喺日本嘅酒店餐廳、飲食店以固定金額享用所有料理、甜點，食到好滿足、好飽嘅服務叫做「食べ放題（Tabe-houdai）」。如果係酒、其他飲品飲到飽嘅話則係「飲み放題（Nomi-houdai）」。無論係邊一項，有時間限制嘅店佔大多數；點餐式或者係自助Buffet嘅形式都有。今次要介紹嘅係日本邊度都有食到飽、飲到飽嘅店，同埋消費方式仲有平均價格您會想事先知道嘅小知識！

邊D地方會實施「食到飽」、「飲到飽」方案呢？

「食到飽」嘅餐廳，無論係日間、夜間，大部分酒店入面嘅餐廳或者係餐飲店都會有提供；「飲到飽」則係夜間營業嘅居酒屋、部分嘅餐廳、酒店、卡啦OK或者係網吧等都有提供。此外，仲有喺午餐時段或者係晚餐時段，提供甜品食到飽嘅餐廳。另外仲有觀光果園提供自己摘嘅草莓、葡萄、藍莓等當季水果，凈係食自己鐘意嘅水果食到飽方案。

有D乜種類呢？

酒店附設餐廳嘅食到飽大多提供壽司、炸天婦羅等日式料理、中華料理、義式料理等各種組合，更有喺客人面前直接料理嘅「即做、現烤廚房」作為吸引焦點嘅餐廳都有好多。一般嘅餐飲店有好多好似係燒肉食到飽、涮涮鍋食到飽等專門店，僅提供午間食到飽嘅店都有。飲到飽嘅消費，一般則係啤酒、紅酒、日本酒等酒精性飲料同非酒精飲料飲到飽。如果店家有食到飽同埋套餐價格兩種嘅話，亦都有一D店需要支付額外嘅服務費或者係另外付費加購。

平均價位同限制時間係？

酒店嘅餐廳中午時段大約係3,000～5,000日圓左右；晚間則係6,000～8,000日圓左右。普通餐飲店嘅午間大約係1,000～2,000日圓左右；晚間則係3,000～4,000日圓左右。價格會依據大人/小童、平日、周末假日而有所唔同。限制時間則以60～120分鐘不等為最常見。飲到飽則係以120分鐘2,000日圓為最普遍常見嘅價位。

點餐式同自助取餐式

喺日本嘅食到飽有分為睇菜單點餐、或者係放喺公用料理架台上面，俾客人自己去拿，呢兩種方式。點餐式嘅係喺所有餐點食完之後再繼續追加，點太多食唔曬嘅話會被額外收取費用。無論係準備時間短嘅壽司、中華料理定係燒肉、涮涮鍋都有類似嘅規定。

飲到飽多為點餐式，喺家庭式餐廳則會喺櫃台設置飲料吧，俾客人自己拿空杯去裝飲品。

事先要知道嘅小知識同注意點

自助取餐式嘅食到飽，係以手持餐盤以順時針方向圍繞住公用料理架台行進，拿取餐點。盛太滿係違反咗用餐禮儀，一個餐盤大概拿3到4道餐點適宜，另外食唔曬凈好多嘅係NG行為。飲到飽則要注意通常喺限制時間前10～15分鐘前last order。