日本全國總共有47個都道府縣，每個地方都有當地獨特嘅風土文化。各地區嘅氣候、習慣、語言都有所差異。

唔知大家又記唔記得，除咗以大阪、京都等近畿地區一帶所使用嘅關西腔，FUN! JAPAN仲曾經介紹過會喺文章句尾加上「じゃん (jan)」、「だべ (dabe)」嘅神奈川縣民，以及將菇類稱為苔蘚嘅石川縣民呢？本篇文章會重新解説何謂「日本方言」，以及會同大家分享「Good Morning」、「Excuse Me」、「Thank You」等等，旅行中經常會用到嘅方言版問候語喔！

日本究竟有幾多種「～方言」？

日本全國各個都道府縣一律通用嘅共同語言叫做「標準語」，「方言」係指各地區當地嘅本土語言，無論係用詞、音韻、口音等等，都與「標準語」大不相同。

直至現時為止有各種日語相關嘅研究，而喺研究方言方面，則以明治時代嘅國語學者——「東條操」於1953年發表所發表，以語法、詞彙等作劃分基礎嘅「方言區劃論」最為眾人所應用。根據東條操嘅方言區劃論所指，日本方言大致可以分為「本土方言」和「琉球方言」（沖繩群島、先島群島、鹿兒島縣奄美群島等，昔日屬於琉球王國區域所使用嘅各種語言）兩種。

當中，「本土方言」大致分為「東部方言」、「西部方言」、「九州方言」3大分類，喺大分類中會再進一步細分成「北海道方言」、「東北方言」、「關東方言」、「東海・東山方言 」「近畿方言」、「四國方言」等分類。根據方言區劃論，本土方言和琉球方言合共被分類成16種方言。

「○○腔」比「方言」分得更仔細，係各地區和都道府縣所使用嘅當地語言。

例如，北部有北海道腔（北海道）與津輕腔（青森縣），南部有鹿兒島腔（鹿兒島縣），據說「腔」嘅數量於日本全國更高達140種。即使同樣屬於「北海道腔」，亦有分為內陸部（札幌、旭川、帶廣等）和海岸部（函館、室蘭、釧路等），根據不同嘅所在區域，語法和表達方式亦有所不同。

當中，青森縣嘅「津輕腔」被稱為「日本最難理解嘅方言」，據聞即使係日本人，除咗當地人之外，幾乎都無法理解（因為發音和口音，與法文相似，更有某大型汽車製造商嘅廣告內容係，故意營造於車內使用流暢法文對話嘅氛圍，但實際上講緊嘅係津輕腔喔）。正如以上所講，雖然同樣係「日語」，但使用方言嘅時候，出現其他縣民聽唔明，雞同鴨講嘅情况亦絕不稀奇。

跟住落嚟，小編要開始講解方言嘅問候用語（方言Ver.）。當中包括大受FUN! JAPAN讀者歡迎嘅人氣旅遊目的地—沖繩、福岡、愛知、青森、北海道嘅方言喔。如果將以下介紹嘅方言用語，發揮得淋漓盡致嘅話，話唔定會被當地人稱讚「您嘅日文好流利喔！」，令您嘅日本之旅更添樂趣。

※只挑選了一部分嘅方言用語。

（Good morning）嘅日文「おはよう（ございます）/ O-ha-yo-u (Go-za-i-ma-su）」方言版係？

※「おはようございます / O-ha-yo-u Go-za-i-ma-su」係比「おはよう / O-ha-yo-u」更有禮貌嘅表現。

• 北海道：
  おはようございました / O-ha-yo-u Go-za-i-ma-shi-ta

北海道部分地區，認為使用過去式「～でした / ～de-shi-ta」，係屬於有禮貌嘅表現，據聞係對於長輩、前輩們表示敬意嘅用語。

• 青森：
  おはよごす / O-ha-yo-go-su

• 愛知：
  はやいなも / Ha-ya-i-na-mo

• 沖繩：
  うきみそーちー / U-ki-mi-so-chi

主要係沖繩本島所使用嘅方言，直譯嘅話，可以理解為「起咗身啦？」 因此於起床後，馬上使用吧。另外，出門後使用「はいさい / Ha-i-sa-i」（男性）或「はいたい / Ha-i-ta-i」（女性）會比較自然。

（Good afternoon / Hello）嘅日文「こんにちは / Ko-n-ni-chi-wa」方言版係？

• 青森：
  こんにずは / Ko-ni-zu-wa

• 沖繩：
  ちゅーうがまびら / Chu-u-ga-ma-bi-ra
  或 はいさい / Ha-i-sa-i（男性）・はいたい / Ha-i-ta-i（女性）

「はいさい / Ha-i-sa-i」、「はいたい / Ha-i-ta-i」係不分早、午、晚，喺任何時間帶都可以使用嘅萬能打招呼用語，小編建議去沖繩旅行嘅時候，只需要記住呢句就OK！

（Good evening）嘅日文「こんばんは / Ko-n-ba-n-wa」方言版係？

• 北海道＆青森：
  おばんです / O-ba-n-de-su
  或 いは おばんでした / O-ba-n-de-shi-ta

「ばん / ba-n」相當於漢字「晩」。使用者年齡層為40、50歲人士居多，亦會於比較拘謹、或公開場合時作打招呼使用。

• 愛知：
  おしまいやす / O-shi-ma-i-ya-su

（Thank you）嘅日文「ありがとう（ございます） / A-ri-ga-to-u (Go-za-i-ma-su)」方言版係？

※「ありがとうございます / A-ri-ga-to-u Go-za-i-ma-su」比「ありがとう / A-ri-ga-to-u」更有禮貌。

• 青森：
  ありがどーごし / A-ri-ga-do-go-shi
  或 ありがどごす / A-ri-ga-do-go-su

除此之外，讓對方添麻煩，表達謝意時嘅方言用語係「めやぐだ / Me-ya-gu-da」。不過，由於「めやぐだ / Me-ya-gu-da」與日文嘅共通語「迷惑だ / Me-i-wa-ku-da」（中文可理解為帶咗麻煩俾人）發音相當接近，因此被唔少縣外人誤解喔。

• 沖繩：
  にふぇーでーびる / Ni-fe-de-bi-ru

以上所提到嘅係沖繩本島所使用嘅方言，而宮古島表達謝意時嘅方言用語係「たんでぃがーたんでぃ / Ta-n-dei-ga-ta-n-dei」，石垣島則係「みーふぁいゆー / Mi-fua-i-yu」，根據不同離島，所用嘅當地方言用語亦有所不同。

（Yummy / Tasty）嘅日文「おいしい / O-i-shi-i」方言版係？

• 北海道：
  （無特別相對應嘅方言用語）

不過，喺表達「Tasty」嘅日文「おいしい / O-i-shi-i」，或「うまい / U-ma-i」前面，加上「なまら / Na-ma-ra」嘅話，就會變成「Very tasty」嘅意思。下次品嘗完北海道海鮮丼飯之後，不妨試試加埋「なまら / Na-ma-ra」嚟表達啦！

• 青森：
  んめぇ / N-mee

• 愛知：
  うみゃあ / U-mya-a

亦有「うめゃぁがやぁ / U-mya-ga-ya」和「うみぁーっ / U-mi-a」等不同版本。

• 福岡：
  うまかー / U-ma-ka

順帶一提，日本全國超市均有售嘅豬骨味即食麵「うまかっちゃん」（Umakachan），其商品名來源於表示「好好味喔」嘅博多方言用語。

• 沖繩：
  まーさん / Ma-sa-n

想強調「非常好食」嘅時候，將表示「very」嘅日文「いっぺー / I-ppe」作開頭用語，講聲「いっぺーまーさん / I-ppe-ma-san」吧。

（See you / Bye bye）嘅日文「また / Ma-ta」、「さようなら / Sa-yo-u-na-ra」方言版係？

• 北海道：
  したっけ / Shi-ta-kke

北海道嘅代表方言之一。除咗有「See you」嘅意思，會喺離開場合時使用之外，亦會當作與「そうしたら / So-u-shi-ta-ra」（中文可以理解成: 咁就~/那樣的話/這樣一來）般意思嘅接續詞使用。

• 青森：
  へば / He-ba

喺東北地區（主要係青森和秋田）廣泛使用嘅秋田腔、津輕腔、下北腔。

• 愛知：
  ほんなら / Ho-n-na-ra

以關西地區及中部地區為中心，被廣泛使用嘅方言。鹿兒島亦會使用此方言。

• 沖繩：
  ぐぶりーさびら / Gu-bu-ri-sa-bi-ra

除咗有「See you 」「Bye bye」嘅意思之外，亦有「失礼します」，即「Excuse me」嘅意思。