【日本大阪】平食日本國產牛肉！大阪超抵食燒肉任食放題文化&店舖推介

大阪有多間以超值價，提供高質日本國產牛肉嘅燒肉店。今次，小編會為大家介紹高人氣嘅「大阪的燒肉」飲食文化，亦嚴選出提供任食燒肉放題，CP值勁高嘅餐廳推介。

「大阪的燒肉」文化。點解會掀起熱潮？

喺日本，自古以來大阪就被稱為「天下的廚房」、「食到傾家蕩產的街道」。發源於大阪嘅章魚燒、炸串等名產更不計其數。據聞將燒烤好嘅燒肉點醬食用呢個現今日本燒肉嘅享用方式，其實係源自於大阪喔。

咁究竟點解，無論係日本人，定係海外遊客，都會去大阪大嘆特嘆燒肉大餐呢？皆因大阪有多間燒肉店，而店鋪間會互相競爭價格和質素，因此喺大阪可以食到比其他地區更抵更划算嘅燒肉。另外，隨著以上店舖增加，前往大阪燒肉店嘅人數亦相繼遞增，從而誕生出大阪嘅燒肉文化。

喺大阪最受歡迎嘅係提供任食放題嘅燒肉店。特別係以道頓堀和心齋橋為主，被稱為「Minami（ミナミ）」嘅繁華街道，燒肉放題店更開到成行成市。

當中，有低至1,000日圓（不含稅）就可以享用燒肉放題大餐嘅「298（にくや）」。另外，亦有提供日本產牛肉，講究品質嘅燒肉放題店「Aburiya（あぶりや）」，多間魅力滿載嘅燒肉店互相競爭，造就燒肉熱潮嘅誕生。

燒肉放題店 298 (にくや)：總之就係勁平超抵食！任食燒肉只需1000日圓

距離車站非常近嘅298(にくや)心齋橋店，最講究係價錢要夠平。90分鐘嘅燒肉放題，竟然只需1,100日圓（含稅）。而且最厲害嘅係低價得嚟，都好重視食物嘅味道和種類。燒肉放題套餐除咗有牛肉、豬肉、雞肉等肉類之外，仲有椰菜、泡菜等蔬菜類、同埋咖喱、白飯等任君選擇。

而小食當中最高人氣嘅係「298的講究咖哩」（298こだわりカレー），係一款以豬肉和雞肉、好幾款烤焗蔬菜為主，使用30種以上嘅香料和298原創醬汁所製作而成嘅咖喱。

再者，只要加多580日圓（含稅），仲可以享用埋不含酒精飲品任飲服務添。大阪地區仲有其他298嘅店，根據唔同店鋪，亦有提供可追加牛舌和豬舌嘅任食選項。大家可以喺時尚嘅燒肉店內，享受超值好滋味燒肉放題喔。

※由於採購成本高漲影響，今後價格可能會有所變更。關於價錢相關嘅最新資訊，請於官網上確認。

景點資訊

店鋪名稱：298（心齋橋店）
地址：大阪市中央區心齋橋筋1-2-8
交通：從心齋橋站徒步約2分鐘
營業時間：11:30～23:00
官網：https://298group.com/

Aburiya (あぶりや)：以年齡計價錢！一家大細都可以輕鬆享受燒肉好時光

喺「Aburiya (あぶりや) 道頓堀御堂筋店」可以盡情享受由專業人士嚴選嘅高質肉類，以及各種別出心裁嘅小食餐單。2小時制嘅「國産牛任食放題套餐」為大人3,980日圓（未含稅）、4至6歲幼兒550日圓（未含稅）、小學生1,990日圓（未含稅）、60至69歲人士3,580日圓（未含稅）、70歲以上人士3,380日圓（未含稅）。可以品嚐到赤身、上等牛五花等燒肉用日本產牛肉，厚身扒肉、豬肉和雞肉等肉類。仲有泡菜等前菜、湯類、沙律、石鍋拌飯等飯類等選項。每人亦可點一道甜品享用喔。

講究與生產者合作製作新鮮度和品質優良嘅肉品。使用專業切割技術，每個唔同部位都會改變其切法，務求為大家提供具新鮮美味狀態嘅高質肉品。蔬菜除咗有一部份之外，基本上都係使用日本產嘅，例如燒烤用蔬菜和生菜葉等，可以充分品嚐得到日本嘅好味道。「Aburiya (あぶりや) 」亦相當講究清潔，店內更會交由清潔打掃專家去負責店舖清潔，係一間可以享受美味燒肉和熱情款待嘅燒肉店。