當您去日本旅行時想一嚐博多拉麵好滋味嘅話，咁以下由小編精選出嘅5間博多拉麵店就絕對不容錯過！地道味道獲得日本人一致讚好不在話下，話唔定邊食拉麵仲可以邊同日本人交流一番呢。

東京

博多長濱拉麵 田中商店 DiverCity Tokyo 購物中心店

博多長濱拉麵嘅豬骨湯底，選用豬骨到豬腳等成隻豬嘅精華部位熬煮3日而成，味道濃郁卻毫無腥味，再配搭福岡直送嘅極幼麵配以特製大釜炙燒叉燒，精心打造出令人一試難忘嘅拉麵，絕對係會令人再三回味嘅幸福好滋味！

店舖資訊

• 店名：博多長濱拉麵 田中商店 DiverCity Tokyo 購物中心店
  
• 地址：東京都江東區青海1-1-10
• 交通：從東京臨海高速鐵道臨海線東京電訊站步行約5分鐘；或從百合鷗線台場站步行約7分鐘
• 營業時間：星期一～星期五 10：00～22：00、六日10：00〜20：00
  
• 價位：拉麵850日圓
• 不需購買餐券，可用信用卡（VISA、Mastercard萬事達卡、JCB）

博多麵房 赤暖簾 西麻布本店

博多麵房赤暖簾店內有一個巨型五右衛門釜，湯底只會使用經過嚴選嘅豬骨，以五右衛門釜熬煮用上1日，絕對係百分百純濃郁厚實豬骨湯底！再加上店家特製嘅醬油醬汁，食之前先飲一啖湯，當下會感受到全身都充滿豬骨嘅香濃，餘味清爽之餘又唔會太油膩。麵條方面，則係使用「平打極細麵」，提供6種麵條硬度選擇，依照唔同硬度，所呈現出嘅拉麵口感與風味亦會有所變化。

店舖資訊

• 店名：博多麵房 赤暖簾 西麻布本店
  
• 地址：東京都港區西麻布3-21-24 第五中岡大樓 1F
• 交通：從東京Metro日比谷線六本木站，步行約7分鐘；都營地下鐵大江戶線六本木站步行約12分鐘；都營巴士01系統 六本木六丁目公車站 步行約1分鐘
• 營業時間：11：00～隔日05：00
• 價位：博多拉麵 750日圓
• 只接受現金，不可使用信用卡

大阪

博多拉麵 GENKOTSU 梅田店

「げんこつ（ GENKOTSU ）」係指豬骨拉麵湯底當中最重要嘅材料－豬大腿骨、脛骨。店家出品以豬骨、雞骨熬煮3日3夜，細心撈去雜質後而成，所熬煮出嘅湯底完全零腥味。配上店家自製麵條、秘傳湯頭醬汁、以及用秘傳滷汁所滷嘅叉燒，各樣食材之間完美嘅黃金組合，成功打造出味道香醇濃郁嘅豬骨拉麵！

店舖資訊

• 店名：博多拉麵 GENKOTSU 梅田店
  
• 地址：大阪市北區芝田1-3-18
• 交通：從大阪市營地下鐵御堂筋線梅田站步行約2分鐘；JR東海道本線大阪站步行約4分鐘；大阪市營地下鐵谷町線東梅田站步行約6分鐘
• 營業時間：星期一～星期五11：00〜24：30、六日及假日 11：00〜24：30
• 價位：特製拉麵 920日圓
• 只接受現金，不可使用信用卡

福岡

元祖博多達摩拉麵

1963年創業嘅「元祖博多達摩拉麵」足以成為博多拉麵嘅表表者，皆因老字號自開業以嚟一直沿用鐵鑄羽釜熬煮湯底至今，100%只選用豬後腿經過長時間熬煮，湯頭甘甜濃郁。而家店家唔單止對湯頭講究，連醬油都係獨家原創，仲會嚴選各種食材，為求打造出一碗美味極致嘅豚骨拉麵，令人食過返尋味。

店舖資訊

• 店名：元祖博多達摩拉麵
  
• 地址：福岡市博多區博多站中央街1-1 博多DEITOS 2F
• 交通：JR博多站車站大樓博多DEITOS 2F（博多麵食美食街內）
• 營業時間：10：00〜23：00
  
• 價位：炙燒松阪豬叉燒拉麵1200日圓（餐券制）
  
• 可用信用卡付款（VISA、Mastercard萬事達卡、AMEX美國運通、銀聯等等）、電子支付（支付寶、微信支付等等）

博多一雙 博多站東本店

「博多一雙」湯底選用嚴選日本產小豬嘅豬頭骨、背骨以及脛骨，事先仔細地清洗，去除血水與雜質後再經過長時間熬煮，綿密細緻嘅奶白色湯底更被拉麵愛好者客人譽為「豚骨Cappuccino」。採用自家特製嘅平打幼麵與醬汁，再配搭以拉麵醬汁所熬煮出嘅叉燒，令人一試難忘嘅香濃美味就此誕生。

店舖資訊

• 店名：博多一雙 博多站東本店
• 地址：福岡縣福岡市博多區博多站東3-1-6
• 交通：從博多站步行約6分鐘
  
• 營業時間：11：00～24：00
• 定休日：不定休
• 價位：拉麵 680日圓
• 請於餐券機購買餐券，不可使用信用卡，不可使用電子支付