福岡係豚骨拉麵嘅主場，縣內擁有多間拉麵老店與名店，可謂拉麵店激戰區！今次FUN! JAPAN編輯部就喺多間拉麵店裡面，為大家精挑細選出5間店舖，每一間都係小編們真心推薦，有機會記得要去試一試以下落嚟為大家介紹嘅精選拉麵店喔～

博多拉麵 Shin-Shin 天神本店

「博多拉麵 Shin-Shin 天神本店」主要選用日本產豬骨、佐賀縣品牌雞「有田雞」雞骨，加上九州當地蔬菜等食材去熬製湯頭，細心地重複撈走雜質與浮油後再熬煮一日。當中，拉麵不可或缺嘅日式叉燒嘅烹煮部分，更加係繼承傳統手法，加上使用店家非常講究嘅日式醬油去調配出嘅秘傳醬汁，將叉燒慢慢煮到入味，令人一試難忘！

店舖資訊

• 店名：博多拉麵 Shin-Shin 天神本店
• 地址：福岡縣福岡市中央區天神3-2-19 1F
• 交通方式：
• 福岡市營地下鐵機場線／天神站（4號出口）步行約5分鐘
• 西鐵天神大牟田線／西鐵福岡站（北口）步行約7分鐘
• 福岡市營地下鐵機場線／赤坂站（5號出口）步行約8分鐘
• 營業時間：11：00〜03：00（週一〜週六）、11：00～24：00（週日）
• 公休日：全年無休
• 價位：溏心蛋拉麵790日圓（含稅）
• 不需購買餐券，可用信用卡（VISA、Mastercard萬事達卡）、交通系電子貨幣、行動支付

大砲拉麵本店

「大砲拉麵」始創於1953年，至今仍然堅持著用第一代店主創造嘅傳統做法「召回湯頭（呼び戻しスープ）」去炮製湯頭，喺利用傳統煮食工具「釜」所熬煮嘅湯頭裡面，每日添加新鮮熬煮嘅湯頭不停地熬煮。「釜」裡面嘅湯頭一直都唔會被清空，謹守「老湯一直熬煮」以保留湯頭美味；麵條方面，則係精心製作嘅自家製麵條。重點係，「古早味拉麵」當中藏有另一個美味嘅秘密武器—就係加咗又香又酥嘅「豬油渣」，為拉麵畫龍點睛，更成為久留米拉麵先會有嘅獨特味道！

店舖資訊

• 店名：大砲拉麵本店
• 地址：福岡縣久留市通外町11-8
• 交通：西鐵久留米站步行約10分鐘
• 營業時間：10：30〜21：00（營業時間可能隨時變動，在來店之前請上官網確認）
• 價位：古早味拉麵700日圓 ※只接受現金付款

* 截至2021年3月為止嘅資訊
* 提供外語菜單

博多一幸舍 總本店

「博多一幸舍 總本店」嘅豚骨湯頭拉麵被譽為「元祖泡系」，泡系拉麵即係指豚骨湯頭上層會有一層被稱為「脂泡」嘅綿密泡沫，係經過長時間嘅熬煮而成嘅絕美精華。「博多一幸舍 總本店」熬煮出嘅豬骨湯底格外甘甜，充滿綿密細緻口感，加上自家製造爽口彈牙嘅扁平細麵，令人回味無窮。

「博多一幸舍 總本店」拉麵配料恰到好處，叉燒嫩而不膩，令人再三回味。想要一嚐正宗博多拉麵嘅您，「博多一幸舍 總本店」絕不可錯過。

店舖資訊

• 店名：博多一幸舍 總本店
• 地址：福岡市博多區博多站前3丁目23-12
• 交通：從JR博多站步行約4分鐘
• 營業時間：11：00～21：00（最後點餐時間20：30）
• 價位：豬骨拉麵680日圓
• 請在餐券機購買餐券
• 僅接受現金

福醬拉麵

「福醬拉麵」嘅原創豬骨湯底獨具風味、特色十足。原創豚骨湯頭用上味道豐富又有層次嘅熟成湯頭，添加上味道清爽嘅全新湯頭所打造；麵條則選用博多拉麵嘅傳統麵條「中細麵」，喺吸滿湯汁嘅麵條上面再加入蒜頭，令拉麵嘅味道變得更立體，食落更有一番好滋味。

店舖資訊

• 店名：福醬拉麵
• 地址：福岡縣福岡市早良區田隈2-24-2
• 交通：
• 從地下鐵七隈線賀茂站步行約7分鐘
• 從西鐵巴士 田隈新町步行約1分鐘
• 營業時間：
• 週一：11：00〜15：00
• 週三～週日：11：00〜21：00
• ＊每日提供嘅麵銷售完畢，即提早休息
• 定休日：週二
• 價位：拉麵600日圓
• 請至收銀台埋單，只接受現金付款

元祖博多達摩拉麵

「元祖博多達摩拉麵」始創於1963年，係一間足以代表博多豬骨拉麵嘅店家。「元祖博多達摩拉麵」使用從1963年開業以嚟就一直沿用至今嘅「鐵鑄羽釜」熬煮湯底，店家堅持使用豬後腿慢火長時間熬製湯頭，熬煮出既甘甜且濃縮成精華嘅湯底。除咗對湯底堅持，連醬油都係獨家原創，並且嚴選各種食材，為求打造出一碗極致美味嘅豚骨拉麵，令人魂牽夢縈。

店舖資訊

• 店名：元祖博多達摩拉麵
• 地址：福岡市博多區博多站中央街1-1 博多DEITOS 2F
• 交通：JR博多站車站大樓博多DEITOS 2F（博多麵食美食街內）
• 營業時間：10：00〜23：00
• 價位：炙燒松阪豬叉燒拉麵1200日圓（餐券制） 
• 信用卡付款：可（VISA、Mastercard萬事達卡、AMEX美國運通、銀聯等等）