照燒雞肉放係麵包上。
- 撒上些許甜粟米粒和蔥花
- 在上頭擠上些許沙律醬，再放入焗爐。
我係在上頭撒上紫菜絲作為裝飾，令佢望落賣相更好亦更美味。如果您手頭上無紙菜都唔緊要,唔加都OK。鹹鹹甜甜嘅照燒雞肉、甜粟米粒和沙律醬結合係一齊真係人間美味！
而呢份多士嘅份量一定能夠滿足填飽你嘅胃。
我所做嘅所有食譜都非常簡單，主要係想任何人都可以輕易地在家嘗試製作以上嘅料理。如果你想試試其他不一樣嘅料理，咁就歡迎嚟試試係一般白方包上添加食材，簡單快捷無難度。
建議你可以試試上面嘅做法，或者創作屬於自己原創風格嘅多士。