關東地區係日本47個都道府縣中，大受訪日遊客歡迎嘅地區之一。當中，無論係日本首都東京、擁有旅遊勝地橫濱嘅神奈川、作為東京嘅睡城（通勤者居住嘅城鎮）並且人口持續增加嘅埼玉和千葉、北關東嘅群馬、栃木、茨城等地，每個都道府縣都各具特色。

今次要介紹關於關東地區嘅特點，以及不同縣民嘅性格差異和因為相鄰而存在嘅競爭關係！如果了解以上幾點，將會令他嘅關東之旅變得更加有趣！

首先複習一下關東地區各縣位置和交通情況吧！

正如代表日本嘅鐵路公司分為JR東日本和JR西日本一樣，日本喺表達地區時經常使用「東」、「西」二字。以下落嚟，將會探討與關東有關嘅各種詞彙差異、關東各個縣區嘅特色以及移動時間等方面嘅資訊。

關東地區其實係指邊區？了解「關東」「關東甲信越」「首都圈」等字眼的意思！

雖然並沒無明確定義，但「關東地區（關東地方）」指嘅係東京、千葉、埼玉、神奈川、群馬、栃木、茨城，1都6縣嘅區域。而以上7個都縣嘅大部分城市係位於面積約1.7萬平方公里嘅關東平原，亦係日本最廣闊嘅平原。

「關東甲信越」係指將關東地方1都6縣，加上屬於甲信越地區嘅山梨、長野、新潟3個縣區嘅總稱。呢個字眼喺天氣預報等場合被廣泛使用，主要基於地理上接近，而唔係因文化上嘅聯繫而被使用。「首都圈」係新聞節目和行政機構經常使用嘅字眼，指嘅係根據「首都圈整備法」所規定嘅地區分類，包括關東地區嘅都道府縣以及山梨縣。

另外，表示東京、埼玉、千葉、神奈川，1都3縣嘅「東京圈（東京都市圈）」、北部嘅茨城縣、栃木縣、群馬縣等3縣（有時埼玉縣亦會包含在內，成為4縣）嘅「北關東」等字眼，亦經常被使用。

關東地區「關東」一詞究竟係咩意思？點解要叫做關東呢？

點解要將包括東京在內嘅1都6個縣稱為「關東」呢？據悉有多個講法，其中一個係話因為古代天皇於673年喺東山道、東海道、北陸道設置關所（又稱關卡）而得此名。當時，將位於呢三個關所嘅東部地區整體稱為「關東」，隨著時代演變，該地區亦逐漸明確化。另外，現時嘅「關東」地區被認為係於明治時代所確立。

東京圈內移動只需約1小時～1小時30分！即日來回好輕鬆的關東地區

關東地區擁有豐富嘅鐵路網，包括JR、東京Metro和都營電鐵等。令人驚訝嘅係，喺東京圈內用一小時嘅短時間內就可以輕鬆移動至各縣區！

例如，從東京池袋站到埼玉縣大宮，乘坐JR埼京線和湘南新宿線只需約30分鐘！從東京站搭乘上野東京線（宇都宮線、高崎線）用嘅時間亦差唔多。

從東京站到千葉站嘅所需時間，如果乘搭JR總武線特急列車，最快只需26分鐘。而到舞濱，即東京迪士尼樂園®，乘坐京葉線約20分鐘即可抵達。

往神奈川方向可利用JR東海道線、橫須賀線、京濱東北線、湘南新宿線，從東京車站和品川車站出發。另外，從品川車站可乘搭京濱急行線，從澀谷車站可乘搭東急東橫線，皆可於約30分鐘即可到達目的地。

除此之外，往茨城方向嘅話，從秋葉原車站到筑波車站最快約45分鐘，從東京車站到水戶車站約70分鐘。從東京車站乘坐新幹線可到達群馬縣高崎和栃木縣宇都宮，大約需時50分鐘，因此可於1小時～到1小時30分內到達以上提及到嘅縣區主要城市。

日本旅遊人氣之選！關東地區各都縣嘅特色&觀光景點介紹

• 東京都:有著澀谷十字路口、東京晴空塔、東京塔、上野恩賜公園、淺草寺等著名景點！
• 神奈川縣：有橫濱紅磚倉庫、中華街嘅橫濱・港未來地區、湘南海岸、箱根溫泉地等，可以同時享受到海與山兩者嘅魅力。
• 埼玉縣：距離東京市中心最近，只需30分鐘即可到達！秩父嘅絕景和川越懷舊街景亦係不可錯過嘅精彩位。
• 千葉縣：著名嘅東京迪士尼度假區和銚子電鐵等景點。另外，千葉亦擁有成田國際機場，以及勝浦和成田山新勝寺等著名歷史景點。

• 茨城縣：擁有以粉蝶花著名嘅國營日立海濱公園、偕樂園等季節花卉景點！仲可以喺筑波研究學園都市體驗最先進嘅技術。
• 栃木縣：以日光、那須高原度假勝地、鬼怒川溫泉聞名。如果講到美食，就唔好錯過宇都宮餃子！
  
• 群馬縣：擁有草津溫泉、四萬溫泉、伊香保溫泉、水上溫泉等，稱得上係關東地區嘅頂級溫泉王國！同時亦擁有尾瀨等，多個大自然景點。

北關東（茨城、栃木、群馬）永恆的競爭對手！獨特的「不良文化」&汽車社會

北關東（茨城、栃木、群馬3縣，不過有時亦會加埋埼玉縣在內）嘅特點係經常被點名與其他地區作比較。根據前陣子某間民間調查機構所公佈嘅都道府縣魅力度排行榜，茨城縣排喺第47位，栃木縣排喺第46位，群馬縣排喺第45位，北關東竟然包攬晒最尾3位...以下落嚟，將介紹有關北關東地區嘅資訊。

不良文化

北關東地區自古以來就存在著「不良文化」（不良少年），深夜時分，經常會見到穿著稱為「Jersey (ジャージー)」嘅運動服裝嘅年輕人，聚集喺便利店附近、停靠著電單車或浮誇嘅改裝車等情景。

汽車社會

人們擁有私家車嘅比例較高，更加係人氣漫畫《頭文字D》嘅舞台所在地——群馬縣澀川。另外，該地區更擁有多條大受汽車迷歡迎嘅山路行車線。或許係因為當地縣民對自己嘅出生縣抱著無限熱愛，並經常揸車去鄰近縣市旅行，因此對於鄰近縣市嘅評價往往相當苛刻。

北關東3縣知名度競爭激烈！彼此之間競爭意識毫不掩飾

當群馬縣嘅居民話「群馬有世界罕見嘅哈迪達斯工廠，連札幌一番味噌拉麵都係喺群馬製造，如果無群馬大家都會好頭痕呢！」，栃木縣居民就會好得戚咁答「咁栃木有日光、仲有鬼怒川溫泉呢！」，茨城縣嘅縣民則表示「我哋呢度有其他兩個縣都無嘅「海」吖，所以對群馬和栃木都唔太感興趣。另外，「茨城」嘅發音唔係『Ibaragi（いばらぎ）』，而係『Ibaraki（いばらき）』喔！」。北關東各地區嘅縣民，皆對自己嘅出生縣充滿著熱愛，彼此之間總會燃點起互相競爭嘅火花。

關東各都縣特色說明！

關東地區嘅本地居民極具個性！

「出生自東京」的東京人原來非常罕見？關於聰明友善的東京都民

東京有著澀谷十字路口、平日朝早非常擠迫嘅滿員電車等，以人口密度高而聞名，不過實際上喺東京土生土長嘅東京人卻非常罕見！

由於關東地區擁有發達嘅公共交通設備，所以有唔少住關東周邊地區嘅會去東京都內嘅公司、學校等返工返學。另外，其他縣區嘅縣民亦有對東京抱著一顆憧憬之心，渴望透過升學、就業或職場調遷等機會，從而踏上前往東京生活，此等情況亦非常普遍。

實際上，當問起同班大學同學「你係咪東京出身？」，可能好多時全班所有人都係來自其他縣區嘅縣民。或者係因為經常與遊客和來自其他縣區嘅縣民頻繁接觸，土生土長嘅東京人相當機智，能夠與任何人輕鬆交談。

喜愛新事物＆好想講「出身自橫濱」的神奈川縣民

因為橫濱自昔日便作為與海外貿易嘅據點，有著悠久歷史，所以被稱為「Hamakko（ハマっ子）」嘅橫濱出身者對於海外特色美食和流行趨勢亦非常敏銳！此外，一般日本人被問及出身地時，通常會回答道都道府縣嘅名稱，但橫濱出身者「Hamakko」唔會答「神奈川縣出身」，而係答「橫濱出身」。呢個亦係對橫濱呢個地方，充滿自豪感嘅證明。

對「海洋」嘅渴望過度強烈的埼玉縣民

日本僅有8個嘅「無海縣」，埼玉縣就係其中之一。當地縣民對海洋嘅憧憬非常強烈，於2022年2月關閉嘅埼玉水上公園正正係根據「喺無海嘅埼玉縣建造一個大型休閒水上遊樂池」嘅構想下而建立！

此外，橫跨越谷市和埼玉市岩槻區嘅「Shirakobato水上公園」，更使用特地從澳洲運來嘅白砂去建造一大片白色沙灘。僅憑呢一點就能理解埼玉縣民有幾咁熱愛海洋。

以東京迪士尼度假區®和成田機場自豪的千葉縣民

千葉縣民最引以為傲嘅，當然係東京迪士尼度假區®！浦安市嘅成人禮每年都會喺呢個度假區舉行。另外，作為國際級玄關口而聞名嘅成田機場，亦係千葉縣民嘅驕傲，並以「從海外通往日本嘅玄關口並非東京嘅羽田機場（東京國際機場），而係千葉嘅成田機場！」為榮，亦係千葉縣民獨有嘅自豪感。

以為茨城方言等於標準語的茨城縣民

喺茨城縣經常使用嘅方言係「茨城方言」。喺日本其他地區嘅縣民，會用不同嘅音調去區別「同假名（日本人創造嘅表音文字）同讀法但意思不同嘅詞彙」，例如「Ame/あめ（糖果）」和「Ame/あめ（雨水）」、「Hashi/はし（橋樑）」和「Hashi/はし（筷子）」，但係茨城方言中並唔會以不同音調作區分。

因為口音非常重，有時候會被認為係「說話方式刻薄」，但唔少縣民認為「我哋唔係有口音，我哋講緊嘅係標準語」......

唔只食宇都宮餃子，仲會食鯊魚的栃木縣民

作為「無海」嘅栃木縣，從古時候就有食鯊魚肉嘅習慣。

因為鯊魚肉腐敗速度緩慢，於屬於內陸縣嘅栃木縣流通。栃木方言中，「Saganbo/サガンボ」和「Moro/モロ」都係指鯊魚肉，喺部分地區更會於正月時食用。

人氣漫畫、傳說樂團的起源地...實際上渴望引人注目的群馬縣民

群馬縣經常被認為係一個「低調嘅縣份」，但其實，群馬縣係人氣漫畫《頭文字D》嘅舞台所在地。故事中主角喺榛名山等駕駛路線上與對手進行高速競速。

另外，高崎市出身嘅音樂家中，有80年代人氣搖滾樂團BOØWY嘅主唱冰室京介、吉他手布袋寅泰等，佢哋嘅粉絲們甚至會進行聖地巡禮！當時嘅音樂人更以「難以掌控嘅不良樂團」去形容佢哋。

群馬縣擁有多個源於「不良文化」所衍生出嘅當地文化，亦有多位名人出身於此縣。另外，群馬縣民可能擁有不甘示弱嘅精神、熱愛自己嘅出身縣區、渴望引人注目嘅性格特質。