今次嘅驚慄奇幻系列中，會同大家講幾個「揭曉謎底後會令人毛骨悚然嘅故事」（深思極恐）！小編會將正確答案安排喺文章最尾，以確保大家能夠親自猜測並享受當中樂趣，同時避免即刻睇到答案！

小編今次會同大家分享4個，睇埋謎底後會令人毛骨悚然嘅故事。希望大家睇完呢4個故仔之後，試下自己諗下故事所敘述嘅內容，理解當中可怕之處，然後再望望文章最下面嘅解答，睇睇自己諗嘅同真實嘅答案又一唔一樣。歡迎大家喺留言位分享個人獨特見解啊！

許願

有一粒流星，降落於少女身旁。

流星話：

「我將實現你一個願望」

少女落淚，然後話：

「請將我所有屋企人徹底消失，
我真係好憎有咁嘅屋企人」

隔日，少女起身之後落樓，
發現一切如常，媽咪、爸爸同哥哥都喺唒度。

少女感到後悔。

當晚，流星再次出現喺少女面前，問道：
「你滿意嗎？」

少女回答：
「請幫我取消尋日許嘅願望」

流星話：
「一旦實現嘅願望係無法取消啊」

少女聽完流星呢番說話之後，開始流淚。

凶宅

我離開老家，開始獨自喺城市生活。

租咗個約六畳左右嘅狹小單位，
雖然呢棟公寓年數已久，
但係因為係凶宅，租金非常平，所以決定入住呢個單位。

然而，一個人嘅生活大約開始咗兩星期左右，門鐘突然響起。
打開門見到有位大約五十幾歲、神情蕭條嘅男士企咗喺門口，開聲話：

「我住喺你樓下，
雖然未至於到嬲嘅程度
但係你嘅腳步聲令我感到非常在意，
可以請你稍微注意一下嗎？」

然而，呢段說話當中有部分令人費解嘅地方。
因為呢位男士所提到嘅日期，我明明係去緊旅行，根本唔喺屋企。

或者成件事含有誤解嘅成分，但因為怕麻煩，我求其道歉快快趣了結咗呢件事，
然後過咗一個星期之後，嗰位男士又再次上嚟撳門鐘。

今次，呢位男士手拎住個紙袋，
當我打開門之後，佢將紙袋遞畀我，
然後同我講：「送畀你用」。

我望一望個紙袋裡面，居然有張類似酒店都會用到嘅高級隔音墊。

男士：「尺寸啱啱好，對吧？
因為我住喺樓下，間隔係同你個單位一樣。」

雖然感到有啲不安，覺得唔多舒服，但總算係收到好嘢，
覺得自己都幾幸運吓。

之後就接連得到各種隔音材料，
打造出隔音效果極佳，幾乎唔會漏出任何聲音嘅環境，
亦因為買咗把吉他，決定試吓玩樂器。
開始新嗜好。

唔知佢下次仲會拎啲咩過嚟畀我呢？

雜木林

我所居住嘅城鎮有一片雜木林，
近排，流傳住有關雜木林嘅奇怪謠言。

謠言內容係每逢深夜時分，
就會有女鬼出現。

我即將年滿31歲，
過去，呢個城鎮從未傳出過有關幽靈嘅謠言。
所以聽到呢個謠言之後，搞到我心情變得好唔舒服。

不過，或者可以話係因為我由細到大就係一個比較急躁嘅人，
聽到呢類謠言嘅時候，
硬係想親自用自己雙眼確認是否屬實，
所以決定今晚深夜2點，去雜木林一探究竟，
親自調查究竟係咪真係有幽靈嘅存在。

凌晨2時15分。
終於抵達雜木林。
由於並無任何明顯嘅靈異現象發生，
我開始覺得謠言只不過係虛驚，
成個人即刻放心晒。

不過，過咗一陣，無諗過真係喺樹林深處見到一位女士嘅身影。
我戰戰兢兢地用手電筒照過去，發現係一位穿著西裝嘅女士。
就係嗰一刻，佢突然轉身背對住我。

我發現...佢竟然係冇後腦...

佢用微弱嘅聲線同我講:
「還返個腦俾我」

雖然我喺恐懼中顫抖，但同時我個心係咁諗：

「早知就唔使咁焦慮不安啦...」

反映真實之鏡

醫生向病人展示呢塊真實之鏡。

太朗：呢塊就係真實之鏡？我嘅真實容貌點會係一個咁醜陋嘅老太婆呀？

美希：唔好講笑啦！呢位係乜水呀？代表住將來嘅我？完全陌生人咁嘅樣喎。

翔太：我係男仔嚟㗎喎。唔通我真實嘅一面係女仔？即係點呀？真係唔係好明喎。

梅子：係年輕時候嘅我嗎？唔係喎，我當時靚啲啫。

花子：咩呀？普通鏡嚟㗎咋？邊度係反映真實之鏡呀？真係傻傻地。

医者：好啦，就揀你啦，花子。

武志：你條友吖！我要殺死你！

解答（想挑戰嘅讀者可以諗好自己嘅答案再繼續閱讀！）

許願

少女曾經懷疑過呢個屋企並非佢嘅親生家庭。願望成真之後，少女發現所有人仍然存在，亦即係話，現時嘅家庭並非少女嘅親生家庭。換言之，真正嘅家庭亦如願地，從呢個世界上消失…。

凶宅

樓下居民係一名殺人犯，過去曾謀殺過樓上嘅居民。上一次由於聲音外洩造成麻煩，所以今次做足事前準備，提出虛假投訴，並乘機建立好完善嘅隔音環境。

雜木林

講故事嘅人最近殺害咗一名女性，將佢埋喺雜木林裡。聽到謠言話受害者嘅鬼魂可能會出現，害怕因為咁而被揭發殺人事件而感到不安，所以前去確認情況，去到見到自己埋咗嘅屍體並無異常而感到安心。當其時出現嘅鬼魂亦係其他人，非講故事嘅人所殺害嘅女性，所以無必要再感到焦慮。

反映真實之鏡

患者患有多重人格，醫生正在進行判斷主要人格嘅過程中，名為花子嘅人格表現出正常反應，所以醫生得出結論，決定選擇「花子」為主要人格，但名為武志嘅人格聽到之後對呢個決定似乎唔太滿意……