起源於美國，主要係食炸雞嘅KFC肯德基，全球分店眾多，無論大人定細路都鍾意。而肯德基最近喺東京開咗間新「餐廳」！居然係任食炸雞！到底係點食法？就等FUN! JAPAN小編率先帶大家去現場體驗一吓吧！

KFC同日本聖誕節有咩關係？

海外嘅朋友可能會好驚訝，喺日本，KFC 肯德基竟然係聖誕節必食料理之一。一到聖誕節，日本各地嘅KFC就會大排長龍。如果聖誕節有計畫要嚟日本玩，不妨嚟睇吓呢間全新嘅任食KFC會有咩盛況吧！

KFC Restaurant有咩特別？

今次呢間唔係KFC新分店，而係特別版嘅KFC Restaurant，係南町田Grandberry Park重新規劃嘅新商場入面嘅新舖。舖面用咗木紋為主嘅裝修，仲有貼有我地稱為肯德基上校嘅KFC創辦人David Sanders嘅舊相。舖頭入面仲有位放BB車，仲有大枱畀一大班朋友一齊坐。

另外，喺舖嘅最入面，仲有首次登陸日本嘅「KFC Kids School」，呢個開放式廚房空間，畀小朋友可以自己整原創嘅烤雞炸雞同試食。可以試吓親手整野食嘅樂趣，一邊同大家一齊分享美食，一邊畀機會小朋友學習食物安全、安心。

KFC Restaurant有咩特別菜式？！

係KFC Restaurant 唔似一般KFC咁食法，而係真係好以去餐廳咁，慢慢坐喺到品嘗美食。除咗有經典原味炸雞以外，仲有期間限定菜式等等，種類豐富，熟食同甜品加埋，一共有50種類左右，以自助餐形式供應。

可以品嘗到各部位嘅炸雞，無論係雞胸肉、雞翼、定係鮮嫩多汁嘅雞脾通通都可以任食。仲有即炸嘅熱辣辣薯條、香濃咖哩、甜品同埋沙律，而且連飲品都係包埋任飲！真係一路食唔停，超興奮！

小編們今次係平日午餐時間去食，80分鐘嘅限定時間，真係話咁快就完！呢間KFC Restaurant同平時快餐店嘅KFC印象差好遠，可以慢慢喺靚靚嘅餐廳入面，一邊享受店員親切嘅服務，一邊瘋狂食炸雞同埋其他美食！大家要唔要試吓呢間只有日本先體驗到嘅KFC Restaurant呢？

店舖資訊：

  • 名稱：KFC Restaurant 南町田Grandberry Park店
  • 地址：東京都町田市鶴間3-4-1（最近的車站：東急田園都市線 南町田Grandberry Park站）
  • 營業時間：11:00～22:00（最後點餐時間 20:30）
  • 休息日：同南町田Grandberry Park休息日一樣
  • 價錢：
    • 平日午餐（11:00~17:00，限時80分鐘）成人1,980円（未計稅）、小學生980円（未計稅）
    • 平日／週末晚餐（17:00~22:00，限時90分鐘、最後點餐時間 20:30） 成人2,580円（未計稅）、小學生1,28円（未計稅））
    • 星期六日午餐（11:00~17:00、限時80分鐘）成人2,180円（未計稅））、小學生1,080円（未計稅）
    • ※所有日子／時段...幼兒（4歲～6歲）一律 480円、3歲以下免費

目錄