關東地區除咗市區內有被綠化嘅賞櫻環境、時尚街道染成一片粉色嘅櫻花美景，仲有日本庭園與被大自然包圍嘅水壩湖等櫻花名勝，有多個充滿個性嘅賞花景點。今次小編會為你介紹FUN!JAPAN嚴選10個關東地區嘅賞櫻名勝。當中，除咗有被選為「櫻花名勝100選」嘅景點之外，仲有一般人未必知道嘅櫻花秘境喔！

1. 東京都 隅田公園

橫跨隅田川沿岸兩岸嘅「隅田公園」為「櫻花名勝100選」之一，其長達約1公里嘅櫻花樹係從江戶時代開始種植，可謂歷史悠久。春天時分，園內嘅染井吉野、枝垂櫻等櫻花盛開，亦會舉行櫻花祭。晚上會亮燈，可以欣賞到與白天不一樣嘅夢幻風景。而且能夠同時望到櫻花與世界最高嘅塔——東京晴空塔同框嘅美景，亦係呢個公園嘅魅力所在。另外，推薦乘搭水上巴士、屋形船一邊遊船一邊賞櫻喔。

景點資訊

• 賞櫻時期：3月底～4月頭
• 交通：從淺草站徒步約2~3分鐘
• 地址：Map

2. 東京都 千鳥之淵

種植超過1000棵櫻花嘅皇宮護城河——千鳥之淵。「千代田櫻花祭」（2022年取消）晚上亮燈後，營造出夢幻般嘅氛圍。千鳥之淵有多個櫻花必睇位，其中之一係長約700米嘅漫遊步道「千鳥淵綠道」，路上種植了染井吉野等260棵櫻花。而最重點嘅係從護城河坐住小艇賞櫻，享受特獨嘅櫻花美景。

景點資訊

• 賞櫻時期：3月底～4月頭
• 交通：從半藏門站或九段下站徒步約5分鐘
• 地址：Map

3. 埼玉縣 羊山公園芝櫻之丘

埼玉縣羊山公園擁有種植面積為關東屈指可數嘅芝櫻山丘，鋪滿了深粉色、淡粉色、白色等40萬棵以上，10種品種鮮豔色彩嘅芝櫻，望落就好似電影或電視劇中嘅花田一樣。芝櫻所打描繪出嘅圖案，設計理念其實係來自被定為UNESCO無形文化遺產嘅秩父夜祭上，伴奏手服裝上嘅圖騰與夜祭中嘅躍動感。每年春天櫻花盛開之時都會舉辦「芝櫻祭」（2022年取消），到時可以品嚐得到秩父當地嘅美食添。

景點資訊

• 賞芝櫻時期：4月中～5月頭
• 交通：從西武秩父站或秩父鐵道御花畑站徒步約20分鐘。
• 地址：Map

4. 埼玉縣 幸手權現堂櫻堤（縣營權現堂公園）

幸手權現堂櫻堤約有1000棵染井吉野櫻花樹，形成一條長達1公里嘅櫻花隧道。四周一大片嘅金黃色油菜花田，與淡粉色染井吉野櫻相輝映，加上湛藍色嘅晴空形成令人讚嘆嘅絕妙景色。櫻花祭舉行期間會亮燈（2022年取消），可以欣賞得到夢幻嘅夜櫻景致。夜晚嘅櫻花有別於白天沐浴於陽光下鮮豔盛開嘅櫻花，別有一番風味！

景點資訊

• 賞櫻時期：3月底～4月頭
• 交通：從「幸手站」巴士站乘搭巴士，到「權現堂」約6分鐘，落車後徒步約10分鐘
• 地址：Map

5. 神奈川縣 橫濱港未來嘅櫻花通等街道

「橫濱港未來」有多個賞櫻地點。當中，可以稱得上為經典櫻花景點嘅係長約500米、約有100棵櫻花樹並排嘅「櫻花通」。喺呢條街道上，每年都會舉辦「櫻花節」，可以一邊享受美食車、小店販售嘅美食一邊欣賞櫻花，相當寫意。夜晚會亮燈，將大摩天輪與橫濱地標大廈點上醉人嘅櫻花色，令你可以喺繁華時尚嘅街道上欣賞到璀璨奪目嘅櫻花美景。

景點資訊

• 賞櫻時期：3月底～4月頭
• 交通：從JR櫻木町站徒步約5分鐘
• 地址：Map

6. 神奈川縣 根岸森林公園

「根岸森林公園」位於橫濱市高地上嘅自然山丘，園內擁有種植了約400棵染井吉野等櫻花嘅「櫻山」，點綴著綠意盎然嘅風景。仲可以喺櫻山附近嘅大草地上舖上野餐墊，再搭個簡易帳篷，隨心享受賞花樂趣。另外，由於園內通路亦有種植晚櫻，所以賞櫻期會相對地長，亦係呢個公園嘅魅力之處。

景點資訊

• 賞櫻時期：3月底～4月頭
• 交通：從JR根岸站或山手站徒步約15分鐘
• 地址：Map

7. 千葉縣 佐久間水壩湖親水公園

佐久間水壩湖親水公園嘅漫遊步道上種植了約2200棵櫻花，係千葉屈指可數嘅櫻花勝地。而且，賞櫻時間比較長，從2月中嘅賴朝櫻（河津櫻）開始，到神代曙櫻、染井吉野櫻、八重櫻等會陸續開花，賞花期會去到4月中左右。因此，櫻花祭亦會分別舉辦2次（2022年取消），2月可以欣賞到賴朝櫻，3至4月就到染井吉野櫻等盛開。喺呢個公園可以欣賞到充滿櫻花色彩嘅動人景色。

景點資訊

• 賞櫻時期：2月中～4月中
• 交通：從JR安房勝山站乘搭巴士，到「佐久間水壩入口」巴士站約35分鐘，落車即到
• 地址：Map

8. 群馬縣 赤城南面千本櫻

「赤城南面千本櫻」係一條長1.3公里嘅櫻花隧道，亦被選為「櫻花名所100選之地」之一，1000棵以上嘅染井吉野櫻一同盛放嘅美景，相當吸睛。而且，鄰近嘅「山羊千本櫻之森」公園，包括海外品種在內，可以欣賞到37種，約500棵櫻花。花期中會舉辦 「赤城南面千本櫻花祭」，晚上亦會亮燈，可以邊嘆屋台美食邊賞黑夜中嘅夢幻夜櫻美景。

景點資訊

• 賞櫻時期：4月頭～4月中
  
• 交通：從上毛電氣鐵道大胡站乘搭的士或故鄉巴士約20分鐘
• 地址：Map

9. 茨城縣 偕樂園

喺「日本三名園」之一嘅「偕樂園」可以欣賞到染井吉野櫻等600棵，富含多個品種嘅櫻花。當中仲有從秋天到冬天開花量較少、到春天盛開，一年開花兩次嘅珍貴櫻花「二季咲櫻」。而更特別罕見嘅櫻花係位於昔日水戶藩主嘅別墅——好文亭前面嘅二季咲櫻。呢棵櫻花樹左右分枝，各樹枝都會開出唔同顏色嘅花，相當特別。

景點資訊

• 賞櫻時期：3月尾～4月頭
• 交通：從「水戶站北口」巴士站乘搭巴士到「偕樂園前」約20分鐘，落車後徒步3~5分鐘
• 地址：Map

10. 栃木縣 天平之丘公園

喺「天平之丘公園」可以欣賞到約500棵櫻花，其中有350棵為八重櫻。當中，被定為國家天然紀念物嘅根尾谷淡墨櫻、三春瀧櫻、山高神代櫻等日本三大櫻花嘅子孫樹係必賞櫻花之一。春天會舉辦「天平花祭」（2022年取消），可以喺度品嚐到當地美食。另外，園內仲有古民家咖啡店喔。可以將外賣便當，坐喺公園一角邊野餐邊賞櫻。

景點資訊

• 賞櫻時期：3月底～5月頭
• 交通：從JR小金井站坐的士約10分鐘。
• 地址：Map